Numeros 15:5

Ang Biblia 2011

ug bino alang sa halad nga ilimnon nga ikaupat nga bahin sa usa ka hin. Andamon kini uban sa halad nga sunogon o alang sa halad, alang sa matag nating karnero.

Cross References

2 Cronicas 29:35

Gawas pa sa daghang mga halad nga gisunog, anaa ang tambok sa mga halad sa pakigdait ug dihay mga halad nga ilimnon alang sa halad nga sunogon. Busa ang pagpangalagad sa balay sa Ginoo nahibalik.

Esdras 7:17

Busa niining salapi uban sa tibuok nga pagpaningkamot, pagpalit ug mga laking baka, mga laking karnero, mga nating karnero, uban ang mga halad nga pagkaon ug ang mga halad nga ilimnon niini ug ihalad kini sa ibabaw sa halaran sa balay sa imong Dios nga anaa sa Jerusalem.

Salmo 116:13

Akong iisa ang kupa sa kaluwasan, ug sangpiton nako ang ngalan sa Ginoo.

Exodo 29:40

Ug uban sa unang nating karnero usa ka ikanapulo nga bahin sa usa ka takos nga pinong harina nga sinagolan sa ikaupat nga bahin sa usa ka hin nga lana ug ikaupat nga bahin sa usa ka hin nga bino alang sa halad nga ilimnon.

Awit sa mga Awit 1:4

Daniha ako, magdali kita. Ang hari midala kanako ngadto sa iyang mga lawak. Maglipay kita ug magsadya diha kanimo; ibayaw nato ang imong gugma labaw kay sa bino; matarong gayod ang ilang paghigugma kanimo.

Levitico 1:10

“Kon ang iyang halad alang sa halad nga sunogon gikan sa panon, sa mga karnero o sa mga kanding, ang iyang ihalad laki nga walay tatsa.

Levitico 23:13

Ang halad nga pagkaon uban niini, nga duha sa napulo ka bahin sa usa ka epha nga pinong harina nga sinagolan ug lana, ihalad kini pinaagi sa kalayo alang sa Ginoo, usa ka kahumot. Ug ang halad nga ilimnon ikaupat nga bahin sa usa ka hin nga bino.

Levitico 3:6

“Kon ang iyang halad inihaw nga halad sa pakigdait alang sa Ginoo gikan sa panon sa karnero, laki o baye, ihalad niya kini nga walay tatsa.

Levitico 3:7

Kon siya maghalad ug nating karnero ingon nga iyang halad, ihalad kini niya sa atubangan sa Ginoo.

Zacarias 9:17

Kay pagkamaayo ug pagkaanindot gayod niini! Ang trigo magpalambo sa mga batan-ong lalaki, ug ang bag-ong bino sa mga batan-ong babaye.

Numeros 15:11

“Mao kini ang himoon ngadto sa matag torong baka o sa matag laking karnero o alang sa matag nating karnero nga laki o sa mga nating kanding.

Numeros 15:6

O alang sa usa ka laking karnero, ikaw mag-andam alang sa halad nga pagkaon, duha ka ikanapulo nga bahin sa epha nga pinong harina nga sinagolan ug lana nga ikatulo nga bahin sa usa ka hin nga lana.

Numeros 28:14

Ug ang ilang mga halad nga ilimnon tunga sa hin nga bino alang sa usa ka torong baka, ikatulo nga bahin sa usa ka hin alang sa usa ka laking karnero ug ikaupat nga bahin sa usa ka hin alang sa usa ka nating karnero. Kini mao ang halad nga sunogon sa matag bulan alang sa mga bulan sa tuig.

Numeros 28:7

Ug ang halad nga ilimnon niini mao ang ikaupat nga bahin sa usa ka hin alang sa matag nating karnero. Sa dapit nga balaan magbubo ikaw ug halad nga ilimnon nga isog, ilimnon alang sa Ginoo.

Mga Taga-Filipos 2:17

Apan kon ibubo ako diha sa inyong halad nga inihaw ug sa halad sa inyong pagtuo, ikalipay ko kini ug ako maglipay uban kaninyong tanan.

2 Timoteo 4:6

Kay ako andam na nga ihalad ug ang panahon sa akong pagbiya miabot na.

Mga Maghuhukom 9:13

Apan ang paras miingon kanila, ‘Biyaan ba nako ang akong bino nga makalipay sa Dios ug sa mga tawo ug moadto aron sa paglubaylubay ibabaw sa mga kahoy?’