Numeros 16:19

Ang Biblia 2011

Ug si Korah mitigom sa tibuok nga katilingban nga batok kanila nga didto sa pultahan sa tolda nga tagboanan. Unya ang himaya sa Ginoo mipakita sa tibuok nga katilingban.

Cross References

Exodo 16:10

Ug sa dihang misulti si Aaron sa tibuok katilingban sa katawhan sa Israel, mitan-aw sila ngadto sa kamingawan ug ilang nakita nga ang himaya sa Ginoo mipakita diha sa panganod.

Exodo 16:7

Ug sa pagkabuntag, makita ninyo ang himaya sa Ginoo kay nadungog niya ang inyong mga pagbagulbol batok sa Ginoo. Kay unsa ba kami nga nagbagulbol man kamo batok kanamo?”

Levitico 9:23

Ug si Moises ug si Aaron misulod sa tolda nga tagboanan, ug sa paggula nila ilang gipanalanginan ang katawhan ug ang himaya sa Ginoo nagpakita sa tibuok nga katawhan.

Levitico 9:6

Unya si Moises miingon, “Kini mao ang gisugo sa Ginoo nga buhaton ninyo ug ang himaya sa Ginoo magpakita kaninyo.”

Numeros 12:5

Ug ang Ginoo mikunsad diha sa usa ka haligi nga panganod ug mibarog diha sa pultahan sa Tolda ug mitawag kang Aaron ug kang Miriam ug miduol silang duha.

Numeros 14:10

Apan ang tibuok katilingban mihulga nga labayon sila ug mga bato. Unya ang himaya sa Ginoo nagpakita diha sa tolda nga tagboanan ngadto sa tanang katawhan sa Israel.

Numeros 16:18

Busa ang matag usa mikuha sa iyang sudlanan sa insenso ug gibutangan nila kini ug kalayo ug gibutangan ug insenso ang ibabaw niini ug mibarog sila sa ganghaan sa tolda nga tagboanan kauban ni Moises ug ni Aaron.

Numeros 16:20

Ug ang Ginoo miingon kang Moises ug kang Aaron,

Numeros 16:42

Ug nagtigom ang katilingban batok kang Moises ug batok kang Aaron, mipaatubang sila sa tolda nga tagboanan ug unya ang panganod mitabon niini, ug ang himaya sa Ginoo mipakita.

Numeros 20:2

Ug walay tubig alang sa katilingban, ug sila nagtigom pagtingob batok kang Moises ug batok kang Aaron.

Numeros 20:6

Unya si Moises ug si Aaron mibiya gikan sa atubangan sa katilingban paingon sa pultahan sa tolda nga tagboanan ug mihapa sila, ug ang himaya sa Ginoo mipakita kanila.