Numeros 17:8

Ang Biblia 2011

Ug sa pagkaugma, si Moises misulod ngadto sa tolda sa pagpamatuod ug ang sungkod ni Aaron nga alang sa banay ni Levi nanalingsing ug namutot ug namulak ug namunga ug mga hinog nga almendras.

Cross References

Genesis 40:10

Ug sa punoan sa paras dihay tulo ka sanga ug sa dihang kini namutot, ang mga bulak niini namuklad, ug ang iyang mga pinungpong nga bunga nahimong mga hinog nga paras.

Salmo 110:2

Ang magpadala sa imong gamhanang sitro ipadala sa Ginoo gikan sa Zion. Paghari sa taliwala sa imong mga kaaway!

Awit sa mga Awit 2:3

Sama sa usa ka kahoy nga mansanas taliwala sa kalasangan, mao usab ang akong hinigugma taliwala sa kalalakin-an. Sa dakong kalipay mipasilong ako sa iyang landong, ug ang iyang bunga tam-is sa akong pagtilaw.

Isaias 4:2

Nianang adlawa, ang sanga sa Ginoo mahimong matahom ug mahimayaon, ug ang bunga sa yuta mahimong garbo ug himaya sa mga nahibilin sa Israel.

Ezequiel 17:24

Ug ang tanang mga kahoy sa kapatagan makaila nga ako, ang Ginoo, magpaubos sa taas nga kahoy, magpataas sa mubo nga kahoy ug magpalaya sa lunhawng kahoy ug magpalambo sa mga laya nga kahoy. Ako, ang Ginoo, nagsulti, ug magbuhat niini.”

Ezequiel 19:12

Apan ang paras giibot diha sa kabangis, gisalibay ngadto sa yuta; ang hangin gikan sa silangan mipalaya niini; gikuha ang mga bunga niini; ang lig-ong sanga nalaya; ang kalayo milamoy niini.

Ezequiel 19:14

Ug ang kalayo migula gikan sa sanga niini, kini milamoy sa mga sanga ug bunga niini, nga tungod niini walay lig-ong sanga nga nahibilin, walay sitro alang sa tigmando. Kini usa ka pagbangutan ug kini alang sa pagbangutan.

Numeros 16:5

ug siya miingon kang Korah ug sa tanan niyang kaubanan ug miingon, “Sa pagkabuntag ang Ginoo magpadayag kon kinsa ang mga iya ug kon kinsa ang balaan, ug mag-aghat kaniya sa pagduol ngadto kaniya. Siya nga iyang pilion paduolon ngadto kaniya.

Numeros 17:5

Ug ang sungkod niadtong tawo nga akong pilion manalingsing, ug sa ingon niini pahunongon nako ang mga pagbagulbol sa katawhan sa Israel, ang ilang gibagulbol batok kaninyo.”

Numeros 17:9

Unya si Moises midala sa tanang mga sungkod gikan sa atubangan sa Ginoo ngadto sa katawhan sa Israel ug sila mitan-aw, ug ang matag tawo mikuha sa iyang sungkod.

Mga Hebreo 9:4

diin didto gibutang ang bulawan nga halaran sa insenso ug ang sudlanan sa kasabotan, nga gisapawan ug bulawan sa tanang bahin niini diin gibutang ang tibod nga bulawan nga gisudlan sa mana ug ang sungkod ni Aaron nga nanalingsing ug ang mga papan nga gisulatan sa kasabotan.