Numeros 18:8

Ang Biblia 2011

Unya ang Ginoo miingon kang Aaron, “Ug tan-awa, akong gitugyan kanimo ang unsay mahibilin sa mga halad nga gihimo alang kanako, ang tanang mga butang nga gibalaan sa katawhan sa Israel, gihatag nako kini kanimo ingon nga imong bahin ug ngadto sa imong mga anak ingon nga bahin hangtod sa kahangtoran.

Cross References

2 Mga Hari 12:16

Ang salapi nga gikan sa halad tungod sa paglapas ug ang salapi nga gikan sa mga halad tungod sa sala wala dad-a ngadto sa balay sa Ginoo, kini iya sa pari.

2 Cronicas 31:4

Siya nagsugo sa katawhan nga nagpuyo sa Jerusalem sa paghatag sa bahin sa mga pari ug sa mga Levihanon, aron sila maggahin sa ilang kaugalingon ngadto sa balaod sa Ginoo.

2 Cronicas 31:5

Sa diha nga ang sugo nasangyaw, ang katawhan sa Israel naghatag ug daghan sa mga unang abot sa trigo, sa bino, sa lana, sa dugos ug sa tanang abot sa uma, ug ilang gidala ang ikapulo nga bahin sa tanang mga butang.

Exodo 28:43

Ug ipasul-ob kini kang Aaron ug sa iyang mga anak nga lalaki sa dihang mosulod sila sa tolda nga tagboanan o sa diha nga moduol sila sa halaran aron sa pag-alagad diha sa dapit nga balaan aron dili sila magdala ug sala sa ilang kaugalingon, ug mangamatay. Kini mahimong walay kataposan nga tulumanon alang kaniya ug sa iyang kaliwatan sunod kaniya.

Exodo 29:21

Unya pagkuha sa dugo nga anaa sa ibabaw sa halaran ug sa lana nga igdidihog ug iwisik ngadto kang Aaron ug sa iyang mga bisti ug ngadto sa iyang mga anak nga lalaki ug sa mga bisti nila, ug mahimo siyang balaan ug ang iyang mga bisti. Siya mahimong balaan lakip ang iyang mga anak nga lalaki ug ang mga bisti sa iyang mga anak nga lalaki uban kaniya.

Exodo 29:28

Maiya kini ni Aaron ug sa iyang mga anak nga lalaki ingon nga tulumanon nga walay kataposan gikan sa katawhan sa Israel kay kini mao ang bahin sa mga pari nga ihalad sa katawhan sa Israel gikan sa ilang mga halad sa pakigdait, nga ilang halad ngadto sa Ginoo.

Exodo 29:29

“Ang mga balaan nga bisti ni Aaron masunod sa iyang mga anak nga lalaki, sila dihogan ug igahin diha niini.

Exodo 40:13

Ug isul-ob kang Aaron ang mga bisti nga balaan, ug dihogi siya ug ihalad siya aron siya mag-alagad kanako ingon nga pari.

Exodo 40:15

Dihogi sila sama sa pagdihog nimo sa ilang amahan aron sila mag-alagad kanako ingon nga mga pari ug ang pagdihog kanila maghimo kanila nga pari sa dayon hangtod sa tanan nilang mga kaliwatan.”

Isaias 10:27

Nianang adlawa ang iyang palas-anon makuha gikan sa imong abaga, ug ang iyang yugo gub-on gikan sa imong liog.”

Levitico 21:10

“Ang labawng pari taliwala sa iyang mga igsoon, nga ang ulo gibuboan ug lana nga igdidihog ug nga gibalaan aron magsul-ob sa mga balaang bisti, dili magpadunghay sa buhok sa iyang ulo o maggisi sa iyang mga bisti.

Levitico 23:20

Ang pari magbayaw niini ingon nga halad nga binayaw sa atubangan sa Ginoo uban ang pan gikan sa unang abot ug ang duha ka nating karnero, kini balaan ngadto sa Ginoo alang sa pari.

Levitico 6:16

Ug ang nahibilin niini kaonon ni Aaron ug sa iyang mga anak nga lalaki. Kini kaonon nga walay patubo diha sa dapit nga balaan, sa hawanan sa tolda nga tagboanan kini kaonon nila.

Levitico 6:18

Ang tanang lalaki sa mga anak ni Aaron makakaon niini, ingon nga gisugo hangtod sa kahangtoran sa tibuok ninyong mga kaliwatan, gikan sa mga halad alang sa Ginoo pinaagi sa kalayo. Ang tanan nga makahikap niini mahimong balaan.”

