Numeros 18:30

Ang Biblia 2011

Busa ingna sila, ‘Sa diha nga makahalad na kamo sa labing maayo gikan niini, kini isipon alang sa mga Levihanon ingon nga gikan sa giokanan ug ingon nga gikan sa pug-anan sa mga ubas.

Cross References

Genesis 43:11

Unya si Israel nga ilang amahan miingon kanila, “Kon mao na gayod kini, buhata kana ninyo. Pagdala kamo sa labing maayong bunga sulod sa inyong mga sudlanan ug dad-i ninyo kadtong tawo ug usa ka gasa, diyotay nga haplas ug diyotay nga dugos, mga lamas humot nga tagok sa kahoy ug mira, mga pistasio ug mga almendras.

Genesis 50:10

Ug miabot sila sa yuta sa Atad nga giokanan sa trigo nga didto sa tabok sa Jordan ug nagbangutan sila didto sa hilabihan ug sa masulub-on nga pagbangutan. Ug si Jose naghimo ug pito ka adlaw nga pagbangutan.

Exodo 29:27

Ihalad ang dughan sa halad nga binayaw, ug ang binayaw nga paa nga maoy bahin sa pari ug nga gihalad gikan sa laking karnero nga gigamit alang sa paggahin kay kini alang kang Aaron ug sa iyang mga anak nga lalaki.

Malaquias 1:8

Sa dihang maghalad kamo ug mananap nga buta, dili ba kini daotan? Ug sa diha nga maghalad kamo ug piang ug masakiton, dili ba kini daotan? Ihatag ninyo kana sa inyong gobernador; mahimuot ba siya kaninyo o magpakita kaninyo ug kaluoy? nag-ingon ang Ginoo sa mga panon.

Numeros 18:29

Gikan sa matag gasa alang kaninyo maghalad kamo sa tanang halad alang sa Ginoo, gikan sa tanan nga labing maayo niini ihatag ang binalaan nga bahin gikan niini.’

Numeros 18:31

Ug kamo makakaon niini sa bisan diin nga dapit, kamo ug ang inyong panimalay, kay kini balos kaninyo sa inyong pag-alagad sa tolda nga tagboanan.

Mateo 6:33

Apan maoy unaha ninyo pagpangita ang gingharian sa Dios ug ang iyang pagkamatarong ug kining tanan idugang kaninyo.

Deuteronomio 6:5

Ug higugmaa ang Ginoo nga inyong Dios sa tibuok ninyong kasingkasing, sa tibuok ninyong kalag ug sa tibuok ninyong kusog.