Numeros 21:14

Ang Biblia 2011

Busa giingon kini diha sa basahon sa mga Gubat sa Ginoo, “Waheb sa Supa ug ang mga walog sa Arnon,

Cross References

2 Samuel 1:18

(ug siya misugo nga ang “Awit sa Pana” itudlo ngadto sa katawhan sa Juda; kini nasulat sa Basahon ni Jasar). Siya miingon,

Isaias 16:2

Sama sa mga naglupadlupad nga langgam, sama sa nagkatibulaag nga mga kuyabog, mao usab ang mga anak nga babaye sa Moab diha sa mga tabokanan sa Arnon.

Numeros 21:13

Gikan didto mipanaw sila ug nagkampo tabok sa Arnon nga diha sa kamingawan, nga nagsubay sa utlanan sa mga Amorihanon, kay ang Arnon mao ang utlanan sa Moab, tali sa Moab ug sa mga Amorihanon.

Numeros 21:15

ug ang bakilid sa mga walog nga miabot ngadto sa nahimutangan sa Ar, ug nagpaingon ngadto sa utlanan sa Moab.”

Lucas 24:27

Ug sugod kang Moises ug sa tanang mga propeta, iyang gipasabot kanila ang mga butang sa tibuok nga kasulatan mahitungod sa iyang kaugalingon.

Deuteronomio 2:24

‘Panindog kamo, padayon sa inyong panaw ug panglabang sa suba sa Arnon. Tan-awa, gihatag nako sa imong kamot si Sihon nga Amorihanon, ang hari sa Hesbon ug ang iyang yuta. Sugdi ninyo ang pagpanag-iya niini ug pakig-away kamo batok kaniya sa gubat.

Josue 10:13

Ug ang adlaw mihunong ug ang bulan mipabilin, hangtod nga ang nasod nakabalos sa ilang mga kaaway. Wala ba kini masulat sa basahon ni Jasar? Ang adlaw mihunong sa taliwala sa langit ug wala magdali sa pagsalop hapit sa tibuok nga adlaw.

1 Samuel 18:17

Unya si Saul miingon kang David, “Ania karon ang akong kamagulangang anak nga babaye nga si Merab, siya akong ipaasawa kanimo. Pagmaisogon lamang alang kanako ug pagpakiggubat alang sa Ginoo.” Kay si Saul naghunahuna, “Dili unta itugot nga modapat ang akong kamot kaniya, kondili ang kamot sa mga Filistihanon ang padapaton kaniya.”