Numeros 15:4

Ang Biblia 2011

unya siya nga magdala sa iyang halad alang sa Ginoo magdala usab ug halad nga pagkaon, ikanapulo nga bahin sa epha nga pinong harina nga gisagolan ug ikaupat nga bahin sa usa ka hin nga lana

Cross References

Esdras 7:17

Busa niining salapi uban sa tibuok nga pagpaningkamot, pagpalit ug mga laking baka, mga laking karnero, mga nating karnero, uban ang mga halad nga pagkaon ug ang mga halad nga ilimnon niini ug ihalad kini sa ibabaw sa halaran sa balay sa imong Dios nga anaa sa Jerusalem.

Exodo 29:40

Ug uban sa unang nating karnero usa ka ikanapulo nga bahin sa usa ka takos nga pinong harina nga sinagolan sa ikaupat nga bahin sa usa ka hin nga lana ug ikaupat nga bahin sa usa ka hin nga bino alang sa halad nga ilimnon.

Isaias 66:20

Ug ilang dad-on ang tanan ninyo nga mga kaigsoonan gikan sa tanan nga mga nasod ingon nga usa ka halad ngadto sa Ginoo, diha sa mga kabayo ug sa mga karwahi ug sa mga inatopan nga sakyanan, ug sa mga mula, ug sa mga kamilyo, ngadto sa akong balaan nga bukid nga Jerusalem, nag-ingon ang Ginoo, sa diha nga ang mga Israelinhon maghatod sa ilang halad nga pagkaon diha sa usa ka hinlo nga sudlanan ngadto sa balay sa Ginoo.

Ezequiel 46:14

Ug siya mag-andam ug usa ka halad nga pagkaon uban niini matag buntag, ikaunom nga bahin sa usa ka epha ug, ikatulo nga bahin sa usa ka hin nga lana aron iahog sa harina ingon nga usa ka halad nga pagkaon ngadto sa Ginoo. Mao kini ang tulumanon sa magpadayon nga halad nga sunogon.

Levitico 1:13

Apan hugasan niya ug tubig ang sulod sa ginhawaan ug ang mga paa, ug ihalad sa pari ang tibuok ug sunogon kini niya ibabaw sa halaran. Kini mao ang halad nga sinunog, halad pinaagi sa kalayo, usa ka kahumot alang sa Ginoo.

Levitico 14:10

“Sa ikawalo nga adlaw magkuha siya ug duha ka nating karnero nga laki nga walay tatsa ug usa ka nating karnero nga baye nga usa ka tuig ang kagulangon nga walay tatsa ug halad nga pagkaon nga balig tulo sa napulo ka bahin sa usa ka epha nga pinong harina nga sinagolan ug lana ug usa ka log nga lana.

Levitico 2:1

“Sa dihang adunay magdala ug halad nga pagkaon alang sa Ginoo, kinahanglan nga ang iyang ihalad pinong harina, ug buboan niya kini ug lana ug butangan niya ug insenso ang ibabaw niini.

Levitico 2:15

Buboi ug lana ang ibabaw niini ug butangi kini ug insenso. Kini usa ka halad nga pagkaon.

Levitico 23:13

Ang halad nga pagkaon uban niini, nga duha sa napulo ka bahin sa usa ka epha nga pinong harina nga sinagolan ug lana, ihalad kini pinaagi sa kalayo alang sa Ginoo, usa ka kahumot. Ug ang halad nga ilimnon ikaupat nga bahin sa usa ka hin nga bino.

Levitico 3:7

Kon siya maghalad ug nating karnero ingon nga iyang halad, ihalad kini niya sa atubangan sa Ginoo.

Levitico 6:14

“Kini mao ang balaod sa halad nga pagkaon. Ang mga anak ni Aaron maghalad niini atubangan sa Ginoo diha sa atubangan sa halaran.

Malaquias 1:11

Kay gikan sa pagsubang sa adlaw bisan hangtod sa pagsalop niini, ang akong ngalan bantogan taliwala sa kanasoran ug sa matag dapit ang insenso ihalad alang sa akong ngalan, ug ang ulay nga halad, kay ang akong ngalan bantogan taliwala sa kanasoran, nag-ingon ang Ginoo sa mga panon.

Numeros 28:12

ug tulo ka ikanapulo nga bahin sa usa ka epha sa pinong harina ingon nga usa ka halad nga pagkaon nga sinagolan ug lana alang sa matag torong baka ug duha sa ikanapulo nga bahin sa pinong harina ingon nga usa ka halad nga pagkaon nga sinagolan ug lana alang sa laking karnero,

Numeros 28:4

Ang usa ka nating karnero ihalad nimo sa buntag, ug ang usa usab ka nating karnero ihalad nimo sa pagkakilomkilom.

Numeros 29:6

Kini dugang sa halad nga sunogon sa bag-ong bulan, ug sa halad nga pagkaon niini, ug sa magpadayon nga halad nga sunogon ug sa halad nga pagkaon niini ug sa mga halad nga ilimnon niini, sumala sa mga tulumanon niini, alang sa usa ka kahumot, usa ka halad pinaagi sa kalayo alang sa Ginoo.

Numeros 7:13

Ug ang iyang halad usa ka bandihado nga plata, nga ang gibug-aton 130 ka siklo, ug usa ka planggana nga plata nga ang gibug-aton 70 ka siklo, sumala sa siklo sa balaang dapit, ang duha puno sa pinong nga harina nga sinagolan ug lana alang sa halad nga pagkaon,

Roma 15:16

aron mahimo akong alagad ni Cristo Jesus ngadto sa mga Gentil diha sa pagpangalagad ingon nga pari sa Maayong Balita sa Dios aron ang halad sa mga Gentil dawaton ingon nga gibalaan sa Espiritu Santo.

Mga Hebreo 13:16

Ug ayaw ninyo kalimti ang pagbuhat ug maayo ug ang pagkamanggihatagon, kay ang maong mga halad makapahimuot sa Dios.

Mga Maghuhukom 9:9

Apan ang kahoy nga olibo miingon kanila, ‘Biyaan ba nako ang akong katambok, nga niana gitahod ang Dios ug ang tawo, ug moadto aron maglubaylubay sa ibabaw sa mga kahoy?’