Numeros 15:24

Ang Biblia 2011

kon kini nabuhat nga wala tuyoa ug wala mahibaloi sa katilingban, ang tibuok nga katilingban maghalad ug usa ka nating baka nga laki ingon nga halad nga sunogon, usa ka kahumot alang sa Ginoo, uban ang halad nga pagkaon ug ang halad nga ilimnon niini, sumala sa tulumanon, ug usa ka kanding nga laki alang sa halad tungod sa sala.

Cross References

Esdras 6:17

Sa ilang pagpahinungod niining balay sa Dios, naghalad sila ug usa ka gatos ka laking baka, duha ka gatos ka laking karnero, upat ka gatos ka nating karnero, ug ingon nga halad alang sa sala sa tibuok Israel, napulo ug duha ka laking kanding sumala sa gidaghanon sa mga banay sa Israel.

Esdras 8:35

Niadtong panahona, kadtong miabot gikan sa pagkabihag, ang mga nahiuli nga mga binihag mihalad ug mga halad nga sunogon ngadto sa Dios sa Israel, 12 ka torong baka alang sa tibuok Israel, 96 ka laking karnero, 77 ka nating karnero, 12 ka laking kanding alang sa usa ka halad tungod sa sala, kining tanan usa ka halad nga sunogon alang sa Ginoo.

Levitico 23:19

Paghalad kamo ug usa ka laking kanding ingon nga halad tungod sa sala ug duha ka nating karnero nga laki nga tagsa ka tuig ang kagulangon ingon nga halad sa pakigdait.

Levitico 4:2

“Sultihi ang katawhan sa Israel: Kon ang usa ka tawo makasala nga wala tuyoa sa bisan unsa sa mga sugo sa Ginoo mahitungod sa mga butang nga dili angay nga buhaton, ug makabuhat sa usa niini—

Levitico 4:22

“Kon ang usa ka pangulo makasala ug nabuhat niya nga wala tuyoa ang bisan usa sa tanang mga butang nga gisugo sa Ginoo nga iyang Dios nga dili buhaton, ug sad-an siya,

Levitico 4:23

kon ang sala nga iyang nabuhat gipahibalo na kaniya, magdala siya ug usa ka laking kanding nga walay tatsa ingon nga iyang halad.

Levitico 5:15

“Kon adunay tawo nga makalapas ug makasala nga wala tuyoa sa mga butang nga gibalaan alang sa Ginoo, kinahanglan nga magdala siya ingon nga iyang halad sa paglapas ngadto sa Ginoo, usa ka laking karnero nga walay tatsa gikan sa panon nga gibilihan ug tinimbang nga plata sumala sa siklo sa balaang dapit. Kini usa ka halad tungod sa paglapas.

Levitico 5:18

Magdala siya ngadto sa pari ug usa ka laking karnero nga walay tatsa gikan sa panon nga gibilihan ingon nga halad tungod sa paglapas, ug ang pari maghimo sa pagtabon sa sala alang kaniya tungod sa sayop nga iyang nabuhat nga wala tuyoa, ug siya pasayloon.

Numeros 15:23

sa tanang mga butang nga gisugo kaninyo sa Ginoo pinaagi kang Moises, sukad pa sa adlaw nga ang Ginoo nagsugo ug hangtod sa tanan ninyong mga kaliwatan,

Numeros 15:26

Unya ang tibuok nga katilingban sa katawhan sa Israel pasayloon lakip ang mga langyaw nga nagpuyo sa taliwala nila, kay ang tibuok nga katawhan may kalabotan niini nga sayop.

Numeros 28:15

Ug usab usa ka laking kanding ingon nga usa ka halad tungod sa sala ngadto sa Ginoo; kini ihalad dugang sa magpadayon nga halad nga sunogon ug sa halad nga ilimnon niini.