Numeros 18:2

Ang Biblia 2011

Ug uban kanimo dad-a usab ang imong kaigsoonan nga lalaki, ang banay ni Levi, ang banay sa imong amahan, aron sila motabang kanimo ug mag-alagad sila kanimo, samtang ikaw ug ang imong mga anak nga lalaki uban kanimo adto sa atubangan sa tolda sa pagpamatuod.

Cross References

Genesis 29:34

Nagsamkon siya pag-usab ug nanganak ug usa ka batang lalaki ug miingon, “Karon motipon na ang akong bana kanako kay nanganak ako kaniya ug tulo ka batang lalaki,” tungod niini ang iyang ngalan gitawag ug Levi.

2 Cronicas 30:16

Sila mihimo sa ilang naandang katungdanan sumala sa Balaod ni Moises nga tawo sa Dios; ang mga pari nagsablig sa dugo nga ilang nadawat gikan sa kamot sa mga Levihanon.

Ezequiel 44:11

Sila mahimong mga alagad sa akong balaang dapit, nga may katungdanan sa pagbantay sa mga ganghaan sa Templo, ug mag-alagad sa sulod sa Templo. Sila ang mopatay sa halad nga sunogon ug sa halad alang sa katawhan ug sila magtindog sa atubangan nila aron sa pag-alagad kanila.

Ezequiel 44:15

“Apan ang mga pari nga mga Levihanon nga kaliwat ni Zadok, nga nagtuman sa sugo sa akong balaang dapit sa diha nga nahisalaag ang mga anak sa Israel gikan kanako, moduol kanako sa pag-alagad kanako. Sila mag-alagad sa akong atubangan sa paghalad alang kanako sa tambok ug dugo, nag-ingon ang Ginoong Dios.

Malaquias 2:4

Busa mahibalo kamo nga akong gipadala kining sugoa kaninyo, aron ang akong kasabotan uban kang Levi magpadayon, nag-ingon ang Ginoo sa mga panon.

Numeros 1:53

Apan ang mga Levihanon magpahiluna libot sa tolda sa pagpamatuod, aron walay kaligutgot nga moabot sa katilingban sa katawhan sa Israel, ug ang mga Levihanon magdumala sa tolda sa pagpamatuod.”

Numeros 16:40

aron mahimong pahinumdom alang sa katawhan sa Israel, nga walay bisan kinsa nga dili pari, nga dili gikan sa kaliwatan ni Aaron, nga moduol sa paghalad ug insenso sa atubangan sa Ginoo aron siya dili mahisama kang Korah ug sa iyang kaubanan sumala sa gisulti sa Ginoo kang Eleasar pinaagi kang Moises.

Numeros 17:7

Ug gibutang ni Moises ang mga sungkod sa atubangan sa Ginoo didto sa tolda sa pagpamatuod.

Numeros 18:4

Motabang sila kanimo ug magtuman sila sa katungdanan sa tolda nga tagboanan, sa tanan nga mga pag-alagad sa Tolda, ug kinahanglan nga walay lain nga moduol kaninyo.

Numeros 3:5

Unya ang Ginoo miingon kang Moises,

Numeros 4:15

Ug sa dihang mahuman na ni Aaron ug sa iyang mga anak ang pagtabon sa balaang dapit ug sa tanang mga kasangkapan sa balaang dapit, sa diha nga mobiya na ang mga nagkampo, human niini, ang mga lalaki nga kaliwat ni Kohat moadto aron sa pagpas-an niini apan kinahanglang dili sila mohikap sa balaang mga butang aron sila dili mamatay. Mao kini ang mga butang sa Tolda nga Tagboanan nga dad-onon sa mga kaliwat ni Kohat.

Numeros 8:19

Ug akong gihatag ang mga Levihanon ingon nga gasa kang Aaron ug sa iyang mga anak nga lalaki gikan sa taliwala sa katawhan sa Israel, aron magbuhat sila sa pag-alagad sa katawhan sa Israel diha sa tolda nga tagboanan ug sa paghimo sa pagtabon sa sala alang sa katawhan sa Israel aron walay katalagman sa taliwala sa katawhan sa Israel, sa diha nga moduol ang katawhan sa Israel sa balaang dapit.”

Numeros 8:22

Human niana misulod ang mga Levihanon aron sa pagbuhat sa ilang pag-alagad didto sa tolda nga tagboanan sa atubangan ni Aaron ug sa atubangan sa iyang mga anak sumala sa sugo sa Ginoo kang Moises mahitungod sa mga Levihanon, busa gibuhat nila kini alang kanila.

Mga Hebreo 9:6

Sa mahimo na kining maong mga pagpangandam sa ingon nga paagi, ang mga pari kanunay nga mosulod sa atubangan nga tolda aron sa pagtuman sa ilang pagpangalagad.