Numeros 20:8

Ang Biblia 2011

“Kuhaa ang sungkod ug tigoma ang katilingban, ikaw ug si Aaron nga imong igsoon ug sultihi ang bato sa atubangan sa ilang mga mata aron kini maghatag sa iyang tubig ug magkuha ikaw ug tubig gikan sa bato alang kanila ug paimnon nimo ang katilingban ug ang ilang mga kahayopan.”

Cross References

Genesis 18:14

Aduna bay mga butang nga lisod alang sa Dios? Sa gitakda nga panahon mobalik ako kanimo, sa tingpamulak, ug si Sarah makabaton ug usa ka anak nga lalaki.”

Nehemias 9:15

Ikaw naghatag kanila ug pan gikan sa langit alang sa ilang kagutom ug nagpadala kanila ug tubig nga gikan sa bato alang sa ilang kauhaw, ug ikaw nagsugo kanila sa pag-adto aron sa pagpanag-iya sa yuta nga imong gipanumpa nga ihatag kanila.

Salmo 105:41

Iyang giabli ang bato, ug mibuswak ang tubig; midagayday kini ngadto sa mga dapit nga uga sama sa usa ka suba.

Salmo 114:8

nga maoy naghimo sa bato nga lim-aw sa tubig, ang bato nga santik ngadto sa usa ka tuboran sa mga tubig.

Salmo 33:9

Kay siya misulti, ug kini nahitabo; siya misugo, ug kini mibarog.

Exodo 14:16

Unya bakyawa ang imong sungkod ug ituy-od ang imong kamot ibabaw sa dagat ug bahina kini, aron ang katawhan sa Israel makalakaw sa uga nga yuta diha sa dagat.

Exodo 17:9

Ug si Moises miingon kang Josue, “Pagpili gikan kanato ug mga tawo ug panggawas kamo ug pakig-away kamo batok sa Amalek. Ugma motindog ako sa tumoy sa bungtod nga magbitbit sa sungkod sa Dios.”

Exodo 4:17

Ug ikaw magbitbit niining sungkod sa imong kamot nga uban niini magbuhat ikaw ug mga ilhanan.”

Exodo 4:2

Ug ang Ginoo miingon, “Unsa man kanang anaa sa imong kamot?” Ug siya miingon, “Usa ka sungkod.”

Exodo 4:20

Busa gikuha ni Moises ang iyang asawa ug ang iyang mga anak nga lalaki ug gipasakay sila sa usa ka asno ug mibalik siya sa yuta sa Ehipto, ug gidala ni Moises ang sungkod sa Dios diha sa iyang kamot.

Exodo 7:20

Si Moises ug si Aaron mibuhat sa gisugo sa Ginoo, ug sa atubangan sa Paraon ug sa atubangan sa iyang mga alagad gibakyaw niya ang sungkod ug gihampak kini sa tubig sa suba, ug ang tanang tubig sa suba nahimong dugo.

Isaias 43:20

Ang mga ihalas nga mananap magpasidungog kanako, ang mga irong ihalas ug mga abistros; tungod kay ako naghatag ug tubig sa kamingawan, ug mga sapa sa diserto, aron sa paghatag ug mainom sa akong piniling katawhan,

Isaias 48:21

Sila wala uhawa sa diha nga iyang gigiyahan sila latas sa mga kamingawan; iyang gipabuhagay ang mga tubig gikan sa bato alang kanila; iyang gipikas ang bato ug ang tubig mibuhagay.

Numeros 20:11

Ug giisa ni Moises ang iyang kamot ug gibunalan ang bato sa iyang sungkod sa makaduha ug mibuhagay ang daghang tubig ug miinom ang katilingban ug ang ilang kahayopan.

Numeros 20:7

Ug ang Ginoo miingon kang Moises,

Numeros 21:15

ug ang bakilid sa mga walog nga miabot ngadto sa nahimutangan sa Ar, ug nagpaingon ngadto sa utlanan sa Moab.”

Numeros 21:18

Ang atabay nga gikalot sa mga pangulo, gipaladman kini sa mga kadagkoan sa katawhan, pinaagi sa baston ug sa ilang mga sungkod.” Ug gikan sa kamingawan mipadayon sila ngadto sa Matana,

Mateo 21:21

Si Jesus mitubag nga nag-ingon kanila, “Sa pagkatinuod, sultihan ko kamo, kon aduna kamoy pagtuo ug dili magduhaduha, makahimo kamo dili lamang sa nahimo ngadto sa kahoyng igera, kondili bisan pag moingon kamo niining bukira, ‘Maalsa ka ug matambog ngadto sa lawod,’ kini mahimo.

Lucas 11:13

Busa, kon kamo, nga mga daotan, mahibalo man ganing mohatag ug mga maayong gasa ngadto sa inyong mga anak, dili ba labaw pa ang inyong langitnong Amahan nga mohatag sa Espiritu Santo ngadto sa mga nangayo kaniya?”

Juan 16:24

Hangtod karon wala pa kamo mangayo pinaagi sa akong ngalan. Pangayo kamo ug makadawat kamo aron mahingpit ang inyong kalipay.

Mga Buhat 1:14

Kini silang tanan nagpadayon sa paghiusa sa pag-ampo, kauban sa mga babaye ug kang Maria nga inahan ni Jesus ug sa iyang mga igsoong lalaki.

Josue 6:20

Busa ang katawhan naninggit ug ang mga trumpeta gipatingog. Sa pagkadungog sa katawhan sa tingog sa trumpeta, ang katawhan misinggit sa kusog nga tingog ug ang paril natumpag nga nahapla. Unya ang mga tawo misulod sa siyudad, ang matag tawo lahos sa iyang giatubang ug ilang gikuha ang siyudad.

Josue 6:5

Sa diha nga sila magpatingog ug kusog sa trumpeta nga sungay sa laking karnero, sa diha nga kamo makadungog sa tingog sa trumpeta, ang tanang katawhan kinahanglang maninggit sa kusog nga pagsinggit ug ang paril sa siyudad matumpag nga mahapla gayod, ug ang katawhan manaka sa itaas ang matag tawo lahos sa iyang giatubang.”

Gipadayag 22:1

Unya iyang gipakita kanako ang suba sa tubig sa kinabuhi nga tin-aw daw kristal, nagbuswak gikan sa Dios ug sa trono sa Nating Karnero,

Gipadayag 22:17

Ang Espiritu ug ang Pangasaw-onon nag-ingon, “Dali ngari.” Ug siya nga namati paingna, “Dali ngari.” Ug ang giuhaw paaria, ang may tinguha paimna nga walay bayad sa tubig sa kinabuhi.