Numeros 15:39

Ang Biblia 2011

Ug kini mahimo alang kaninyo nga usa ka borlas nga inyong tan-awon ug mahinumdom kamo sa tanang kasugoan sa Ginoo, aron buhaton kini ug aron nga dili kamo magtuman sa inyong kasingkasing ug sa inyong mga mata, nga maoy buot ninyong patuyangan.

Cross References

1 Mga Hari 12:33

Siya mitungas ngadto sa halaran nga iyang gihimo sa Betel sa ikanapulo ug lima nga adlaw, sa ikawalo nga bulan, sa bulan nga iyang gimugna diha sa iyang kasingkasing. Nagtakda siya ug usa ka kasaulogan alang sa katawhan sa Israel ug miadto sa halaran aron sa pagsunog ug insenso.

Job 31:7

Kon ang akong lakang mitipas sa dalan, ug ang akong kasingkasing nagsunod sa akong mga mata, ug kon may buling nga mitapot sa akong mga kamot,

Salmo 106:39

Busa nahugawan sila tungod sa ilang mga buhat, ug nagmaluibon sila pinaagi sa ilang mga buhat.

Salmo 73:27

Kay tan-awa, sila nga nagpalayo kanimo mangahanaw; gilaglag nimo silang tanan nga malimbongon kanimo.

Exodo 13:9

Kini mahimo ingon nga sama sa usa ka ilhanan diha sa inyong kamot ug usa ka pahinumdom taliwala sa inyong mga mata, aron ang balaod sa Ginoo maana sa inyong baba. Kay tungod sa kusgan nga kamot gikuha kamo sa Ginoo gikan sa Ehipto.

Mga Panultihon 28:26

Siya nga nagsalig sa iyang kaugalingong kasingkasing usa ka buangbuang, apan siya nga naglakaw sa kaalam ipalingkawas.

Mga Panultihon 3:1

Anak ko, ayaw kalimti ang akong gitudlo, apan ipatuman sa imong kasingkasing ang akong kasugoan;

Ecclesiastes 11:9

Paglipay, O batan-ong lalaki, sa imong pagkabatan-on, ug itugot nga ang imong kasingkasing magdasig kanimo sa mga adlaw sa imong pagkabatan-on. Lakaw diha sa mga pamaagi sa imong kasingkasing ug sa panan-aw sa imong mga mata. Apan hibaloi nga niining tanang mga butang, ang Dios maghukom kanimo.

Jeremias 9:14

apan mapugsanon hinuon silang misunod sa ilang kasingkasing ug nagsunod sa mga Baal, ingon sa gitudlo kanila sa ilang mga katigulangan.

Ezequiel 6:9

Unya kadtong pipila kaninyo nga makaikyas mahinumdom kanako taliwala sa mga nasod diin didto dad-on sila nga mga binihag tungod kay ako naguol pag-ayo tungod sa ilang mapatuyangon nga kasingkasing nga mibulag gikan kanako, ug sa ilang mapatuyangong mga mata nga misunod sa ilang mga diosdios. Ug sila lud-on sa ilang kaugalingon diha sa ilang atubangan tungod sa kadaotan nga ilang nahimo, tungod sa tanan nilang mga dulumtanan.

Oseas 2:2

“Hangyoa ang inyong inahan, hangyoa, kay siya dili akong asawa, ug ako dili iyang bana, aron biyaan niya ang iyang mga pagkamakihilawason gikan sa iyang nawong, ug ang iyang mga pagpanapaw gikan sa taliwala sa iyang dughan,

Deuteronomio 29:19

ang tawo nga sa dihang makadungog siya sa mga pulong niini nga tunglo, nagpanalangin sa iyang kaugalingon sulod sa iyang kasingkasing nga nag-ingon, ‘Makabaton ako ug pakigdait, bisan pa ug naglakaw ako sa kagahi sa akong kasingkasing.’ Naghatod kini ngadto sa katalagman sa umog ug sa uga.

Deuteronomio 4:23

Pagmatngon kamo sa inyong kaugalingon kay tingali unya ug malimot kamo sa kasabotan sa Ginoo nga inyong Dios nga gibuhat niya uban kaninyo ug magbuhat kamo ug kinulit nga larawan sa dagway sa bisan unsa nga gidili kaninyo sa Ginoo nga inyong Dios.

Deuteronomio 6:12

pagbantay kamo kay tingali unya ug makalimot kamo sa Ginoo nga nagpagula kaninyo gikan sa yuta sa Ehipto, gikan sa balay sa kaulipnan.

Deuteronomio 8:11

“Pagmatngon kamo kay tingali unya ug malimot kamo sa Ginoo nga inyong Dios pinaagi sa dili pagtuman sa iyang mga sugo ug sa iyang mga tulumanon ug sa iyang mga lagda nga akong gisugo kaninyo niining adlawa.

Deuteronomio 8:14

unya ang inyong kasingkasing magmapahitas-on ug malimot kamo sa Ginoo nga inyong Dios nga nagkuha kaninyo gikan sa yuta sa Ehipto, gikan sa balay sa kaulipnan,

Santiago 4:4

Mga mananapaw! Wala ba kamo masayod nga ang pagpakighigala sa kalibotan pagpakigbatok sa Dios? Busa si bisan kinsa nga buot makighigala sa kalibotan naghimo sa iyang kaugalingon nga kaaway sa Dios.