Numeros 16:29

Ang Biblia 2011

Kon kining mga tawhana mangamatay sa yanong kamatayon sa tanang tawo o kon sila aboton sa samang paagi sa tanang mga tawo, sa ingon niana ang Ginoo wala magsugo kanako.

Cross References

1 Mga Hari 18:36

Ug nahitabo nga sa panahon sa paghalad sa haponon nga halad, si Elias nga propeta miduol ug miingon, “O Ginoo, ang Dios ni Abraham, ni Isaac ug ni Israel, himoa nga mahibaloan niining adlawa nga ikaw ang Dios dinhi sa Israel ug nga ako imong alagad, ug nga gibuhat nako kining tanang mga butanga tungod sa imong pulong.

1 Mga Hari 22:28

Ug si Micaias miingon, “Kon ikaw mobalik nga malinawon, ang Ginoo wala magsulti pinaagi kanako.” Ug siya miingon, “Pamati kamo, kamong tanang katawhan!”

2 Cronicas 18:27

Si Micaias miingon, “Kon ikaw mobalik nga malinawon, ang Ginoo wala mosulti kanako.” Ug siya miingon, “Pamati, kamong tanan nga katawhan!”

Job 35:15

Apan karon, tungod kay ang iyang kasuko dili magsilot, ug dili niya tagdon pag-ayo ang kalapasan,

Exodo 20:5

Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.

Exodo 32:34

Karon lakaw, dad-a kining katawhan ngadto sa dapit nga akong giingon kanimo. Ang akong anghel mag-una kanimo apan sa adlaw sa akong pagduaw, duawon nako ang ilang sala diha kanila.”

Ecclesiastes 3:19

Kay ang dangatan sa mga anak sa mga tawo ug ang dangatan sa mga mananap managsama; ingon nga mamatay ang usa, mamatay usab ang usa. Silang tanan managsama ug gininhawa, ug ang tawo dili labaw sa mga mananap; kay ang tanan kakawangan man.

Isaias 10:3

Unsa may inyong buhaton sa adlaw sa pagsilot diha sa bagyo nga umaabot gikan sa layo? Kang kinsa man kamo modangop aron magpakitabang, ug asa man ninyo ibilin ang inyong bahandi?

Jeremias 5:9

Dili ba nako sila silotan tungod niining mga butanga? nag-ingon ang Ginoo; ug dili ba ako manimalos sa nasod nga sama niini?

Mga Pagbangotan 4:22

Ang silot sa imong kalapasan, O anak nga babaye sa Zion, natuman na, siya dili na modala kanimo pag-usab ngadto sa pagkabinihag; apan ang imong kasal-anan, anak nga babaye sa Edom, iyang silotan, ibutyag niya ang imong mga sala.

Gipadayag 11:5

Ug kon may buot modagmal kanila, adunay kalayo nga mogula sa ilang baba ug mohurot sa ilang mga kaaway. Kon may buot modagmal kanila, sa ingon niining paagiha siya patyon.