Numeros 16:2

Ang Biblia 2011

Ug sila mitindog sa atubangan ni Moises uban sa pipila ka katawhan sa Israel, 250 ka pangulo sa katilingban, mga pinili sa katilingban ug mga tawo nga inila.

Cross References

Genesis 6:4

Niadtong mga adlawa ang mga Nefilim diha sa yuta, ug bisan sa panahon human niini, sa dihang ang mga lalaking anak sa Dios misulod ngadto sa mga babayeng anak sa mga tawo, ug sila nanganak alang kanila. Kini mao ang kusgan nga mga tawo sa karaang panahon, ang mga tawo nga bantogan.

1 Cronicas 12:30

Sa mga Efraimhanon, 20,800, mga tawong bantogan sa kaisog sa mga panimalay sa ilang katigulangan.

1 Cronicas 5:24

Kini sila mao ang mga pangulo sa mga banay sa ilang katigulangan: si Efer, si Ishi, si Eliel, si Asriel, si Jeremias, si Hodavias ug si Jadiel, mga kusgang manggugubat, bantogang mga tawo, mga pangulo sa mga banay sa ilang katigulangan.

Ezequiel 16:14

Ang imong kabantog mikaylap ngadto sa mga nasod tungod sa imong kaanyag, kay kini hingpit man pinaagi sa katahom nga gisul-ob nako kanimo, nag-ingon ang Ginoong Dios.

Ezequiel 23:10

Kini sila mibukas sa iyang pagkahubo, gikuha ang iyang mga anak nga lalaki ug ang iyang mga anak nga babaye. Ug siya gipatay nila sa espada ug siya nahimong sanglitanan sa mga babaye sa diha nga gipahamtang ang silot kaniya.

Numeros 1:16

Kini sila mao ang mga gipili gikan sa katilingban, mga pangulo sa mga banay sa ilang katigulangan, sila mao ang pangulo sa mga linibo sa Israel.

Numeros 12:1

Unya si Miriam ug si Aaron misulti batok kang Moises tungod sa babaye nga Cusihanon nga iyang gipangasawa kay siya nangasawa man sa babaye nga Cusihanon.

Numeros 16:35

Ug migula ang kalayo gikan sa Ginoo ug milamoy sa 250 ka tawo nga naghalad sa insenso.

Numeros 26:9

Ang mga anak ni Eliab: si Nemuel, si Datan ug si Abiram. Kini si Datan ug si Abiram mao ang mga pinili sa katilingban, nga misukol batok kang Moises ug batok kang Aaron uban sa ginsakopan ni Korah, sa diha nga misukol sila batok sa Ginoo,

Numeros 27:3

“Ang among amahan namatay didto sa kamingawan ug siya wala mahilakip sa kaubanan nila nga nagtigom sa ilang kaugalingon batok sa Ginoo sulod sa ginsakopan ni Korah, apan siya namatay sa iyang kaugalingong sala ug siya walay mga anak nga lalaki.