Numeros 20:20

Ang Biblia 2011

Apan siya miingon, “Dili ikaw makaagi.” Ug migula si Edom batok kaniya uban ang daghan nga katawhan ug kalig-on nga kasundalohan.

Cross References

Genesis 27:41

Busa si Esau nagdumot kang Jacob tungod sa panalangin nga gipanalangin kaniya sa iyang amahan ug miingon siya sa iyang kaugalingon, “Duol na ang mga adlaw sa pagbangutan tungod sa akong amahan, unya patyon nako si Jacob nga akong igsoon.”

Genesis 32:6

Ug ang mga sinugo namalik kang Jacob ug miingon, “Nakadangat kami sa imong igsoon nga si Esau ug siya moanhi sa pagsugat kanimo ug uban kaniya ang upat ka gatos ka tawo.”

Salmo 120:7

Ako alang sa pakigdait; apan sa dihang ako mosulti, sila alang sa gubat!

Amos 1:11

Mao kini ang giingon sa Ginoo, “Tungod sa tulo ka kalapasan sa Edom, ug tungod sa upat, dili nako bakwion ang silot; tungod kay iyang gigukod uban sa espada ang iyang igsoon ug gisalikway ang tanang kaluoy, ug ang iyang kasilag walay hunong, ug siya nagbaton sa iyang kaligutgot hangtod sa kahangtoran.

Numeros 20:18

Apan si Edom mitubag kaniya, “Ayaw kamo pag-agi aron ako dili mogula uban sa espada batok kanimo.”

Numeros 20:21

Busa si Edom nagdumili sa pagpaagi sa Israel diha sa iyang yuta ug mibiya ang Israel gikan kaniya.

Mga Maghuhukom 11:17

Unya ang Israel nagpadala ug mga sinugo ngadto sa hari sa Edom nga nag-ingon, ‘Paagia kami sa imong yuta, naghangyo kami kanimo,’ Apan ang hari sa Edom wala mamati. Ug nagpadala usab sila ngadto sa hari sa Moab apan siya wala mosugot busa ang Israel mipabilin sa Kades.

Mga Maghuhukom 11:20

Apan si Sihon wala mosalig sa Israel sa pag-agi sulod sa iyang kayutaan busa gitigom ni Sihon ang tanan niyang katawhan ug nagkampo sa Jahas ug nakig-away batok sa Israel.