Numeros 15:3

Ang Biblia 2011

ug maghimo kamo ug halad pinaagi sa kalayo alang sa Ginoo, usa ka halad nga inihaw nga sunogon o usa ka halad aron sa pagtuman sa usa ka panaad o ingon sa usa ka halad nga kinabubut-on o sa inyong gitakdang mga kasaulogan aron sa paghimo sa usa ka kahumot alang sa Ginoo gikan sa mga baka o gikan sa mga karnero,

Cross References

Genesis 8:21

Sa diha nga ang Ginoo nakapanimaho sa kahumot, ang Ginoo miingon diha sa iyang kasingkasing, “Dili na nako tunglohon pag-usab ang yuta tungod sa tawo, kay ang tuyo sa kasingkasing sa tawo daotan sukad sa iyang pagkabata, ug dili na nako laglagon pag-usab ang tanang butang nga buhi sama sa akong gihimo.

Esdras 7:17

Busa niining salapi uban sa tibuok nga pagpaningkamot, pagpalit ug mga laking baka, mga laking karnero, mga nating karnero, uban ang mga halad nga pagkaon ug ang mga halad nga ilimnon niini ug ihalad kini sa ibabaw sa halaran sa balay sa imong Dios nga anaa sa Jerusalem.

Salmo 54:6

Uban sa usa ka kinabubut-on nga halad, maghalad ako kanimo; magpasalamat ako sa imong ngalan, O Ginoo, kay kini maayo.

Exodo 29:18

Ug sunoga ang tibuok nga laking karnero ibabaw sa halaran. Mao kini ang halad nga sunogon alang sa Ginoo. Kini maoy usa ka kahumot, ang halad ngadto sa Ginoo pinaagi sa kalayo.

Exodo 29:25

Unya kuhaa kini gikan sa ilang mga kamot ug daobi sa halaran dugang sa halad nga gisunog, ingon nga usa ka kahumot sa atubangan sa Ginoo. Kini usa ka halad pinaagi sa kalayo alang sa Ginoo.

Exodo 29:41

Ug ang lain nga nating karnero ihalad nimo sa pagkagabii ug ihalad kini uban sa halad nga pagkaon ug sa halad nga ilimnon, sama sa pagkabuntag, alang sa usa ka kahumot. Kini usa ka halad pinaagi sa kalayo alang sa Ginoo.

Levitico 10:13

Kaona ninyo kini diha sa dapit nga balaan kay kini mao ang imong bahin ug ang bahin sa imong mga anak nga lalaki gikan sa mga halad pinaagi sa kalayo alang sa Ginoo, kay kini gisugo kanako.

Levitico 27:2

“Sultihi ang katawhan sa Israel: Sa diha nga ang usa ka tawo maghimo ug pinasahi nga panaad nga tawo ngadto sa Ginoo, sumala sa imong paghatag ug bili,

Levitico 7:16

Apan kon ang iyang inihaw nga halad usa ka sinaad o halad nga kinabubut-on, kini kaonon niya sa adlaw sa iyang paghalad ug ang mahibilin kaonon niya sa adlaw nga mosunod.

Numeros 28:27

Apan maghalad kamo ug usa ka halad nga sunogon, usa ka kahumot alang sa Ginoo: duha ka nating baka nga laki, usa ka laking karnero, pito ka nating karnero nga laki nga tagsa ka tuig ang kagulangon,

Numeros 29:8

Apan maghalad kamo ug usa ka halad nga sunogon ngadto sa Ginoo, usa ka kahumot: usa ka nating baka nga laki, usa ka laking karnero, ug pito ka nating karnero nga laki nga tagsa ka tuig ang kagulangon, kinahanglan kini walay tatsa alang kaninyo,

Numeros 6:15

ug usa ka bukag nga pan nga walay patubo, torta nga gikan sa pinong harina nga sinagolan ug lana ug mga pan nga nipis nga dinihogan ug lana ug ang halad nga pagkaon niini, ug ang ilang mga halad nga ilimnon.

Mateo 3:17

Ug dihay usa ka tingog gikan sa langit nga nag-ingon, “Kini mao ang akong Anak nga pinalangga, kaniya nalipay ako pag-ayo.”

2 Mga Taga-Corinto 2:15

Kita ang kahumot ni Cristo ngadto sa Dios diha kanila nga mga nangaluwas ug kanila nga mga nangalaglag,

2 Mga Taga-Corinto 2:16

ngadto sa usa ang kahumot gikan sa kamatayon ngadto sa kamatayon, ug ngadto sa usa ang kahumot gikan sa kinabuhi ngadto sa kinabuhi. Kinsa man ang takos niining mga butanga?

Mga Taga-Efeso 5:2

Ug pagkinabuhi kamo diha sa gugma ingon nga si Cristo nahigugma kanato ug alang kanato, mitugyan sa iyang kaugalingon ingon nga humot nga halad ug halad nga inihaw ngadto sa Dios.

Deuteronomio 12:11

unya ngadto sa dapit nga pilion sa Ginoo nga inyong Dios aron sa pagpapuyo sa iyang ngalan didto, dad-a ninyo didto ang tanan nga gisugo nako kaninyo, ang inyong mga halad nga sunogon ug ang inyong mga halad nga inihaw, ang inyong mga ikapulo ug ang mga halad nga binayaw sa inyong mga kamot ug ang tanan ninyong mga halad nga gisaad, nga inyong gisaad sa Ginoo.

Deuteronomio 12:17

Ayaw ninyo kaona sulod sa inyong mga lungsod ang ikapulo sa inyong trigo, o sa inyong bino, o sa inyong lana o sa mga kamagulangan sa inyong mga baka o sa inyong mga karnero o bisan unsa sa inyong mga halad nga gisaad nga inyong gisaad o sa inyong halad nga kinabubut-on o sa halad nga binayaw sa inyong kamot.

Deuteronomio 12:6

Didto mangadto kamo, ug didto dad-on ninyo ang inyong mga halad nga sunogon, ug ang inyong mga halad nga inihaw, ug ang inyong mga ikapulo ug ang halad nga binayaw sa inyong mga kamot ug ang inyong mga halad nga gisaad ug ang inyong mga halad nga kinabubut-on ug ang mga kamagulangan sa inyong mga baka ug sa inyong mga karnero.

Mga Taga-Filipos 4:18

Apan ania na kanako ang tanang butang ug naghingapin pa gani. Nasangkapan na ako kay akong nadawat gikan kang Epafrodito ang mga butang gikan kaninyo, humot nga halad, usa ka halad nga inihaw nga hinangponon ug makapahimuot sa Dios.