Numeros 16:10

Ang Biblia 2011

ug nga siya nagdala kanimo duol kaniya ug ang tanan nimong kaigsoonan nga mga kaliwat ni Levi uban kanimo? Ug nagtinguha usab kamo sa pagkapari?

Cross References

Mga Panultihon 13:10

Tungod sa pagkamapahitas-on, ang gahi ug ulo maghimo ug kasamok, apan kanila nga magpatambag anaa ang kaalam.

Numeros 18:1

Busa ang Ginoo miingon kang Aaron, “Ikaw ug ang imong mga anak nga lalaki ug ang banay sa imong katigulangan uban kanimo magdala sa sala nga may kalabotan sa balaang dapit, ug ikaw ug ang imong mga anak uban kanimo magdala sa sala nga may kalabotan sa inyong pagkapari.

Numeros 18:7

Ug ikaw ug ang imong mga anak uban kanimo magtuman sa inyong pagkapari alang sa tanang butang sa halaran ug sa anaa sa sulod sa tabil, ug mag-alagad kamo. Ako naghatag kaninyo sa pagkapari ingon nga gasa sa pag-alagad, ug ang walay labot nga moduol kinahanglang patyon.”

Numeros 3:10

Ug itudlo nimo si Aaron ug ang iyang mga anak nga lalaki, ug sila magtuman sa ilang pagkapari, ug kon ang walay labot moduol, patyon siya.”

Numeros 3:6

“Paduola ang banay ni Levi ug ipahimutang sila sa atubangan ni Aaron nga pari, aron sila mag-alagad kaniya.

Lucas 22:24

Ug nahitabo usab ang usa ka panaglalis taliwala nila kon kinsa kanila ang isipon nga maoy labing dako.

Roma 12:10

Paghigugmaay kamo nga mainiton sa usa ug usa ingon nga mga igsoon, pagpalabwanay kamo sa pagtahod sa usa ug usa.

Mga Taga-Filipos 2:3

Ayaw kamo pagbuhat ug bisan unsa pinaagi sa kahakog o pagpagarbo sa kaugalingon, apan diha sa pagpaubos isipa ang uban nga labaw pang maayo kay sa inyong kaugalingon.

3 Juan 1:9

May gisulat ako nganha sa iglesia, apan si Diotrefes nga buot gayod nga molabaw sa tanan wala moabiabi kanamo.

Mga Maghuhukom 17:12

Ug gibalaan ni Mikeas ang Levihanon, ug ang batan-ong lalaki nahimo nga iyang pari, ug didto siya sa balay ni Mikeas.