Numeros 18:32

Ang Biblia 2011

Ug dili kamo magdala ug sala tungod niini, sa dihang maghalad kamo gikan sa labing maayo niini. Ayaw ninyo hugawi ang mga butang nga balaan sa katawhan sa Israel aron dili kamo mangamatay.’ ”

Cross References

Exodo 28:43

Ug ipasul-ob kini kang Aaron ug sa iyang mga anak nga lalaki sa dihang mosulod sila sa tolda nga tagboanan o sa diha nga moduol sila sa halaran aron sa pag-alagad diha sa dapit nga balaan aron dili sila magdala ug sala sa ilang kaugalingon, ug mangamatay. Kini mahimong walay kataposan nga tulumanon alang kaniya ug sa iyang kaliwatan sunod kaniya.

Levitico 19:8

Ang matag usa nga magkaon niini magpas-an sa iyang sala, kay nagpasipala man siya sa balaang butang sa Ginoo ug kadtong tawhana ipahimulag gikan sa iyang katawhan.

Levitico 22:2

“Sultihi si Aaron ug ang iyang mga anak nga lalaki nga mag-amping sila sa mga butang nga balaan nga gikan sa katawhan sa Israel nga ilang gihalad alang kanako aron dili nila mapasipalahan ang akong balaan nga ngalan. Ako mao ang Ginoo.

Malaquias 1:7

Pinaagi sa paghalad ug hugaw nga pagkaon ibabaw sa akong halaran. Ug kamo miingon, ‘Giunsa namo paghugaw kini.’ Pinaagi sa paghunahuna nga ang lamisa sa Ginoo mabugalbugalan.

Numeros 18:22

Ug sukad karon dili moduol ang katawhan sa Israel sa tolda nga tagboanan, kay makadala unya sila ug sala ug mangamatay.

Numeros 18:31

Ug kamo makakaon niini sa bisan diin nga dapit, kamo ug ang inyong panimalay, kay kini balos kaninyo sa inyong pag-alagad sa tolda nga tagboanan.

Numeros 19:1

Unya ang Ginoo miingon kang Moises ug kang Aaron,

1 Mga Taga-Corinto 11:27

Busa si bisan kinsa nga mokaon sa pan ug moinom sa kupa sa Ginoo sa paagi nga dili takos makasala batok sa lawas ug dugo sa Ginoo.

1 Mga Taga-Corinto 11:29

Kay si bisan kinsa nga mokaon ug moinom sa walay pag-ila sa lawas sa Ginoo, nagkaon ug nag-inom ug hukom batok sa iyang kaugalingon.