Numeros 19:15

Ang Biblia 2011

Ug ang tanan nga sudlanan nga walay tabon sa ibabaw, hugaw.

Cross References

Levitico 11:32

Ug bisan unsa nga mahulogan sa usa niini sa dihang patay na kini mahugaw ang maong butang, sudlanan man nga kahoy o bisti o panit o sako o bisan unsa nga sudlanan nga gamiton sa bisan unsang tuyo. Ihumol kini sa tubig ug hugaw kini hangtod sa pagkakilomkilom, unya mahinlo na kini.

Levitico 11:33

Kon ang usa kanila mahulog ngadto sa bisan unsang sudlanan nga yuta, ang tanan nga anaa niini mahugaw, ug buk-on ninyo kini.

Levitico 14:36

Unya ang pari magsugo nga haw-asan nila ang balay sa dili pa mosulod ang pari sa pagtan-aw sa agup-op aron ang tanan nga anaa sa balay dili isipon nga hugaw, ug human niini ang pari mosulod aron sa pagtan-aw sa balay.

Numeros 19:14

“Kini mao ang balaod sa diha nga ang usa ka tawo mamatay sulod sa tolda: ang matag usa nga mosulod sa tolda ug ang tanan nga anaa sa tolda, mahugaw sa pito ka adlaw.

Numeros 19:16

Ug si bisan kinsa nga anaa sa kapatagan nga makahikap sa gipatay pinaagi sa espada o makahikap sa lawas nga patay o sa bukog sa usa ka tawo o sa lubnganan, mahugaw siya sulod sa pito ka adlaw.

Numeros 31:20

Hinloi ninyo ang tanang bisti ug ang tanan nga hinimo sa panit, ug ang tanan nga binuhat ug balhibo sa kanding ug ang tanang mga butang nga hinimo ug kahoy.”