Numeros 18:26

Ang Biblia 2011

“Sultihi ang mga Levihanon, ‘Sa dihang madawat ninyo gikan sa katawhan sa Israel ang mga ikapulo nga akong gihatag kaninyo gikan kanila ingon nga panulondon ninyo, maghatag kamo ug halad gikan niini ngadto sa Ginoo: ang ikapulo sa mga ikapulo.

Cross References

Nehemias 10:38

Ug ang pari nga anak ni Aaron mouban sa mga Levihanon, sa diha nga ang mga Levihanon modawat sa mga ikapulo ug ang mga Levihanon magdala sa ikapulo sa mga ikapulo ngadto sa balay sa among Dios, ngadto sa mga lawak, ngadto sa tipiganan sa bahandi.

Nehemias 10:39

Kay ang katawhan sa Israel ug ang mga anak ni Levi magdala sa amot nga trigo, sa bino ug sa lana, ngadto sa mga lawak, diin didto ang mga sudlanan sa balaang puluy-anan, ug ang mga pari nga nag-alagad, ug ang mga tigbantay sa pultahan, ug ang mga mag-aawit. Dili namo pasagdan ang balay sa among Dios.

Numeros 15:21

Sa una ninyong mga minasa ihatag ninyo kini ngadto sa Ginoo ingon nga usa ka halad hangtod sa tanan ninyong kaliwatan.

Numeros 18:21

“Ug gihatag nako sa mga Levihanon ang tanang mga ikapulo sa Israel ingon nga panulondon nga bugti sa ilang pag-alagad, sa pag-alagad didto sa tolda nga tagboanan.

Numeros 18:25

Ug ang Ginoo miingon kang Moises,

Numeros 18:27

Ug isipon alang kaninyo ang inyong halad ingon nga trigo gikan sa giokanan ug ingon nga gikan sa kapuno sa pug-anan sa mga ubas.

Mga Hebreo 7:5

Ug kadtong mga kaliwat ni Levi nga nakadawat sa katungdanan sa pagkapari may balaod sa pagkuha sa ikapulo gikan sa katawhan, sa ato pa, gikan sa ilang mga kaigsoonan, bisan pa nga kini sila usab mga kaliwat ra ni Abraham.