Numeros 18:4

Ang Biblia 2011

Motabang sila kanimo ug magtuman sila sa katungdanan sa tolda nga tagboanan, sa tanan nga mga pag-alagad sa Tolda, ug kinahanglan nga walay lain nga moduol kaninyo.

Cross References

Ezequiel 44:14

Bisan pa niana itudlo nako sila nga mga tigdumala sa Templo, alang sa tanang pag-alagad niini ug sa tanan nga buhaton sulod niini.

Numeros 1:51

Sa diha nga ang Tolda dad-on na, ang mga Levihanon maoy maghipos niini ug sa diha nga ang Tolda pabarogon, ang mga Levihanon maoy magtukod niini ug ang walay labot nga magpaduol niini patyon.

Numeros 1:53

Apan ang mga Levihanon magpahiluna libot sa tolda sa pagpamatuod, aron walay kaligutgot nga moabot sa katilingban sa katawhan sa Israel, ug ang mga Levihanon magdumala sa tolda sa pagpamatuod.”

Numeros 18:3

Magtuman sila sa imong sugo ug sa katungdanan sa tibuok nga Tolda, apan dili sila moduol sa mga galamiton sa balaang dapit ug sa halaran, kay tingali unya ug sila ug ikaw mamatay.

Numeros 18:5

Ug tumana ninyo ang katungdanan sa dapit nga balaan ug ang katungdanan sa halaran, aron wala nay kasuko nga moabot pag-usab ngadto sa katawhan sa Israel.

Numeros 3:10

Ug itudlo nimo si Aaron ug ang iyang mga anak nga lalaki, ug sila magtuman sa ilang pagkapari, ug kon ang walay labot moduol, patyon siya.”

Numeros 31:30

Ug gikan sa katunga nga alang sa katawhan sa Israel magkuha ikaw ug usa sa matag 50 sa mga tawo, sa mga baka, sa mga asno ug sa mga karnero, sa tanan nga kahayopan, ug ihatag ngadto sa mga Levihanon nga nangatungdanan sa pagbantay sa Tolda sa Ginoo.”

Numeros 8:26

apan motabang sila sa ilang mga igsoon sulod sa tolda nga tagboanan sa pagtuman sa katungdanan ug dili sa pag-alagad. Mao kini ang imong buhaton sa mga Levihanon mahitungod sa ilang katungdanan.”

1 Samuel 6:19

Iyang gipatay ang pipila ka tawo sa Bet-semes tungod kay sila mitan-aw sa sulod sa sudlanan sa kasabotan sa Ginoo. Iyang gipatay ang 70 ka tawo gikan kanila, ug ang mga tawo nagbangotan tungod kay ang Ginoo naghimo ug dakong pagpamatay diha sa katawhan.