Numeros 18:21

Ang Biblia 2011

“Ug gihatag nako sa mga Levihanon ang tanang mga ikapulo sa Israel ingon nga panulondon nga bugti sa ilang pag-alagad, sa pag-alagad didto sa tolda nga tagboanan.

Cross References

Genesis 14:20

Ug dalaygon ang Dios nga Labing Halangdon, nga nagtugyan sa imong mga kaaway nganha sa imong kamot!” Ug si Abram mihatag kaniya sa ikapulo sa tanan.

Genesis 47:24

Ug sa panahon sa ting-ani ihatag ninyo ang ikalima nga bahin ngadto sa Paraon ug ang upat ka bahin inyo, alang sa inyong binhi sa yuta ug alang sa inyong pagkaon, ug alang kanila sa inyong mga panimalay ug aron makakaon ang inyong mga anak.”

Genesis 47:26

Busa gihimo kini ni Jose nga balaod mahitungod sa yuta sa Ehipto hangtod karon, nga ang Paraon maoy makaangkon sa ikalima nga bahin gawas lamang sa yuta sa mga pari nga wala maiya sa Paraon.

2 Cronicas 31:12

Ug sila nagmatinumanon sa pagdala sa mga amot, sa mga ikapulo ug sa mga hinalad nga mga butang. Ang labawng pangulo nga nagdumala kanila mao si Conanias nga Levihanon, ug si Simei nga iyang igsoon maoy luyoluyo.

Nehemias 10:29

mitipon sa ilang mga kaigsoonan, sa ilang mga kadagkoan ug miuyon sila sa usa ka tunglo ug sa usa ka panumpa, sa paglakaw diha sa Balaod sa Dios, nga gihatag ni Moises nga alagad sa Dios, ug sa pagtuman ug sa pagbuhat sa tanang kasugoan sa Ginoo nga atong Ginoo ug sa iyang mga tulumanon ug sa iyang mga lagda.

Nehemias 10:37

Ug kami magdala sa una sa among minasa ug sa among mga amot, sa bunga sa matag kahoy, sa bino ug sa lana, ngadto sa mga pari, ngadto sa mga lawak sa balay sa among Dios ug dad-on ang mga ikapulo sa among yuta ngadto sa mga Levihanon kay ang mga Levihanon maoy maningil sa mga ikapulo diha sa tanang kalungsoran.

Nehemias 10:38

Ug ang pari nga anak ni Aaron mouban sa mga Levihanon, sa diha nga ang mga Levihanon modawat sa mga ikapulo ug ang mga Levihanon magdala sa ikapulo sa mga ikapulo ngadto sa balay sa among Dios, ngadto sa mga lawak, ngadto sa tipiganan sa bahandi.

Nehemias 12:44

Niadtong adlawa ang mga tawo gitudlo sa pag-atiman sa mga lawak nga tipiganan, sa mga amot, sa mga unang bunga ug sa mga ikapulo, aron tigomon ngadto niini ang mga bahin nga gisugo sa balaod alang sa mga pari ug sa mga Levihanon sumala sa kaumahan sa mga lungsod, kay ang Juda nalipay tungod sa mga pari ug sa mga Levihanon nga nag-alagad.

Nehemias 12:47

Ug ang tibuok Israel, sa mga adlaw ni Zerubabel ug sa mga adlaw ni Nehemias, mihatag sa mga inadlawng bahin alang sa mga mag-aawit ug sa mga tigbantay sa ganghaan. Ug ilang gilain ang alang sa mga Levihanon ug gilain sa mga Levihanon ang alang sa mga kaliwat ni Aaron.

Nehemias 13:12

Unya ang tibuok Juda nagdala sa ikapulo sa trigo, sa bino, ug sa lana ngadto sa mga tipiganan sa bahandi.

Nehemias 13:5

nag-andam alang kang Tobias ug usa ka dakong lawak, nga kaniadto ilang butangan sa mga halad nga pagkaon, sa insenso, sa mga sudlanan, sa mga ikapulo sa trigo, sa bino ug sa lana nga gihatag pinaagi ug sugo ngadto sa mga Levihanon, sa mga mag-aawit ug sa mga tigbantay sa ganghaan ug ang mga amot alang sa mga pari.

Malaquias 2:4

Busa mahibalo kamo nga akong gipadala kining sugoa kaninyo, aron ang akong kasabotan uban kang Levi magpadayon, nag-ingon ang Ginoo sa mga panon.

Malaquias 3:10

Dad-a ninyo ang tibuok nga ikapulo ngadto sa balay nga tipiganan aron nga adunay pagkaon sa akong balay, ug pinaagi niini sulayi ninyo ako, nag-ingon ang Ginoo sa mga panon, kon dili ba nako buksan kaninyo ang mga tamboanan sa langit ug ibubo nako kaninyo ang nag-awas nga panalangin.

Numeros 18:6

Ug tan-awa, akong gikuha ang inyong kaigsoonan nga mga Levihanon gikan sa katawhan sa Israel. Sila gasa alang kaninyo, gihatag ngadto sa Ginoo, aron sa pagbuhat sa pag-alagad sa tolda nga tagboanan.

Numeros 3:6

“Paduola ang banay ni Levi ug ipahimutang sila sa atubangan ni Aaron nga pari, aron sila mag-alagad kaniya.

Numeros 31:28

Ug maghatag ka ug buhis ngadto sa Ginoo gikan sa mga manggugubat nga miadto sa gubat: usa gikan sa lima ka gatos, sa mga tawo ug sa mga baka, sa mga asno ug sa mga karnero.

Mga Taga-Galacia 6:6

Siya nga gikatudloan sa pulong kinahanglang mopaambit sa tanang mga maayong butang ngadto sa nagtudlo kaniya.

Deuteronomio 18:8

Makabaton sila ug samang bahin nga kaonon, walay labot sa iyang madawat gikan sa halin sa iyang katigayonan.

Mga Hebreo 7:5

Ug kadtong mga kaliwat ni Levi nga nakadawat sa katungdanan sa pagkapari may balaod sa pagkuha sa ikapulo gikan sa katawhan, sa ato pa, gikan sa ilang mga kaigsoonan, bisan pa nga kini sila usab mga kaliwat ra ni Abraham.