Numeros 19:3

Ang Biblia 2011

Ug ihatag ninyo kini kang Eleasar nga pari, ug kini dad-on niya ngadto sa gawas sa kampo ug patyon kini diha sa iyang atubangan.

Cross References

Levitico 16:27

Dad-on niya sa gawas sa kampo ang torong baka nga halad tungod sa sala, ug ang kanding nga halad tungod sa sala, nga ang dugo niini gigamit aron sa paghimo sa pagtabon sa sala sa dapit nga balaan. Ug ilang sunogon sa kalayo ang mga panit niini, ang mga unod ug ang mga hugaw niini.

Levitico 24:14

“Dad-a sa gawas sa kampo kadtong nanunglo, ug kadtong tanan nga nakadungog kaniya ipabutang ang ilang mga kamot ibabaw sa iyang ulo ug unya ipabato siya sa tibuok nga katilingban.

Levitico 4:11

Apan ang panit sa torong baka ug ang tanan nga unod niini, uban ang ulo niini ug ang mga paa niini ug ang sulod sa tinai niini,

Levitico 4:12

ang tibuok torong baka dad-on niya ngadto sa gawas sa kampo, ngadto sa usa ka dapit nga hinlo, didto sa labayanan sa abo ug sunogon diha sa kalayo ibabaw sa sugnod. Sunogon kini didto sa labayanan sa abo.

Levitico 4:21

Ug dad-on niya ang torong baka ngadto sa gawas sa kampo ug sunogon niya kini sama sa pagsunog niya sa unang torong baka. Kini mao ang halad tungod sa sala alang sa katilingban.

Numeros 15:36

Ug ang tibuok nga katilingban midala kaniya didto sa gawas sa kampo, ug mibato kaniya hangtod nga namatay sumala sa sugo sa Ginoo kang Moises.

Numeros 19:9

Ang tawo nga hinlo maoy mohipos sa mga abo sa dumaga nga baka ug ibutang kini sa gawas sa kampo sa dapit nga hinlo. Kini tipigan alang sa katilingban sa katawhan sa Israel alang sa tubig sa paghinlo, alang sa pagkuha sa sala.

Numeros 3:4

Apan si Nadab ug si Abihu nangamatay sa atubangan sa Ginoo, sa paghalad nila ug dili balaan nga kalayo sa atubangan sa Ginoo didto sa kamingawan sa Sinai, ug sila walay mga anak. Ug si Eleasar ug si Itamar nag-alagad ingon nga mga pari samtang buhi pa si Aaron nga ilang amahan.

Numeros 5:2

“Sugoa ang katawhan sa Israel nga papahawaon nila sa kampo ang tanang sanlahon ug ang tanang may nag-agos ug ang tanan nga nahugaw tungod sa minatay.