Numeros 15:9

Ang Biblia 2011

maghalad ikaw uban sa torong baka, usa ka halad nga pagkaon nga tulo sa napulo ka bahin sa epha nga pinong harina nga sinagolan ug tunga sa usa ka hin nga lana

Cross References

1 Cronicas 21:23

Unya si Ornan miingon kang David, “Kuhaa kini ug ipabuhat sa akong agalon nga hari ang unsay maayo alang kaniya Ania, akong gihatag ang mga baka alang sa mga halad nga sunogon ug ang mga galamiton sa paggiok alang sa sugnod ug ang trigo alang sa halad nga pagkaon. Ihatag nako kining tanan.”

Nehemias 10:33

alang sa pan nga ibutang sa halaran, sa nagpadayon nga halad nga pagkaon, sa nagpadayong halad nga sunogon, sa mga adlaw nga igpapahulay, sa mga bag-ong subang sa bulan, sa gitakda nga mga kasaulogan, sa mga butang nga balaan, ug sa mga halad alang sa sala aron sa paghimo ug pagtabon sa sala sa Israel ug alang sa tanang mga buhat sa balay sa among Dios.

Ezequiel 42:13

Unya siya miingon kanako, “Ang mga lawak sa amihanan ug ang mga lawak sa habagatan nga anaa sa atbang sa luna mao ang balaan nga mga lawak, diin ang mga pari nga moduol sa Ginoo magkaon sa labing balaan nga mga halad. Didto nila ibutang ang labing balaan nga mga halad, ang halad nga pagkaon ug ang halad tungod sa sala ug ang halad tungod sa paglapas, kay ang dapit balaan.

Ezequiel 46:11

“Ug panahon sa mga kasaulogan ug sa tinakdang mga panahon, ang halad nga pagkaon usa ka epha uban sa usa ka torong baka, ug usa ka epha uban sa usa ka laking karnero, ug uban sa mga nating karnero sumala sa iyang ikahatag, ug usa ka hin nga lana uban sa matag epha.

Ezequiel 46:15

Busa ang nating karnero ug ang halad nga pagkaon ug ang lana andamon matag buntag alang sa magpadayon nga halad nga sunogon.

Ezequiel 46:5

ug ang halad nga pagkaon uban sa laking karnero, usa ka epha ug ang halad nga pagkaon uban sa mga nating karnero sumala sa mahimo niya sa paghatag, ug usa ka hin nga lana uban sa matag epha.

Ezequiel 46:7

Ingon nga halad nga pagkaon, siya magtagana ug usa ka epha uban sa torong baka ug usa ka epha uban sa laking karnero ug uban sa mga nating karnero sumala sa iyang mahimo, ug usa ka hin nga lana sa matag epha.

Joel 1:9

Ang halad nga pagkaon ug ang halad nga ilimnon gihunong gikan sa balay sa Ginoo. Ang mga pari nagsubo, ang mga alagad sa Ginoo.

Joel 2:14

Kinsa ang nahibalo kon siya dili ba motalikod ug magbasol, ug magbilin ug panalangin sa iyang likod, halad nga pagkaon ug halad nga ilimnon alang sa Ginoo nga inyong Dios?

Levitico 14:10

“Sa ikawalo nga adlaw magkuha siya ug duha ka nating karnero nga laki nga walay tatsa ug usa ka nating karnero nga baye nga usa ka tuig ang kagulangon nga walay tatsa ug halad nga pagkaon nga balig tulo sa napulo ka bahin sa usa ka epha nga pinong harina nga sinagolan ug lana ug usa ka log nga lana.

Levitico 6:14

“Kini mao ang balaod sa halad nga pagkaon. Ang mga anak ni Aaron maghalad niini atubangan sa Ginoo diha sa atubangan sa halaran.

Levitico 7:37

Kini mao ang balaod sa halad nga sunogon, sa halad nga pagkaon, sa halad tungod sa sala, sa halad sa paglapas, sa pagbalaan ug sa mga halad sa pakigdait

Numeros 15:10

ug alang sa halad nga ilimnon, maghalad ikaw ug tunga sa hin nga bino alang sa halad pinaagi sa kalayo, usa ka kahumot alang sa Ginoo.

Numeros 15:8

Ug sa diha nga ikaw mag-andam ug usa ka torong baka ingon nga halad nga sunogon o ingon nga usa ka halad nga inihaw aron sa pagtuman sa usa ka panaad o ingon nga mga halad sa pakigdait alang sa Ginoo,

Numeros 28:12

ug tulo ka ikanapulo nga bahin sa usa ka epha sa pinong harina ingon nga usa ka halad nga pagkaon nga sinagolan ug lana alang sa matag torong baka ug duha sa ikanapulo nga bahin sa pinong harina ingon nga usa ka halad nga pagkaon nga sinagolan ug lana alang sa laking karnero,

Numeros 28:14

Ug ang ilang mga halad nga ilimnon tunga sa hin nga bino alang sa usa ka torong baka, ikatulo nga bahin sa usa ka hin alang sa usa ka laking karnero ug ikaupat nga bahin sa usa ka hin alang sa usa ka nating karnero. Kini mao ang halad nga sunogon sa matag bulan alang sa mga bulan sa tuig.

Numeros 29:6

Kini dugang sa halad nga sunogon sa bag-ong bulan, ug sa halad nga pagkaon niini, ug sa magpadayon nga halad nga sunogon ug sa halad nga pagkaon niini ug sa mga halad nga ilimnon niini, sumala sa mga tulumanon niini, alang sa usa ka kahumot, usa ka halad pinaagi sa kalayo alang sa Ginoo.

1 Samuel 1:24

Sa diha nga gilutas na niya siya, gidala niya siya uban ang torong baka nga tulo ka tuig ang kagulangon, ug usa ka epha nga harina ug usa ka sudlanan nga panit nga bino, ug gidala siya ngadto sa balay sa Ginoo didto sa Silo, ug ang bata linghod pa ang panuigon.