Numeros 19:9

Ang Biblia 2011

Ang tawo nga hinlo maoy mohipos sa mga abo sa dumaga nga baka ug ibutang kini sa gawas sa kampo sa dapit nga hinlo. Kini tipigan alang sa katilingban sa katawhan sa Israel alang sa tubig sa paghinlo, alang sa pagkuha sa sala.

Cross References

Levitico 15:20

Ang tanan nga iyang higdaan sa panahon sa iyang pagkahugaw mahugaw, ang tanan usab nga lingkoran niya mahugaw.

Zacarias 13:1

“Nianang adlawa adunay usa ka tuboran nga buksan alang sa balay ni David ug sa mga nagpuyo sa Jerusalem, aron sa paghinlo kanila gikan sa sala ug sa pagkahugaw.

Numeros 19:13

Si bisan kinsa nga makahikap ug minatay, sa lawas sa tawo nga namatay, ug dili siya manghinlo sa iyang kaugalingon naghugaw siya sa Tolda sa Ginoo ug ang maong tawo ipahimulag gikan sa Israel. Tungod kay ang tubig sa paghinlo wala man ikasablig sa ibabaw niya, mahugaw siya ug ang iyang pagkahugaw anaa pa kaniya.

Numeros 19:17

Alang sa nahugaw magkuha sila ug abo sa gisunog nga halad tungod sa sala ug isagol kini sa tubig gikan sa tubod diha sa usa ka sudlanan.

Numeros 19:18

Unya ang usa ka tawo nga hinlo magkuha ug hisopo ug ituslob diha sa tubig ug iwisik sa tolda ug sa tanang mga kasangkapan ug sa mga tawo nga atua didto ug ngadto sa nakahikap sa bukog o sa gipatay o sa minatay o sa lubnganan.

Numeros 19:3

Ug ihatag ninyo kini kang Eleasar nga pari, ug kini dad-on niya ngadto sa gawas sa kampo ug patyon kini diha sa iyang atubangan.

Numeros 19:8

Ug siya nga nagsunog niini manglaba sa iyang mga bisti sa tubig ug hugasan niya sa tubig ang iyang lawas ug mahugaw siya hangtod sa pagkakilomkilom.

Numeros 6:12

Ug iyang balaanon alang sa Ginoo ang mga adlaw sa iyang pagkaginahin ug magdala siya ug usa ka nating karnero nga laki nga usa ka tuig ang kagulangon ingon nga halad tungod sa paglapas. Apan ang unang mga adlaw dili na isipon kay nahugawan man ang iyang pagkaginahin.

Numeros 8:7

Ug mao kini ang imong buhaton sa paghinlo kanila: isablig sa ibabaw nila ang tubig sa paghinlo ug pakiskisi nila pinaagi sa labaha ang tibuok nilang lawas, ug palabhi nila ang ilang mga bisti ug maghinlo sila sa ilang kaugalingon.

Numeros 9:13

Apan ang tawo nga hinlo ug wala mopanaw sa layo, kon magdumili siya sa pagsaulog sa Pagsaylo, ang maong tawo ipahimulag gikan sa iyang katawhan tungod kay wala siya maghalad sa iyang halad alang sa Ginoo sa gitakdang panahon niini; ang maong tawo magpas-an sa iyang sala.

2 Mga Taga-Corinto 5:21

Tungod kanato si Cristo nga wala makasinati ug sala gihimo niya nga sala, aron diha kang Cristo mahimo kitang pagkamatarong sa Dios.

2 Mga Taga-Corinto 7:1

Kay nakabaton man kita niining maong mga saad, mga hinigugma, hinloan nato ang atong kaugalingon sa tanang kahugaw sa unod ug sa espiritu, ug hingpiton nato ang pagkabalaan diha sa pagkahadlok sa Dios.

Mga Hebreo 7:26

Kay angay alang kanato ang maong labawng pangulong pari, balaan, walay sala, walay lama, linain gikan sa mga makasasala, tinuboy ngadto sa kahitas-an labaw pa sa kalangitan.

Mga Hebreo 9:13

Kay kon ang dugo sa mga kanding ug sa mga laking baka, ug ang mga agiw sa bayeng baka, sa ikasablig na kini ngadto sa mga nahugawan, makabalaan man gani alang sa pagkaputli sa unod,