Numeros 19:13

Ang Biblia 2011

Si bisan kinsa nga makahikap ug minatay, sa lawas sa tawo nga namatay, ug dili siya manghinlo sa iyang kaugalingon naghugaw siya sa Tolda sa Ginoo ug ang maong tawo ipahimulag gikan sa Israel. Tungod kay ang tubig sa paghinlo wala man ikasablig sa ibabaw niya, mahugaw siya ug ang iyang pagkahugaw anaa pa kaniya.

Cross References

Exodo 30:33

Si bisan kinsa nga magsagol ug sama niini ug magbutang niini sa usa ka langyaw, ipahimulag siya gikan sa iyang katawhan.’ ”

Mga Panultihon 14:32

Ang daotan mapukan tungod sa iyang buhat nga daotan, apan ang matarong makakita ug dalangpanan pinaagi sa iyang kaligdong.

Ezequiel 44:26

Human siya mahinlo, siya mag-ihap ug pito ka adlaw.

Levitico 15:31

“Sa ingon niana lainon nimo ang katawhan sa Israel gikan sa ilang pagkahugaw aron sila dili mangamatay sa ilang pagkahugaw sa diha nga ilang hugawan ang akong puluy-anan nga anaa sa taliwala nila.”

Levitico 20:3

Makigbatok gayod ako sa maong tawo ug ipahimulag nako siya gikan sa taliwala sa iyang katawhan, kay gihatag man niya ang usa sa iyang anak ngadto kang Molec, naghugaw sa akong balaan nga dapit ug nagpasipala sa akong balaan nga ngalan.

Levitico 22:3

Ingna sila, ‘Si bisan kinsa sa tanan ninyong kaliwatan ngadto sa sunod ninyong mga kaliwatan nga moduol sa mga butang nga balaan nga gihalad sa mga anak sa Israel alang sa Ginoo, samtang anaa siya sa pagkahugaw, ang maong tawo ipahimulag gikan sa atubangan nako. Ako mao ang Ginoo.

Levitico 22:4

Walay kaliwat ni Aaron nga sanlahon o may nag-agos nga makakaon sa mga butang nga balaan hangtod nga siya mahinlo. Ug si bisan kinsa nga makahikap sa bisan unsang butang nga nahugaw tungod sa minatay o usa ka tawo nga gigawasan sa binhi,

Levitico 5:17

“Kon may usa nga makasala ug makabuhat sa bisan unsa nga butang nga gisugo sa Ginoo nga dili buhaton, bisan wala siya mahibalo niini, sad-an siya ug magpas-an siya sa iyang sala.

Levitico 5:3

O kon makahikap siya ug hugaw sa tawo, sa bisan unsa nga kahugaw nga makahugaw sa tawo ug siya wala mahibalo niini, kon mahibaloan na niya kini, siya sad-an.

Levitico 5:6

ug dad-on niya ang iyang halad tungod sa paglapas ngadto sa Ginoo alang sa sala nga iyang nabuhat, usa ka baye gikan sa mga panon, nating karnero o kanding alang sa halad tungod sa sala, ug ang pari maghimo sa pagtabon sa sala alang kaniya, alang sa iyang sala.

Levitico 7:20

Apan ang tawo nga anaa sa iyang kahugaw magkaon sa unod sa inihaw nga halad sa pakigdait ngadto sa Ginoo, ang maong tawo ipahimulag gikan sa iyang katawhan.

Levitico 7:21

Kon si bisan kinsa nga makahikap ug hugaw nga butang, kahugaw man sa tawo o mananap nga hugaw o bisan unsa nga dulumtanan nga hugaw, unya mokaon siya ug unod sa inihaw nga halad sa pakigdait alang sa Ginoo, ang maong tawo ipahimulag gikan sa iyang katawhan.”

Numeros 15:30

Apan ang tawo nga nagbuhat sa bisan unsang kasaypanan nga tinuyo, bisan siya lumad o usa ka langyaw, nagpasipala sa Ginoo ug ang maong tawo ipahimulag gikan sa iyang katawhan.

