Numeros 16:42

Ang Biblia 2011

Ug nagtigom ang katilingban batok kang Moises ug batok kang Aaron, mipaatubang sila sa tolda nga tagboanan ug unya ang panganod mitabon niini, ug ang himaya sa Ginoo mipakita.

Cross References

Exodo 16:10

Ug sa dihang misulti si Aaron sa tibuok katilingban sa katawhan sa Israel, mitan-aw sila ngadto sa kamingawan ug ilang nakita nga ang himaya sa Ginoo mipakita diha sa panganod.

Exodo 16:7

Ug sa pagkabuntag, makita ninyo ang himaya sa Ginoo kay nadungog niya ang inyong mga pagbagulbol batok sa Ginoo. Kay unsa ba kami nga nagbagulbol man kamo batok kanamo?”

Exodo 24:16

Ang himaya sa Ginoo mipahiluna diha sa Bukid sa Sinai ug ang panganod mitabon niini sulod sa unom ka adlaw, ug sa ikapitong adlaw gitawag niya si Moises gikan sa taliwala sa panganod.

Levitico 9:23

Ug si Moises ug si Aaron misulod sa tolda nga tagboanan, ug sa paggula nila ilang gipanalanginan ang katawhan ug ang himaya sa Ginoo nagpakita sa tibuok nga katawhan.

Numeros 14:10

Apan ang tibuok katilingban mihulga nga labayon sila ug mga bato. Unya ang himaya sa Ginoo nagpakita diha sa tolda nga tagboanan ngadto sa tanang katawhan sa Israel.

Numeros 16:19

Ug si Korah mitigom sa tibuok nga katilingban nga batok kanila nga didto sa pultahan sa tolda nga tagboanan. Unya ang himaya sa Ginoo mipakita sa tibuok nga katilingban.

Numeros 16:43

Ug si Moises ug si Aaron nangadto sa atubangan sa tolda nga tagboanan.

Numeros 20:2

Ug walay tubig alang sa katilingban, ug sila nagtigom pagtingob batok kang Moises ug batok kang Aaron.

Numeros 20:6

Unya si Moises ug si Aaron mibiya gikan sa atubangan sa katilingban paingon sa pultahan sa tolda nga tagboanan ug mihapa sila, ug ang himaya sa Ginoo mipakita kanila.