Numeros 16:14

Ang Biblia 2011

Dugang pa niini, ikaw wala magdala kanamo ngadto sa yuta diin nag-agas ang gatas ug dugos o maghatag kanamo ug panulondon nga kaumahan ug kaparasan. Palugwaon ba nimo ang mga mata niining mga tawhana? Dili kami mangadto.”

Cross References

Exodo 22:5

“Kon ang usa ka tawo maoy makaingon sa uma o parasan nga masibsiban o magbuhi sa iyang hayop ug kini makasibsib sa uma sa uban, kinahanglan nga bayran niya kini gikan sa labing maayo sa iyang uma ug sa labing maayo sa iyang parasan.

Exodo 23:10

“Sa unom ka tuig magpugas kamo sa inyong yuta ug magtigom sa mga abot niini,

Exodo 23:11

apan sa ikapitong tuig papahulayon ninyo kini ug pasagdan nga walay pugas, aron ang mga kabos sa inyong katawhan makakaon, ug unsay mahibilin nila maoy kaonon sa mga ihalas nga mananap. Buhata usab ninyo kini sa inyong parasan ug sa inyong olibo.

Exodo 3:17

Ug ako nagsaad sa pagkuha kaninyo gikan sa kalisdanan sa Ehipto ngadto sa yuta sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon, usa ka yuta diin nag-agas ang gatas ug dugos.” ’

Exodo 3:8

Busa nanaog ako sa pagluwas kanila gikan sa kamot sa mga Ehiptohanon, ug sa pagkuha kanila gikan niadtong yutaa ngadto sa usa ka maayo ug lapad nga yuta, sa yuta diin nag-agas ang gatas ug dugos, sa mga dapit sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Levitico 20:24

Apan ako nag-ingon kaninyo, ‘Kamo makapanunod sa ilang yuta, ug ako maghatag kaninyo niini aron inyong mapanag-iya, usa ka yuta diin nag-agas ang gatas ug dugos.’ Ako mao ang Ginoo nga inyong Dios, nga naglain kaninyo gikan sa mga katawhan.

Numeros 13:27

Ug gisuginlan nila siya, “Miabot kami sa yuta nga imong gipaadtoan kanamo, ang gatas ug dugos nag-agas diha niini ug kini mao ang bunga niini.

Numeros 14:8

Kon ang Ginoo nahimuot kanato, pasudlon gayod kita niya sa maong yuta ug kini ihatag niya kanato, usa ka yuta diin nag-agas ang gatas ug dugos.

Numeros 20:5

Ug ngano nga gipatungas man nimo kami gikan sa Ehipto, aron dad-on kami niining daotan nga dapit? Kini dili mao ang dapit alang sa trigo o sa mga igera o sa mga paras o sa mga granada; wala gani bisan tubig nga mainom.”

Mga Maghuhukom 16:21

Unya gidakop siya sa mga Filistihanon ug gilugit ang iyang mga mata, ug gidala siya ngadto sa Gaza ug gigapos siya ug bronsi nga kadena ug gihimong tiggaling didto sa bilanggoan.

1 Samuel 11:2

Apan si Nahas nga Amonihanon miingon ngadto kanila, “Ako maghimo niining kasabotan uban kaninyo sa ingon lamang niini nga kauyonan, nga lugiton nako ang inyong tuong mata; kini makahatag ug kaulawan sa tibuok Israel.”