Numeros 18:20

Ang Biblia 2011

Ug ang Ginoo miingon kang Aaron, “Sa ilang yuta ikaw walay panulondon, bisan diha kanila ikaw walay bahin. Ako mao ang imong bahin ug ang imong panulondon diha sa katawhan sa Israel.

Cross References

Genesis 15:1

Human niining mga butanga, ang pulong sa Ginoo miabot kang Abram pinaagi sa usa ka panan-awon, “Ayaw kahadlok, Abram, ako mao ang imong taming ug ang imong ganti dako kaayo.”

Salmo 142:5

Kanimo mituaw ako, O Ginoo; ako miingon, “Ikaw mao ang akong dalangpanan, ang akong bahin dinhi sa yuta sa mga buhi.”

Salmo 16:5

Ang Ginoo mao ang bahin nga akong panulundon ug ang akong kupa; ikaw nagkupot sa akong panulundon.

Salmo 73:26

Ang akong unod ug ang akong kasingkasing maluya, apan ang Dios mao ang kalig-on sa akong kasingkasing ug ang akong bahin hangtod sa kahangtoran.

Mga Pagbangotan 3:24

“Ang Ginoo mao ang akong bahin,” nag-ingon ang akong kalag, “busa maglaom ako diha kaniya.”

Ezequiel 44:28

“Mao kini ang ilang panulundon, ako mao ang ilang panulondon; ug kamo dili maghatag kanila ug mga katigayonan diha sa Israel, ako mao ang ilang katigayonan.

Numeros 18:7

Ug ikaw ug ang imong mga anak uban kanimo magtuman sa inyong pagkapari alang sa tanang butang sa halaran ug sa anaa sa sulod sa tabil, ug mag-alagad kamo. Ako naghatag kaninyo sa pagkapari ingon nga gasa sa pag-alagad, ug ang walay labot nga moduol kinahanglang patyon.”

Numeros 26:62

Ug ang mga naihap, 23,000 ang mga lalaki sukad sa usa ka bulan ang kagulangon ug pataas, kay sila wala ihapa lakip sa katawhan sa Israel tungod kay wala may panulondon nga gihatag kanila uban sa katawhan sa Israel.

Deuteronomio 10:9

Busa si Levi walay bahin o panulundon uban sa iyang mga igsoon. Ang Ginoo mao ang iyang panulundon sumala sa gisulti kaniya sa Ginoo nga inyong Dios.)

Deuteronomio 12:12

Ug paglipay kamo sa atubangan sa Ginoo nga inyong Dios, kamo ug ang inyong mga anak nga lalaki, ug ang inyong mga anak nga babaye, ug ang inyong mga ulipon nga lalaki ug ang inyong mga ulipon nga babaye, ug ang Levihanon nga anaa sa inyong mga lungsod kay siya walay bahin o panulundon uban kaninyo.

Deuteronomio 14:27

Ug ayaw pasagdi ang Levihanon nga anaa sa inyong mga lungsod kay siya walay bahin o panulundon uban kaninyo.

Deuteronomio 14:29

Ug ang Levihanon, kay wala man siyay bahin o panulundon uban kaninyo, ug ang langyaw ug ang wala nay amahan ug ang biyuda nga anaa sa inyong mga lungsod moanha ug mokaon ug mabusog, aron ang Ginoo nga inyong Dios magpanalangin kaninyo sa tanang buhat sa inyong mga kamot nga inyong gibuhat.

Josue 13:14

Sa banay lamang ni Levi si Moises wala maghatag ug panulundon; ang mga halad pinaagi sa kalayo ngadto sa Ginoo, ang Dios sa Israel, mao ang ilang panulundon, sumala sa iyang gisulti kaniya.

Josue 13:33

Apan alang sa banay ni Levi, si Moises wala maghatag ug panulundon. Ang Ginoong Dios sa Israel mao ang ilang panulundon sumala sa iyang gisulti kanila.

Josue 14:3

Kay si Moises naghatag ug panulundon ngadto sa duha ug tunga ka banay sa tabok sa Jordan, apan sa mga Levihanon siya wala maghatag ug panulundon.

Josue 18:7

Ang mga Levihanon walay bahin diha kaninyo kay ang pagkapari sa Ginoo mao ang ilang panulundon. Unya si Gad ug si Ruben ug ang katunga sa banay ni Manases nakadawat na sa ilang panulundon sa tabok sa Jordan dapit sa silangan nga gihatag kanila ni Moises nga alagad sa Ginoo.”

Gipadayag 21:3

Ug nadungog nako gikan sa trono ang usa ka dakong tingog nga nag-ingon, “Tan-awa, ang puluy-anan sa Dios anaa uban sa mga tawo. Siya magpuyo uban kanila ug sila mahimo nga iyang mga katawhan, ug ang Dios gayod mao ang magkig-uban kanila ug mahimo nga ilang Dios.