Numeros 17:5

Ang Biblia 2011

Ug ang sungkod niadtong tawo nga akong pilion manalingsing, ug sa ingon niini pahunongon nako ang mga pagbagulbol sa katawhan sa Israel, ang ilang gibagulbol batok kaninyo.”

Cross References

2 Cronicas 26:16

Apan sa nalig-on na siya, ang iyang kasingkasing nagmapagarbohon ngadto sa pagkalaglag. Kay siya nakalapas batok sa Ginoo nga iyang Dios ug misulod siya sa Templo sa Ginoo aron sa pagsunog sa insenso ibabaw sa halaran sa insenso.

Esdras 2:62

Kini sila nangita sa ilang ngalan niadtong nalakip sa nalista sa mga kagikan apan wala sila makita didto busa wala sila ilakip sa pagkapari ingon nga hugaw.

Salmo 105:26

Gisugo niya si Moises nga iyang alagad, ug si Aaron nga iyang gipili.

Exodo 16:7

Ug sa pagkabuntag, makita ninyo ang himaya sa Ginoo kay nadungog niya ang inyong mga pagbagulbol batok sa Ginoo. Kay unsa ba kami nga nagbagulbol man kamo batok kanamo?”

Isaias 11:1

Adunay motunga nga saha gikan sa tuod ni Jesse, ug usa ka sanga motubo gikan sa iyang mga gamot.

Isaias 13:11

Silotan nako ang kalibotan tungod sa ilang pagkadaotan, ang mga daotan tungod sa ilang kasal-anan; pahunongon nako ang garbo sa mga mapahitas-on, ug ipaubos nako ang pagkamahitas-on sa mga walay kaluoy.

Isaias 27:6

Sa mga adlaw nga moabot si Jacob mogamot, si Israel mamulak ug manalingsing ug pun-on sa bunga ang tibuok kalibotan.

Isaias 5:24

Busa ingon nga ang dila sa kalayo maglamoy sa dagami, ug ingon nga ang uga nga balili masunog diha sa siga, ang ila usab nga gamot madunot, ug ang ilang putot mawala sama sa abog; tungod kay ilang gisalikway ang balaod sa Ginoo sa mga panon, ug gitamay ang pulong sa Balaan sa Israel.

Ezequiel 16:41

Ug sunogon nila ang imong mga balay ug magpahamtag sila ug hukom kanimo diha sa panan-aw sa daghang mga babaye. Pahunongon ko ikaw sa pagpakighilawas, ug ikaw dili na usab maghatag ug suhol.

Ezequiel 23:27

Busa akong pahunongon ang imong kalaw-ay ug ang imong pagkamakihilawason nga nadala nimo gikan sa yuta sa Ehipto aron dili na ikaw moyahat sa imong mga mata ngadto sa mga Ehiptohanon o mahinumdom pa kanila.

Oseas 14:5

Ako mahimo nga daw yamog alang sa Israel; siya mobulak sama sa lirio, mopatidlom siya sa iyang gamot sama sa mga kahoy sa Lebanon.

Numeros 1:51

Sa diha nga ang Tolda dad-on na, ang mga Levihanon maoy maghipos niini ug sa diha nga ang Tolda pabarogon, ang mga Levihanon maoy magtukod niini ug ang walay labot nga magpaduol niini patyon.

Numeros 11:1

Unya ang katawhan nagbagulbol diha sa pangdungog sa Ginoo mahitungod sa ilang kalisdanan. Ug sa dihang nadungog kini sa Ginoo, misilaob ang iyang kasuko ug midilaab batok kanila ang kalayo sa Ginoo ug milamoy sa mga daplin nga bahin sa kampo.

Numeros 16:11

Tungod niini, ikaw ug ang tanan nimong kaubanan naghiusa sa pagtigom batok sa Ginoo. Unsa ba si Aaron, nga nagbagulbol man kamo batok kaniya?”

Numeros 16:5

ug siya miingon kang Korah ug sa tanan niyang kaubanan ug miingon, “Sa pagkabuntag ang Ginoo magpadayag kon kinsa ang mga iya ug kon kinsa ang balaan, ug mag-aghat kaniya sa pagduol ngadto kaniya. Siya nga iyang pilion paduolon ngadto kaniya.

Numeros 17:10

Ug ang Ginoo miingon kang Moises, “Ibalik pagbutang ang sungkod ni Aaron sa atubangan sa pagpamatuod, aron kini tipigan ingon nga usa ka timaan alang sa mga misukol aron taposon nimo ang ilang pagbagulbol kay tingali unya ug mangamatay sila.”

Numeros 17:6

Ug si Moises misulti sa katawhan sa Israel ug ang tanan nilang mga pangulo mihatag kaniya ug mga sungkod, usa sa matag pangulo, sumala sa mga banay sa ilang katigulangan, napulo ug duha ka sungkod, ug ang sungkod ni Aaron diha uban sa ilang mga sungkod.

Numeros 17:8

Ug sa pagkaugma, si Moises misulod ngadto sa tolda sa pagpamatuod ug ang sungkod ni Aaron nga alang sa banay ni Levi nanalingsing ug namutot ug namulak ug namunga ug mga hinog nga almendras.

1 Mga Taga-Corinto 10:10

Ug dili kita magbagolbol, sama sa gibuhat sa uban kanila busa gilaglag sila sa tiglaglag.

Josue 4:7

Unya sultihan ninyo sila nga ang mga tubig sa Jordan nabahin sa duha sa atubangan sa sudlanan sa kasabotan sa Ginoo. Sa pag-agi niini sa Jordan, ang mga tubig sa Jordan nabahin busa kining mga batoha handomanan sa katawhan sa Israel hangtod sa kahangtoran.”