Numeros 15:31

Ang Biblia 2011

Tungod kay iyang gitamay ang pulong sa Ginoo ug gilapas ang iyang sugo, ang maong tawo ipahimulag gayod, ang iyang kadaotan anha sa ibabaw niya.”

Cross References

2 Samuel 12:9

Nganong gitamay man nimo ang pulong sa Ginoo, sa pagbuhat ug daotan sa iyang panan-aw? Imong gipatay si Uria nga Hitihanon pinaagi sa espada ug mikuha sa iyang asawa aron mahimong imong asawa, ug gipatay nimo siya pinaagi sa espada sa mga Amonihanon.

Salmo 107:11

kay sila misukwahi sa mga pulong sa Dios, mitamay sa tambag sa Labing Halangdon.

Salmo 119:126

Karon mao na ang panahon nga ang Ginoo molihok, kay gilapas nila ang imong Balaod.

Salmo 38:4

Kay ang akong kasal-anan milapaw sa akong ulo; sama sa bug-at nga palas-anon, hilabihan ra kini kabug-at alang kanako.

Exodo 30:33

Si bisan kinsa nga magsagol ug sama niini ug magbutang niini sa usa ka langyaw, ipahimulag siya gikan sa iyang katawhan.’ ”

Mga Panultihon 13:13

Siya nga magtamay sa pulong magdala ug kadaot sa iyang kaugalingon, apan kadtong mahadlok sa kasugoan gantihan.

Isaias 30:12

Busa mao kini ang giingon sa Balaan sa Israel, “Tungod kay inyong gitamay kining pulonga, ug nagsalig sa pagpanglupig ug pagpanglimbong, ug naglaom niini;

Isaias 53:6

Kitang tanan sama sa mga karnero nga nangasaag; ang matag usa kanato misimang ngadto sa iyang kaugalingon nga dalan; ug gibutang sa Ginoo diha kaniya ang kasal-anan natong tanan.

Ezequiel 18:20

Ang tawo nga makasala mamatay. Ang anak dili magpas-an sa kasal-anan sa amahan, o ang amahan magpas-an sa kasal-anan sa anak. Ang pagkamatarong sa matarong iya lamang, ug ang pagkadaotan sa daotan iya lamang.

Levitico 26:15

ug kon isalikway ninyo ang akong mga lagda, ug ang inyong kalag magtamay sa akong mga tulumanon, sa pagkaagi nga dili ninyo buhaton ang tanan nakong sugo, kondili maglapas kamo sa akong kasabotan,

Levitico 26:43

Apan ang yuta mabiyaan nila ug mapahimuslan ang iyang mga tuig nga igpapahulay samtang kini magpabilin nga biniyaan nga wala sila ug magbayad sila tungod sa ilang kasal-anan kay ilang gisalikway ang akong mga tulumanon ug ang ilang kalag nagdumot sa akong mga lagda.

Levitico 5:1

“Kon adunay tawo nga makasala ingon nga siya nakadungog man ug tawag sa pagsaksi, ug nga bisan tuod siya saksi, kay nakakita man siya o nahibalo apan siya dili mosulti, siya magpas-an sa iyang sala.

Numeros 9:13

Apan ang tawo nga hinlo ug wala mopanaw sa layo, kon magdumili siya sa pagsaulog sa Pagsaylo, ang maong tawo ipahimulag gikan sa iyang katawhan tungod kay wala siya maghalad sa iyang halad alang sa Ginoo sa gitakdang panahon niini; ang maong tawo magpas-an sa iyang sala.

Deuteronomio 17:12

Ug ang tawo nga masinupakon ug dili motuman sa pari nga nagtindog sa pag-alagad diha sa atubangan sa Ginoo nga inyong Dios o sa maghuhukom, ang maong tawo kinahanglang mamatay. Busa puoha ninyo ang daotan gikan sa Israel.

1 Mga Taga-Tesalonica 4:8

Busa bisan kinsa nga mosalikway niini, wala magsalikway sa tawo kondili sa Dios nga naghatag usab sa iyang Espiritu Santo nganha kaninyo.

1 Pedro 2:24

Siya gayod mao ang midala sa atong mga sala diha sa iyang lawas ngadto sa kahoy, aron kita mamatay ngadto sa sala ug mabuhi ngadto sa pagkamatarong. Pinaagi sa iyang mga samad kamo nangaayo.

2 Pedro 2:21

Kay maayo pa lamang unta hinuon alang kanila nga wala gayod sila mahibalo sa dalan sa pagkamatarong nga human sila mahibalo niini, motalikod lang gikan sa balaang kasugoan nga gitugyan kanila.

1 Samuel 3:14

Busa ako nanumpa ngadto sa panimalay ni Eli nga ang ilang sala dili mabayran pinaagi sa inihaw o sa halad hangtod sa kahangtoran.”