Numeros 18:9

Ang Biblia 2011

Kini maimo gikan sa labing balaan nga mga butang, ang gigahin gikan sa kalayo, ang matag halad nila, ang matag halad nga pagkaon nila ug ang matag halad tungod sa sala nila ug ang matag halad sa paglapas nila nga ilang ihatag kanako, kini mahimong labing balaan alang kanimo ug alang sa imong mga anak nga lalaki.

Cross References

2 Mga Hari 12:17

Niadtong panahona si Hasael nga hari sa Siria mitungas ug nakig-away batok sa Gat ug giilog kini. Apan sa diha nga si Hazael misulong sa Jerusalem,

Nehemias 10:36

Dad-on usab namo ngadto sa balay sa among Dios, ngadto sa mga pari nga nag-alagad sa balay sa among Dios, ang panganay sa among mga anak ug sa among mga baka, sumala sa nasulat sa balaod, ug ang panganay sa among mga hayop ug sa among mga karnero.

Ezequiel 42:13

Unya siya miingon kanako, “Ang mga lawak sa amihanan ug ang mga lawak sa habagatan nga anaa sa atbang sa luna mao ang balaan nga mga lawak, diin ang mga pari nga moduol sa Ginoo magkaon sa labing balaan nga mga halad. Didto nila ibutang ang labing balaan nga mga halad, ang halad nga pagkaon ug ang halad tungod sa sala ug ang halad tungod sa paglapas, kay ang dapit balaan.

Ezequiel 44:29

Sila magkaon sa mga halad pagkaon ug sa halad tungod sa sala ug sa halad tungod sa paglapas, ug ang tanang butang nga gigahin sa Israel maangkon nila.

Levitico 10:17

“Nganong wala man ninyo kaona ang halad tungod sa sala diha sa balaang dapit nga kini butang man nga labing balaan ug nga kini gihatag man kaninyo aron pas-anon ninyo ang kasal-anan sa katilingban, aron sa paghimo sa pagtabon sa sala alang kanila sa atubangan sa Ginoo?

Levitico 14:13

Patyon niya ang nating karnero nga laki sa dapit diin adto patyon ang halad tungod sa sala ug ang halad nga sunogon, sa balaang dapit, kay ang halad tungod sa paglapas sama sa halad tungod sa sala, iya sa pari. Kini labing balaan.

Levitico 2:10

Ug ang nahibilin sa halad nga pagkaon iya na ni Aaron ug sa iyang mga anak nga lalaki. Kini labing balaan sa mga halad pinaagi sa kalayo alang sa Ginoo.

Levitico 22:11

Apan kon ang pari magpalit ug ulipon aron iyang panag-iyahon, ang ulipon makakaon niana ug ang mangatawo sulod sa iyang balay makakaon sa iyang pagkaon.

Levitico 22:7

Sa pagsalop na sa adlaw, mahinlo siya ug unya makakaon na siya sa mga butang nga balaan, kay kini mao man ang iyang pagkaon.

Levitico 4:22

“Kon ang usa ka pangulo makasala ug nabuhat niya nga wala tuyoa ang bisan usa sa tanang mga butang nga gisugo sa Ginoo nga iyang Dios nga dili buhaton, ug sad-an siya,

Levitico 4:27

“Kon ang usa sa mga nagpuyo sa lungsod makasala nga wala tuyoa sa bisan unsa sa mga butang nga gisugo sa Ginoo nga dili buhaton, ug sad-an siya,

Levitico 5:1

“Kon adunay tawo nga makasala ingon nga siya nakadungog man ug tawag sa pagsaksi, ug nga bisan tuod siya saksi, kay nakakita man siya o nahibalo apan siya dili mosulti, siya magpas-an sa iyang sala.

Levitico 5:6

ug dad-on niya ang iyang halad tungod sa paglapas ngadto sa Ginoo alang sa sala nga iyang nabuhat, usa ka baye gikan sa mga panon, nating karnero o kanding alang sa halad tungod sa sala, ug ang pari maghimo sa pagtabon sa sala alang kaniya, alang sa iyang sala.

Levitico 6:17

Kini dili lutoon nga may patubo. Kini akong gihatag kanila ingon nga ilang bahin gikan sa akong mga halad pinaagi sa kalayo. Kini butang nga labing balaan sama sa halad tungod sa sala ug sa halad tungod sa paglapas.

Levitico 6:19

Ang Ginoo miingon kang Moises,

Levitico 6:30

Walay halad tungod sa sala nga kaonon nga ang dugo niini gidala ngadto sa tolda nga tagboanan aron himoon ang pagtabon sa sala didto sa dapit nga balaan. Kini sunogon sa kalayo.

Levitico 7:1

“Kini mao ang balaod sa halad tungod sa paglapas. Kini labing balaan.

Levitico 7:6

Ang tanan nga lalaki sa banay sa mga pari makakaon niini. Kaonon kini diha sa dapit nga balaan. Kini labing balaan.

Levitico 7:7

Ang halad tungod sa paglapas sama sa halad tungod sa sala, usa lamang ka balaod ang alang niini, ang pari nga maghimo sa pagtabon sa sala pinaagi niini makabaton niini.

Numeros 18:10

Diha sa labing balaan nga dapit kamo magkaon niini, ang tanan nga lalaki magkaon niini; kini balaan alang kaninyo.

Deuteronomio 18:1

“Ang mga pari nga Levihanon, nga mao ang tanang banay ni Levi, walay bahin o panulundon uban sa Israel. Magkaon sila sa mga halad ngadto sa Ginoo nga hinimo pinaagi sa kalayo ug sa iyang panulundon.