Numeros 19:2

Ang Biblia 2011

“Kini mao ang lagda sa balaod nga gisugo sa Ginoo: Sultihi ang katawhan sa Israel nga magdala sila kanimo ug usa ka dumaga nga baka nga pula nga walay tatsa, nga walay buling ug wala pa kasangoni ug yugo.

Cross References

Exodo 12:5

Ang inyong nating karnero kinahanglan nga walay tatsa, laki ug usa ka tuig ang kagulangon. Pilion ninyo kini gikan sa mga karnero o sa mga kanding

Isaias 1:18

“Dali ngari, maghusay kita, nag-ingon ang Ginoo; bisan ug ang inyong mga sala pula kaayo, himoon kining puti kaayo, bisan pa ug kini lutong pula, kini mahimong sama sa puting balhibo sa karnero.

Mga Pagbangotan 1:14

“Ang akong mga kalapasan nahigot ngadto sa yugo; pinaagi sa iyang kamot kini gidugtong; gibutang kini sa akong liog, iyang gipahuyang ang akong kusog; ang Ginoo mitugyan kanako ngadto sa mga kamot niadtong dili ako makasukol.

Levitico 1:10

“Kon ang iyang halad alang sa halad nga sunogon gikan sa panon, sa mga karnero o sa mga kanding, ang iyang ihalad laki nga walay tatsa.

Levitico 1:3

“Kon ang iyang halad usa ka halad nga sunogon nga gikan sa mga baka, ihalad niya ang usa ka laki nga walay tatsa, ihalad niya kini didto sa pultahan sa tolda nga tagboanan aron siya dawaton sa atubangan sa Ginoo.

Levitico 14:6

Ang langgam nga buhi kuhaon uban sa kahoy nga cedro ug sa pulang higot ug sa hisopo, ug kini ituslob niya ug ang langgam nga buhi diha sa dugo sa langgam nga gipatay sa ibabaw sa nag-agas nga tubig.

Numeros 19:1

Unya ang Ginoo miingon kang Moises ug kang Aaron,

Numeros 19:6

Unya ang pari magkuha ug kahoy nga cedro ug hisopo ug pula nga hilo, ug ibutang niya kini sa taliwala sa kalayo sa gisunog nga dumagang baka.

Numeros 31:21

Ug si Eleasar nga pari miingon sa mga manggugubat nga miadto sa gubat, “Kini mao ang lagda sa Balaod nga gisugo sa Ginoo kang Moises.

Lucas 1:35

Ang anghel mitubag kaniya, “Ang Espiritu Santo mokunsad kanimo ug ang gahom sa Labing Halangdon molandong kanimo. Tungod niini, ang balaang bata nga matawo tawgon nga Anak sa Dios.

Deuteronomio 21:3

Unya ang mga kadagkoan sa siyudad nga labing duol sa tawo nga gipatay magkuha ug usa ka nating baka nga baye nga wala pa magamit ug wala pa masangoni ug yugo.

Mga Hebreo 7:26

Kay angay alang kanato ang maong labawng pangulong pari, balaan, walay sala, walay lama, linain gikan sa mga makasasala, tinuboy ngadto sa kahitas-an labaw pa sa kalangitan.

Mga Hebreo 9:10

sila may kalabotan lamang mahitungod sa mga pagkaon ug ilimnon ug sa nagkalainlaing mga pagpanghugas, mga tulumanon alang sa lawas nga gipahamtang aron tumanon hangtod sa panahon sa pagbag-o.

1 Pedro 1:19

kondili pinaagi sa bililhong dugo ni Cristo, sama sa dugo sa nating karnero nga walay buling o mansa.

1 Pedro 2:22

Siya walay sala nga nahimo, walay nakit-ang limbong diha sa iyang baba.

Gipadayag 1:5

ug gikan kang Jesu-Cristo, ang kasaligan nga saksi, ang panganay gikan sa mga nangamatay, ug ang pangulo sa mga hari sa yuta. Kaniya nga nahigugma kanato ug nagpahigawas kanato gikan sa atong mga sala pinaagi sa iyang dugo

1 Samuel 6:7

Busa pagkuha ug andama ninyo ang usa ka karomata nga bag-o ug duha ka bayeng baka nga angkan nga wala pa kasangoni ug yugo ug ihigot ang mga bayeng baka sa karomata apan kuhaa ang mga nati ug dad-a sa balay.