Numeros 16:9

Ang Biblia 2011

Daw gamay ba lamang nga butang alang kaninyo nga ang Dios sa Israel naggahin kaninyo gikan sa katilingban sa Israel, sa pagdala kaninyo duol ngadto kaniya, sa pag-alagad sa Tolda sa Ginoo ug sa pagbarog sa atubangan sa katilingban aron sa pag-alagad kanila,

Cross References

Genesis 30:15

Apan siya miingon kaniya, “Gamay ra bang butang ang pagkuha nimo sa akong bana? Unya kuhaon pa gayod nimo ang mga mandragora sa akong anak?” Ug si Raquel miingon, “Karong gabii, makahigda siya uban kanimo tungod sa mga mandragora sa imong anak.”

2 Samuel 7:19

Ug kini usa lamang ka gamay nga butang sa imong mga mata, O Ginoong Dios, ikaw nagsulti usab mahitungod sa balay sa imong sulugoon alang sa taas nga panahon nga umaabot, ug gipakita nimo kanako ang umaabot nakong mga kaliwat, O Ginoong Dios!

2 Cronicas 35:3

Ug siya miingon sa mga Levihanon nga nagtudlo sa tibuok Israel ug nga mga balaan sa Ginoo, “Ibutang ang balaan nga sudlanan sa kasabotan diha sa balay nga gitukod ni Solomon nga anak ni David nga hari sa Israel; dili kinahanglan nga inyo kining pas-anon sa inyong mga abaga. Karon alagari ang Ginoo nga inyong Dios ug ang iyang katawhan nga Israel.

Nehemias 12:44

Niadtong adlawa ang mga tawo gitudlo sa pag-atiman sa mga lawak nga tipiganan, sa mga amot, sa mga unang bunga ug sa mga ikapulo, aron tigomon ngadto niini ang mga bahin nga gisugo sa balaod alang sa mga pari ug sa mga Levihanon sumala sa kaumahan sa mga lungsod, kay ang Juda nalipay tungod sa mga pari ug sa mga Levihanon nga nag-alagad.

Isaias 7:13

Unya siya miingon, “Pamati, O balay ni David! Gamay ra bang butang alang kaninyo ang pagsamok sa mga tawo, nga inyo usab nga samokon ang Dios?

Ezequiel 34:18

Dili pa ba igo kaninyo ang pagsibsib diha sa maayong sibsibanan, nga gitumban man ninyo ang ubang bahin sa inyong sibsibanan, ug ang pag-inom sa tin-aw nga tubig nga lubogon man ninyo ang uban sa inyong mga tiil?

Ezequiel 44:16

Sila mosulod sa akong balaang dapit ug sila moduol sa akong lamisa aron sa pag-alagad kanako, ug sila magtuman sa akong sugo.

Numeros 1:53

Apan ang mga Levihanon magpahiluna libot sa tolda sa pagpamatuod, aron walay kaligutgot nga moabot sa katilingban sa katawhan sa Israel, ug ang mga Levihanon magdumala sa tolda sa pagpamatuod.”

Numeros 16:13

Gamay ba lamang kini nga butang nga gidala nimo kami gikan sa usa ka yuta diin nag-agas ang gatas ug dugos aron sa pagpatay kanamo dinhi sa kamingawan, nga ikaw maghimo pa gayod sa imong kaugalingon nga pangulo ibabaw kanamo?

Numeros 16:8

Ug si Moises miingon kang Korah, “Pamati, kamong mga kaliwat ni Levi!

Numeros 3:6

“Paduola ang banay ni Levi ug ipahimutang sila sa atubangan ni Aaron nga pari, aron sila mag-alagad kaniya.

Numeros 3:9

Itugyan ang mga Levihanon ngadto kang Aaron ug sa iyang mga anak nga lalaki, sila gihatag gayod gikan sa katawhan sa Israel.

Mga Buhat 13:2

Samtang nagsimba sila sa Ginoo ug nagpuasa, ang Espiritu Santo miingon, “Igahin kanako si Bernabe ug si Saulo alang sa buluhaton nga niini gitawag nako sila.”

1 Mga Taga-Corinto 4:3

Apan sa akong bahin, gamay ra kaayo kining butanga nga ako hukman ninyo o sa bisan unsang hukmanan nga tawhanon. Apan sa akong kaugalingon wala gani ako maghukom.

Deuteronomio 10:8

Niadtong panahona gilain sa Ginoo ang banay ni Levi aron sa pagdala sa sudlanan sa kasabotan sa Ginoo, aron sa pagtindog sa atubangan sa Ginoo sa pag-alagad kaniya ug sa pagpanalangin pinaagi sa iyang ngalan hangtod niining adlawa.

1 Samuel 18:23

Ang mga sulugoon ni Saul misulti niining mga pulonga sa mga igdulungog ni David. Ug si David miingon, “Sayon ba lamang alang kaninyo kanang butanga nga mahimong umagad sa hari, nga nakita man ninyo nga ako usa ka kabos nga tawo ug dili inila?”