Numeros 19:14

“Kini mao ang balaod sa diha nga ang usa ka tawo mamatay sulod sa tolda: ang matag usa nga mosulod sa tolda ug ang tanan nga anaa sa tolda, mahugaw sa pito ka adlaw.

Numeros 19:18

Unya ang usa ka tawo nga hinlo magkuha ug hisopo ug ituslob diha sa tubig ug iwisik sa tolda ug sa tanang mga kasangkapan ug sa mga tawo nga atua didto ug ngadto sa nakahikap sa bukog o sa gipatay o sa minatay o sa lubnganan.

Numeros 19:19

Ug ang tawo nga hinlo magwisik ngadto sa nahugaw sa ikatulo ug sa ikapito nga adlaw, ug sa ikapito nga adlaw hinloan niya siya ug manglaba siya sa iyang mga bisti ug maligo sa tubig ug mahinlo sa pagkakilomkilom.

Numeros 19:20

“Apan ang tawo nga nahugaw ug wala manghinlo sa iyang kaugalingon, ang maong tawo ipahimulag gikan sa taliwala sa katilingban tungod kay gihugawan niya ang balaang dapit sa Ginoo. Tungod kay ang tubig sa paghinlo wala ikasablig kaniya hugaw siya.

Numeros 19:9

Ang tawo nga hinlo maoy mohipos sa mga abo sa dumaga nga baka ug ibutang kini sa gawas sa kampo sa dapit nga hinlo. Kini tipigan alang sa katilingban sa katawhan sa Israel alang sa tubig sa paghinlo, alang sa pagkuha sa sala.

Numeros 8:7

Ug mao kini ang imong buhaton sa paghinlo kanila: isablig sa ibabaw nila ang tubig sa paghinlo ug pakiskisi nila pinaagi sa labaha ang tibuok nilang lawas, ug palabhi nila ang ilang mga bisti ug maghinlo sila sa ilang kaugalingon.

Numeros 9:13

Apan ang tawo nga hinlo ug wala mopanaw sa layo, kon magdumili siya sa pagsaulog sa Pagsaylo, ang maong tawo ipahimulag gikan sa iyang katawhan tungod kay wala siya maghalad sa iyang halad alang sa Ginoo sa gitakdang panahon niini; ang maong tawo magpas-an sa iyang sala.

Juan 8:24

Busa giingnan ko kamo nga mangamatay kamo diha sa inyong mga sala, kay mangamatay man gayod kamo diha sa inyong mga sala gawas kon motuo kamo nga ako mao siya.”

Mga Hebreo 10:29

Sa inyong paghunahuna, unsa pa kaha ka bug-at sa silot nga mahiagoman sa tawo nga miyatak sa Anak sa Dios, ug nagpakawalay bili sa dugo sa kasabotan nga pinaagi niini siya gibalaan, ug nanamastamas sa Espiritu sa grasya?

Mga Hebreo 9:10

sila may kalabotan lamang mahitungod sa mga pagkaon ug ilimnon ug sa nagkalainlaing mga pagpanghugas, mga tulumanon alang sa lawas nga gipahamtang aron tumanon hangtod sa panahon sa pagbag-o.

Gipadayag 21:8

Apan alang sa mga talawan, sa mga walay pagtuo, sa mga dulumtanan, sa mga mamumuno, ug sa mga makihilawason, sa mga salamangkiro ug sa mga nagsimba ug mga diosdios, ug sa tanang mga bakakon, ang ilang bahin anaa sa linaw nga nagdilaab sa kalayo ug asupri, nga mao ang ikaduhang kamatayon.”

Gipadayag 22:11

Ang nagbuhat ug daotan pabuhata gihapon siya ug daotan ug ang hugaw papadayona gihapon sa pagkahugaw, ug ang matarong pabuhata gihapon ug matarong, ug ang balaan papadayona gihapon sa pagkabalaan.”

Gipadayag 22:15

Sa gawas anaa ang mga iro, ang mga salamangkiro, ang mga makihilawason, ang mga mamumuno, ang mga nagsimba ug mga diosdios, ug ang tanang nahigugma ug naghimo sa bakak.