Numeros 17:7

Ang Biblia 2011

Ug gibutang ni Moises ang mga sungkod sa atubangan sa Ginoo didto sa tolda sa pagpamatuod.

Cross References

Exodo 38:21

Mao kini ang tanang butang alang sa Tolda, sa Tolda sa Pagpamatuod, nga giihap sumala sa sugo ni Moises ubos sa pagmando ni Itamar nga anak ni Aaron nga pari, alang sa buluhaton sa mga Levihanon.

Numeros 1:50

Apan itudlo ang mga Levihanon sa pagdumala sa tolda sa pagpamatuod ug sa pagdumala sa tanang mga galamiton niini, ug sa tanang mga butang nga may kalabotan niini. Sila ang magdala sa Tolda ug sa tanang mga galamiton niini ug sila mag-atiman niini, ug sila magkampo libot sa Tolda.

Numeros 1:53

Apan ang mga Levihanon magpahiluna libot sa tolda sa pagpamatuod, aron walay kaligutgot nga moabot sa katilingban sa katawhan sa Israel, ug ang mga Levihanon magdumala sa tolda sa pagpamatuod.”

Numeros 14:10

Apan ang tibuok katilingban mihulga nga labayon sila ug mga bato. Unya ang himaya sa Ginoo nagpakita diha sa tolda nga tagboanan ngadto sa tanang katawhan sa Israel.

Numeros 17:4

Unya ibutang kini sila sa tolda nga tagboanan sa atubangan sa pagpamatuod diin ako makigtagbo kaninyo.

Numeros 17:6

Ug si Moises misulti sa katawhan sa Israel ug ang tanan nilang mga pangulo mihatag kaniya ug mga sungkod, usa sa matag pangulo, sumala sa mga banay sa ilang katigulangan, napulo ug duha ka sungkod, ug ang sungkod ni Aaron diha uban sa ilang mga sungkod.

Numeros 18:2

Ug uban kanimo dad-a usab ang imong kaigsoonan nga lalaki, ang banay ni Levi, ang banay sa imong amahan, aron sila motabang kanimo ug mag-alagad sila kanimo, samtang ikaw ug ang imong mga anak nga lalaki uban kanimo adto sa atubangan sa tolda sa pagpamatuod.

Numeros 9:15

Sa adlaw nga ang Tolda gipatindog, ang panganod mitabon sa Tolda, sa tolda sa pagpamatuod. Ug sa gabii, sama kini sa dagway sa kalayo ibabaw sa Tolda hangtod sa pagkabuntag.

Mga Buhat 7:44

“Ang tolda sa pagpamatuod nabatonan sa atong mga katigulangan sa didto pa sila sa kamingawan sumala sa sugo sa Dios nga gisulti kang Moses, sa pagbuhat niini sumala sa sumbanan nga iyang nakita.