Numeros 21:16

Ang Biblia 2011

Ug gikan didto mipanaw sila ngadto sa Beer, nga mao ang atabay diin miingon ang Ginoo kang Moises, “Pundoka ang katawhan ug hatagan nako sila ug tubig.”

Cross References

Genesis 21:19

Ug gipabuka sa Dios ang mga mata ni Hagar ug nakita niya ang usa ka atabay sa tubig ug miadto siya ug gipuno niya ang panit nga sudlanan sa tubig ug gipainom niya ang bata.

Exodo 17:6

Motindog ako sa imong atubangan didto sa ibabaw sa bato sa Horeb ug bunali ang bato. Gikan niini motubod ang tubig nga mainom sa katawhan.” Ug gibuhat kini ni Moises sa atubangan sa mga kadagkoan sa Israel.

Isaias 12:3

Busa uban ang kalipay, kamo magtimba ug tubig gikan sa mga atabay sa kaluwasan.

Isaias 15:8

Kay ang pagtuaw moabot nga maglibot sa yuta sa Moab; ang pagminatay moabot hangtod sa Eglaim, ang pagminatay moabot hangtod sa Beer-elim.

Isaias 43:20

Ang mga ihalas nga mananap magpasidungog kanako, ang mga irong ihalas ug mga abistros; tungod kay ako naghatag ug tubig sa kamingawan, ug mga sapa sa diserto, aron sa paghatag ug mainom sa akong piniling katawhan,

Isaias 49:10

dili sila gutomon o uhawon, ang init nga hangin o ang adlaw dili mohampak kanila, kay siya nga adunay kaluoy kanila magmando kanila, ug sa daplin sa mga tuboran sa tubig siya magtultol kanila.

Numeros 20:8

“Kuhaa ang sungkod ug tigoma ang katilingban, ikaw ug si Aaron nga imong igsoon ug sultihi ang bato sa atubangan sa ilang mga mata aron kini maghatag sa iyang tubig ug magkuha ikaw ug tubig gikan sa bato alang kanila ug paimnon nimo ang katilingban ug ang ilang mga kahayopan.”

Numeros 33:46

Unya mibiya sila gikan sa Dibon-gad ug nagkampo didto sa Almon-diblataim.

Juan 4:10

Si Jesus mitubag kaniya, “Kon nasayod pa ikaw sa gasa sa Dios ug kon kinsa kining nag-ingon kanimo, ‘Paimna ako,’ mangayo gayod unta ikaw kaniya ug ikaw hatagan unta niya sa buhi nga tubig.”

Juan 4:14

apan si bisan kinsa nga moinom sa tubig nga akong ihatag kaniya dili na gayod uhawon hangtod sa kahangtoran kay ang tubig nga akong ihatag kaniya mahimo diha sa sulod niya nga usa ka tubod sa tubig nga mobul-og ngadto sa kinabuhing dayon.”

Gipadayag 21:6

Ug siya miingon kanako, “Natapos na! Ako mao ang Alfa ug ang Omega, ang sinugdan ug ang kataposan. Kaniya nga giuhaw ihatag nako nga walay bayad ang tubig gikan sa tuboran sa tubig sa kinabuhi.

Gipadayag 22:1

Unya iyang gipakita kanako ang suba sa tubig sa kinabuhi nga tin-aw daw kristal, nagbuswak gikan sa Dios ug sa trono sa Nating Karnero,

Gipadayag 22:17

Ang Espiritu ug ang Pangasaw-onon nag-ingon, “Dali ngari.” Ug siya nga namati paingna, “Dali ngari.” Ug ang giuhaw paaria, ang may tinguha paimna nga walay bayad sa tubig sa kinabuhi.

Mga Maghuhukom 9:21

Ug si Jotam midagan ug mipalayo ug miadto sa Beer ug mipuyo didto kay nahadlok kang Abimelek nga iyang igsoon.