Numeros 20:11

Ang Biblia 2011

Ug giisa ni Moises ang iyang kamot ug gibunalan ang bato sa iyang sungkod sa makaduha ug mibuhagay ang daghang tubig ug miinom ang katilingban ug ang ilang kahayopan.

Cross References

1 Cronicas 15:13

Tungod kay kini wala ninyo dad-a sa unang higayon, ang Ginoo nga atong Dios nasuko kanato, tungod kay wala nato ampingi kini sumala sa paagi nga gitakda.”

1 Cronicas 15:2

Unya si David miingon, “Walay si bisan kinsa nga modala sa sudlanan sa kasabotan sa Dios gawas sa mga Levihanon, kay ang Dios nagpili kanila aron sa pagdala sa sudlanan sa kasabotan sa Dios ug sa pag-alagad kaniya hangtod sa kahangtoran.”

Salmo 105:41

Iyang giabli ang bato, ug mibuswak ang tubig; midagayday kini ngadto sa mga dapit nga uga sama sa usa ka suba.

Salmo 114:8

nga maoy naghimo sa bato nga lim-aw sa tubig, ang bato nga santik ngadto sa usa ka tuboran sa mga tubig.

Salmo 74:15

Imong gipabuswak ang tubod ug ang suba; gipauga nimo ang dagkong mga suba.

Salmo 78:15

Gibuak niya ang mga pangpang sa kamingawan, ug gihatagan sila ug mainom nga madagayaon ingon nga daw gikan sa kahiladman.

Salmo 78:16

Gipabul-og niya ang mga tubod sa tubig gikan sa mga pangpang ug gipadagayday niya ang mga tubig sama sa mga suba.

Salmo 78:20

Gibunalan niya ang bato aron mobuhagay ang tubig, ug ang mga sapa nagbaha. Makahimo ba usab siya sa paghatag ug pan, o makahatag ba siya ug unod alang sa iyang katawhan?”

Exodo 17:6

Motindog ako sa imong atubangan didto sa ibabaw sa bato sa Horeb ug bunali ang bato. Gikan niini motubod ang tubig nga mainom sa katawhan.” Ug gibuhat kini ni Moises sa atubangan sa mga kadagkoan sa Israel.

Isaias 43:19

Tan-awa, ako naghimo ug usa ka bag-ong butang; karon mogula kini, dili ba kamo makakita niini? Ako magbuhat ug usa ka dalan diha sa kamingawan, ug mga sapa diha sa diserto.

Isaias 48:21

Sila wala uhawa sa diha nga iyang gigiyahan sila latas sa mga kamingawan; iyang gipabuhagay ang mga tubig gikan sa bato alang kanila; iyang gipikas ang bato ug ang tubig mibuhagay.

Oseas 13:5

Ako ang nakaila kanimo didto sa kamingawan, sa yuta sa dakong hulaw.

Levitico 10:1

Unya si Nadab ug si Abihu nga mga anak nga lalaki ni Aaron, matag usa kanila mikuha ug sudlanan sa insenso ug gibutangan nila kini ug kalayo ug ang ibabaw niini gibutangan nila ug insenso, ug naghalad sila ug dili balaan nga kalayo sa atubangan sa Ginoo nga wala gayod isugo kanila.

Numeros 20:8

“Kuhaa ang sungkod ug tigoma ang katilingban, ikaw ug si Aaron nga imong igsoon ug sultihi ang bato sa atubangan sa ilang mga mata aron kini maghatag sa iyang tubig ug magkuha ikaw ug tubig gikan sa bato alang kanila ug paimnon nimo ang katilingban ug ang ilang mga kahayopan.”

Mateo 28:20

nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.”

1 Mga Taga-Corinto 10:4

ug silang tanan nanginom sa samang espirituhanong ilimnon. Kay sila nanginom man gikan sa espirituhanong Bato nga misunod kanila, ug ang maong Bato mao si Cristo.

Deuteronomio 8:15

kaniya nga nagmando kaninyo latas sa usa ka dako ug makalilisang nga kamingawan, diin adunay mga pintas nga bitin ug mga tanga ug yuta sa kauhaw diin walay tubig, kaniya nga nagdala ug tubig alang kaninyo gikan sa batong bantilis,

Santiago 1:20

kay ang kasuko sa tawo dili magbuhat sa pagkamatarong sa Dios.

Mga Maghuhukom 15:19

Ug gibuksan sa Dios ang may lungag nga dapit sa Lehi ug migula ang tubig didto. Ug sa pag-inom niya, naulian ang iyang espiritu ug siya nabaskog. Busa ang ngalan niadto gitawag ug En-hakore nga anaa sa Lehi hangtod niining adlawa.

1 Samuel 15:19

Nganong wala man nimo tumana ang tingog sa Ginoo? Nganong midali man ikaw pagkuha sa inilog ug naghimo ug daotan diha sa panan-aw sa Ginoo?”

1 Samuel 15:24

Unya si Saul miingon kang Samuel, “Ako nakasala kay ako nakalapas sa sugo sa Ginoo ug sa iyang mga pulong, tungod kay ako nahadlok sa katawhan ug nagtuman sa ilang tingog.