Numeros 19:19

Ang Biblia 2011

Ug ang tawo nga hinlo magwisik ngadto sa nahugaw sa ikatulo ug sa ikapito nga adlaw, ug sa ikapito nga adlaw hinloan niya siya ug manglaba siya sa iyang mga bisti ug maligo sa tubig ug mahinlo sa pagkakilomkilom.

Cross References

Genesis 2:2

Ug sa ikapito nga adlaw natapos sa Dios ang buhat nga iyang gihimo. Ug mipahulay siya sa ikapito nga adlaw gikan sa tanan niyang buhat nga iyang nahimo.

Exodo 19:10

Ug ang Ginoo miingon kang Moises, “Adtoa ang katawhan ug balaana sila karon ug ugma ug palabhi kanila ang ilang mga bisti.

Ezequiel 36:25

Unya bisbisan ko kamo sa hinlo nga tubig, ug kamo mangahinlo gikan sa tanan ninyong kahugawan, ug gikan sa tanan ninyong diosdios hinloan ko kamo.

Levitico 14:7

Ug magwisik siya sa makapito ibabaw sa sanlahon nga hinloan ug siya magpahibalo nga ang maong tawo hinlo na ug buhian ang langgam nga buhi ngadto sa hawan nga kapatagan.

Levitico 14:9

Sa ikapito nga adlaw kiskison niya ang tanang buhok sa iyang ulo ug sa iyang bungot ug sa mga kilay sa iyang mga mata, kiskison niya ang tanan niyang balhibo. Unya labhan niya ang iyang mga bisti ug ligoon niya ang iyang lawas sa tubig ug mahinlo siya.

Numeros 19:12

Iyang hinloan ang iyang kaugalingon sa tubig sa ikatulo nga adlaw ug sa ikapito nga adlaw mahinlo siya. Apan kon dili siya manghinlo, sa ikatulo nga adlaw, sa ikapito nga adlaw dili siya mahinlo.

Numeros 19:13

Si bisan kinsa nga makahikap ug minatay, sa lawas sa tawo nga namatay, ug dili siya manghinlo sa iyang kaugalingon naghugaw siya sa Tolda sa Ginoo ug ang maong tawo ipahimulag gikan sa Israel. Tungod kay ang tubig sa paghinlo wala man ikasablig sa ibabaw niya, mahugaw siya ug ang iyang pagkahugaw anaa pa kaniya.

Numeros 19:18

Unya ang usa ka tawo nga hinlo magkuha ug hisopo ug ituslob diha sa tubig ug iwisik sa tolda ug sa tanang mga kasangkapan ug sa mga tawo nga atua didto ug ngadto sa nakahikap sa bukog o sa gipatay o sa minatay o sa lubnganan.

Numeros 31:19

Magpabilin kamo didto sa gawas sa kampo sulod sa pito ka adlaw. Ug si bisan kinsa kaninyo nga nakapatay ug tawo, ug si bisan kinsa nga nakahikap ug patay, maghinlo kamo sa inyong kaugalingon ug ang inyong mga binihag sa ikatulo ug sa ikapito nga adlaw.

Numeros 31:24

Unya labhan ninyo ang inyong mga bisti sa ikapito nga adlaw ug kamo mahinlo. Ug human niana makasulod na kamo sa kampo.”

Tito 2:14

Siya mihatag sa iyang kaugalingon alang kanato aron sa paglukat kanato gikan sa tanang pagkadaotan ug sa pagputli alang sa iyang kaugalingon sa usa ka katawhan nga iya gayod, madasigon sa maayong binuhatan.

Mga Hebreo 10:22

busa manuol kita sa Dios uban ang matinud-anon nga kasingkasing uban sa hingpit nga kasigurohan sa pagtuo, human mahinlo ang atong mga kasingkasing pinaagi sa pagbisibis gikan sa daotan nga tanlag ug human mahugasi ang atong mga lawas sa lunsay nga tubig.

1 Juan 1:7

Apan kon kita naglakaw diha sa kahayag, ingon nga siya anaa sa kahayag, kita may pakig-ambitay sa usa ug usa, ug ang dugo ni Jesus nga iyang Anak naghinlo kanato gikan sa tanang sala.

Judas 1:23

luwasa ninyo ang uban pinaagi sa pagsakmit kanila gikan sa kalayo, ang uban kaluy-i ninyo uban sa kahadlok, dumtan bisan pa ang bisti nga nabulingan sa ilang lawas.