Numeros 19:20

Ang Biblia 2011

“Apan ang tawo nga nahugaw ug wala manghinlo sa iyang kaugalingon, ang maong tawo ipahimulag gikan sa taliwala sa katilingban tungod kay gihugawan niya ang balaang dapit sa Ginoo. Tungod kay ang tubig sa paghinlo wala ikasablig kaniya hugaw siya.

Cross References

Genesis 17:14

Ug ang lalaki nga wala matuli ang iyang yamis ipahimulag gikan sa iyang katawhan. Siya naglapas sa akong kasabotan.”

Exodo 30:33

Si bisan kinsa nga magsagol ug sama niini ug magbutang niini sa usa ka langyaw, ipahimulag siya gikan sa iyang katawhan.’ ”

Levitico 15:31

“Sa ingon niana lainon nimo ang katawhan sa Israel gikan sa ilang pagkahugaw aron sila dili mangamatay sa ilang pagkahugaw sa diha nga ilang hugawan ang akong puluy-anan nga anaa sa taliwala nila.”

Levitico 17:16

Apan kon dili niya kini labhan o kaligoon ang iyang lawas, magpas-an siya sa iyang kasal-anan.”

Levitico 22:4

Walay kaliwat ni Aaron nga sanlahon o may nag-agos nga makakaon sa mga butang nga balaan hangtod nga siya mahinlo. Ug si bisan kinsa nga makahikap sa bisan unsang butang nga nahugaw tungod sa minatay o usa ka tawo nga gigawasan sa binhi,

Numeros 15:30

Apan ang tawo nga nagbuhat sa bisan unsang kasaypanan nga tinuyo, bisan siya lumad o usa ka langyaw, nagpasipala sa Ginoo ug ang maong tawo ipahimulag gikan sa iyang katawhan.

Numeros 19:13

Si bisan kinsa nga makahikap ug minatay, sa lawas sa tawo nga namatay, ug dili siya manghinlo sa iyang kaugalingon naghugaw siya sa Tolda sa Ginoo ug ang maong tawo ipahimulag gikan sa Israel. Tungod kay ang tubig sa paghinlo wala man ikasablig sa ibabaw niya, mahugaw siya ug ang iyang pagkahugaw anaa pa kaniya.

Numeros 9:13

Apan ang tawo nga hinlo ug wala mopanaw sa layo, kon magdumili siya sa pagsaulog sa Pagsaylo, ang maong tawo ipahimulag gikan sa iyang katawhan tungod kay wala siya maghalad sa iyang halad alang sa Ginoo sa gitakdang panahon niini; ang maong tawo magpas-an sa iyang sala.

Marcos 16:16

Ang motuo ug magpabautismo maluwas apan ang dili motuo hukman sa silot.

2 Pedro 3:14

Busa mga hinigugma, kay nagpaabot man kamo niining mga butanga, paningkamoti gayod nga makaplagan kamo diha sa kalinaw, walay buling o hugaw.

Gipadayag 22:11

Ang nagbuhat ug daotan pabuhata gihapon siya ug daotan ug ang hugaw papadayona gihapon sa pagkahugaw, ug ang matarong pabuhata gihapon ug matarong, ug ang balaan papadayona gihapon sa pagkabalaan.”