Numeros 18:19

Ang Biblia 2011

Ang tanang balaang halad nga gihalad sa katawhan sa Israel ngadto sa Ginoo, akong gihatag kanimo ug sa imong mga anak nga lalaki ug sa imong mga anak nga babaye uban kanimo, ingon nga bahin hangtod sa kahangtoran. Kini usa ka kasabotan sa asin hangtod sa kahangtoran sa atubangan sa Ginoo alang kanimo ug alang sa imong kaliwatan uban kanimo.”

Cross References

2 Mga Hari 12:16

Ang salapi nga gikan sa halad tungod sa paglapas ug ang salapi nga gikan sa mga halad tungod sa sala wala dad-a ngadto sa balay sa Ginoo, kini iya sa pari.

2 Cronicas 13:5

Dili ba nga kinahanglan gayod ninyong mahibaloan nga ang Ginoo, ang Dios sa Israel, mihatag sa gingharian sa Israel ngadto kang David hangtod sa kahangtoran ug sa iyang mga anak nga lalaki pinaagi sa usa ka kasabotan sa asin?

2 Cronicas 31:4

Siya nagsugo sa katawhan nga nagpuyo sa Jerusalem sa paghatag sa bahin sa mga pari ug sa mga Levihanon, aron sila maggahin sa ilang kaugalingon ngadto sa balaod sa Ginoo.

Exodo 29:27

Ihalad ang dughan sa halad nga binayaw, ug ang binayaw nga paa nga maoy bahin sa pari ug nga gihalad gikan sa laking karnero nga gigamit alang sa paggahin kay kini alang kang Aaron ug sa iyang mga anak nga lalaki.

Ezequiel 43:24

Ug kini dad-on nimo ngadto sa atubangan sa Ginoo, ug ang mga pari magbulibod ug asin sa ibabaw niini ug kini ihalad nila ingon nga halad nga sunogon ngadto sa Ginoo.

Levitico 2:13

Kinahanglang timplahan nimo ug asin ang tanan nimong halad nga pagkaon ug ayaw kalimti pagbutang ang asin sa kasabotan uban sa inyong Dios diha sa inyong halad nga pagkaon. Uban sa tanan nimong halad, maghalad ikaw ug asin.

Levitico 21:22

Makakaon siya sa pan sa iyang Dios, sa labing balaan ug sa mga balaang butang,

Levitico 7:14

Ug gikan niini maghalad siya ug usa ka pan gikan sa matag halad, ingon nga halad ngadto sa Ginoo, ug kini maiya sa pari nga nagsablig sa dugo sa halad sa pakigdait.

Numeros 18:11

Ug kini imo usab, ang halad sa ilang mga gasa, ang tanang mga halad nga binayaw gikan sa katawhan sa Israel. Kini gihatag nako kanimo ug sa imong mga anak nga lalaki ug mga anak nga babaye uban kanimo, ingon nga bahin hangtod sa kahangtoran. Ang tanan nga hinlo diha sa imong balay makakaon niini.

Numeros 18:8

Unya ang Ginoo miingon kang Aaron, “Ug tan-awa, akong gitugyan kanimo ang unsay mahibilin sa mga halad nga gihimo alang kanako, ang tanang mga butang nga gibalaan sa katawhan sa Israel, gihatag nako kini kanimo ingon nga imong bahin ug ngadto sa imong mga anak ingon nga bahin hangtod sa kahangtoran.

Numeros 31:29

Kuhaa kini gikan sa katunga nila ug ihatag kang Eleasar nga pari, ingon nga usa ka halad ngadto sa Ginoo.

Numeros 31:41

Ug gihatag ni Moises ang buhis, ingon nga halad alang sa Ginoo, ngadto kang Eleasar nga pari sumala sa gisugo sa Ginoo kang Moises.

Deuteronomio 12:26

Apan ang mga butang nga balaan nga anaa kaninyo ug ang inyong mga halad nga gisaad dad-a ninyo ug adto kamo sa dapit nga pilion sa Ginoo

Deuteronomio 12:6

Didto mangadto kamo, ug didto dad-on ninyo ang inyong mga halad nga sunogon, ug ang inyong mga halad nga inihaw, ug ang inyong mga ikapulo ug ang halad nga binayaw sa inyong mga kamot ug ang inyong mga halad nga gisaad ug ang inyong mga halad nga kinabubut-on ug ang mga kamagulangan sa inyong mga baka ug sa inyong mga karnero.