Levitico 6:20

“Kini mao ang ihalad ni Aaron ug sa iyang mga anak nga lalaki ngadto sa Ginoo sa adlaw nga siya dihogan: ikanapulo nga bahin sa usa ka epha nga pinong harina ingon nga naandang halad nga pagkaon, ang katunga niini sa buntag ug ang katunga niini sa hapon.

Levitico 6:26

Ang pari nga maghalad niini alang sa sala mokaon niini. Kaonon kini diha sa dapit nga balaan, sa hawanan sa tolda nga tagboanan.

Levitico 7:14

Ug gikan niini maghalad siya ug usa ka pan gikan sa matag halad, ingon nga halad ngadto sa Ginoo, ug kini maiya sa pari nga nagsablig sa dugo sa halad sa pakigdait.

Levitico 7:28

Ang Ginoo miingon kang Moises,

Levitico 7:6

Ang tanan nga lalaki sa banay sa mga pari makakaon niini. Kaonon kini diha sa dapit nga balaan. Kini labing balaan.

Levitico 8:30

Unya mikuha si Moises ug lana nga igdidihog ug dugo nga diha sa ibabaw sa halaran ug giwisik kini kang Aaron ug sa iyang mga bisti ug sa iya usab nga mga anak nga lalaki ug sa ilang mga bisti. Ug gibalaan niya si Aaron ug ang iyang mga bisti ug ang iyang mga anak nga lalaki ug ang ilang mga bisti.

Numeros 18:9

Kini maimo gikan sa labing balaan nga mga butang, ang gigahin gikan sa kalayo, ang matag halad nila, ang matag halad nga pagkaon nila ug ang matag halad tungod sa sala nila ug ang matag halad sa paglapas nila nga ilang ihatag kanako, kini mahimong labing balaan alang kanimo ug alang sa imong mga anak nga lalaki.

Numeros 5:9

Ug ang tanan nga halad, ang tanang mga butang nga balaan sa katawhan sa Israel nga gidala ngadto sa pari, maiya sa pari.

1 Mga Taga-Corinto 9:13

Wala ba kamo masayod nga kadtong nag-alagad sa Templo nagkaon sa unsay gikan sa Templo, ug kadtong nag-alagad sa halaran nagdawat ug bahin gikan sa mga halad nga inihaw?

Deuteronomio 12:11

unya ngadto sa dapit nga pilion sa Ginoo nga inyong Dios aron sa pagpapuyo sa iyang ngalan didto, dad-a ninyo didto ang tanan nga gisugo nako kaninyo, ang inyong mga halad nga sunogon ug ang inyong mga halad nga inihaw, ang inyong mga ikapulo ug ang mga halad nga binayaw sa inyong mga kamot ug ang tanan ninyong mga halad nga gisaad, nga inyong gisaad sa Ginoo.

Deuteronomio 12:6

Didto mangadto kamo, ug didto dad-on ninyo ang inyong mga halad nga sunogon, ug ang inyong mga halad nga inihaw, ug ang inyong mga ikapulo ug ang halad nga binayaw sa inyong mga kamot ug ang inyong mga halad nga gisaad ug ang inyong mga halad nga kinabubut-on ug ang mga kamagulangan sa inyong mga baka ug sa inyong mga karnero.

Deuteronomio 18:1

“Ang mga pari nga Levihanon, nga mao ang tanang banay ni Levi, walay bahin o panulundon uban sa Israel. Magkaon sila sa mga halad ngadto sa Ginoo nga hinimo pinaagi sa kalayo ug sa iyang panulundon.

Deuteronomio 26:13

unya isulti sa atubangan sa Ginoo nga imong Dios, ‘Gikuha sa akong balay ang mga balaang bahin ug dugang pa, gihatag kini nako ngadto sa Levihanon, sa langyaw ug sa wala nay amahan ug sa biyuda sumala sa tanan nimong mga sugo nga imong gisugo kanako. Wala ako maglapas sa bisan unsa sa imong mga sugo wala usab ako malimot niini.

Mga Hebreo 1:9

Gihigugma nimo ang pagkamatarong ug gidumtan nimo ang pagkamalapason; tungod niana gidihogan ikaw sa Dios, sa imong Dios, sa lana sa kalipay labaw kanila nga imong mga kauban.”

1 Juan 2:20

Apan kamo gidihogan na niya nga Balaan, ug kamong tanan nahibalo na.

1 Juan 2:27

hinuon ang pagdihog nga inyong nadawat gikan kaniya nagpabilin diha kaninyo ug kamo wala magkinahanglan nga aduna pay magtudlo kaninyo, ug ingon nga ang iyang pagdihog kaninyo nagtudlo man kaninyo mahitungod sa tanang butang, ug matuod kini ug dili bakak, sumala sa gitudlo niya kaninyo, pabilin kamo diha kaniya.