Numeros 15:20

Ang Biblia 2011

Sa una ninyong minasa, maghalad kamo ug usa ka pan ingon nga usa ka halad, ingon nga halad gikan sa giukanan, mao kini ang inyong ihalad.

Cross References

Nehemias 10:37

Ug kami magdala sa una sa among minasa ug sa among mga amot, sa bunga sa matag kahoy, sa bino ug sa lana, ngadto sa mga pari, ngadto sa mga lawak sa balay sa among Dios ug dad-on ang mga ikapulo sa among yuta ngadto sa mga Levihanon kay ang mga Levihanon maoy maningil sa mga ikapulo diha sa tanang kalungsoran.

Exodo 23:19

“Ang una sa mga unang abot sa inyong yuta kinahanglang dad-on ngadto sa balay sa Ginoo nga inyong Dios. “Ayaw pabukali ang nating kanding diha sa gatas sa inahan niini.

Exodo 34:26

Ang labing maayo sa mga unang abot sa inyong uma dad-on ninyo sa balay sa Ginoo nga inyong Dios. Ayaw pabukali ang nating kanding diha sa gatas sa inahan niini.”

Ezequiel 44:30

Ug ang una sa tanang mga unang bunga sa bisan unsa matang, ug ang matag halad sa tanang matang, gikan sa tanan ninyong mga halad, maangkon sa mga pari. Ihatag usab ninyo sa mga pari ang una sa inyong minasa, aron ang panalangin magpabilin diha sa inyong balay.

Levitico 2:12

Ingon nga halad sa unang mga abot dad-a ninyo kini ngadto sa Ginoo, apan dili kini ihalad ibabaw sa halaran ingon nga usa ka kahumot.

Levitico 2:14

“Kon maghalad ikaw ug halad nga pagkaon alang sa Ginoo gikan sa unang mga abot, ihalad nimo ingon nga halad nga pagkaon gikan sa imong mga unang abot ang mga dinugmok nga bag-ong lugas gikan sa mga bag-ong ani nga uhay nga gisangag sa kalayo.

Levitico 23:10

“Sultihi ang katawhan sa Israel: Sa dihang mosulod na kamo sa yuta nga akong ihatag kaninyo ug mag-ani kamo sa abot niini, dad-a ninyo ngadto sa pari ang usa ka bangan sa unang mga bunga sa inyong pag-ani.

Levitico 23:20

Ang pari magbayaw niini ingon nga halad nga binayaw sa atubangan sa Ginoo uban ang pan gikan sa unang abot ug ang duha ka nating karnero, kini balaan ngadto sa Ginoo alang sa pari.

Numeros 15:21

Sa una ninyong mga minasa ihatag ninyo kini ngadto sa Ginoo ingon nga usa ka halad hangtod sa tanan ninyong kaliwatan.

Numeros 18:12

Ang tanan sa labing maayo nga lana ug ang tanan nga labing maayo gikan sa bino ug ang gikan sa trigo, ang unang abot niadtong ilang gihatag sa Ginoo, akong gihatag kanimo.

Mateo 6:33

Apan maoy unaha ninyo pagpangita ang gingharian sa Dios ug ang iyang pagkamatarong ug kining tanan idugang kaninyo.

Roma 11:16

Kon nabalaan man ang gihalad nga tipik sa unang bunga nga minasa, mao usab ang tibuok minasa, ug kon nabalaan man ang gamot, mao usab ang mga sanga.

1 Mga Taga-Corinto 15:20

Apan ang tinuod mao nga si Cristo nabanhaw gikan sa mga patay, ang unang bunga gikan sa mga nangamatay.

Deuteronomio 14:22

“Kinahanglan nga maggahin kamo sa ikapulo sa tanang abot sa inyong tanom nga naggikan sa uma matag tuig.

Deuteronomio 14:23

Ug sa atubangan sa Ginoo nga inyong Dios, sa dapit nga iyang pilion aron papuy-on didto ang iyang ngalan, kaona ninyo ang ikapulo sa inyong abot, sa inyong bino ug sa inyong lana ug ang mga kamagulangan sa inyong mga baka ug sa inyong mga karnero, aron makakat-on kamo sa pagkahadlok kanunay sa Ginoo nga inyong Dios.

Deuteronomio 16:13

“Ug himoa ang Kasaulogan sa mga Balongbalong sulod sa pito ka adlaw, sa dihang matigom na ninyo ang mga ani gikan sa inyong giokanan ug sa inyong pug-anan sa ubas.

Santiago 1:18

Sa iyang kaugalingong kabubut-on kita iyang gipahimugso pinaagi sa pulong sa kamatuoran aron kita mahimong sama sa mga unang bunga sa iyang mga binuhat.

Gipadayag 14:4

Mao kini sila ang wala mahugaw tungod sa mga babaye, kay putli man sila; mao kini sila ang mga nagsunod sa Nating Karnero bisan asa siya moadto. Kini sila gilukat gikan sa katawhan ingon nga unang mga bunga alang sa Dios ug alang sa Nating Karnero