Numeros 15:15

Ang Biblia 2011

Alang sa katilingban, adunay usa lamang ka lagda alang kaninyo ug alang sa langyaw nga nagpuyo uban kaninyo, usa ka lagda nga walay kataposan ngadto sa inyong mga kaliwatan; sama kaninyo, mao usab ang usa ka langyaw sa atubangan sa Ginoo.

Cross References

Ester 9:27

ang mga Judio naggahin, ug ilang gisaad alang sa ilang kaugalingon ug sa ilang mga kaliwatan ug sa tanan nga mitipon kanila, aron nga sa walay pagpakyas magtuman sila niining duha ka adlaw sumala sa nasulat niini ug sa panahon nga gitakda matag tuig,

Exodo 12:14

“Kining adlawa mahimong usa ka handomanan alang kaninyo, ug himoon ninyo kini ingon nga kasaulogan alang sa Ginoo. Sa tanan ninyong kaliwatan saulogon ninyo kini ingon nga tulumanon hangtod sa kahangtoran.

Exodo 12:24

Tumanon ninyo kini nga pahimangno ingon nga usa ka tulumanon alang kaninyo ug sa inyong mga kaliwat hangtod sa kahangtoran.

Exodo 12:43

Unya ang Ginoo miingon kang Moises ug kang Aaron, “Kini mao ang tulumanon sa Kasaulogan sa Pagsaylo. Kinahanglan nga walay langyaw nga mokaon niini.

Exodo 12:49

Usa lamang ang balaod alang sa lumad ug alang sa langyaw nga mopuyo diha kaninyo.”

Exodo 28:43

Ug ipasul-ob kini kang Aaron ug sa iyang mga anak nga lalaki sa dihang mosulod sila sa tolda nga tagboanan o sa diha nga moduol sila sa halaran aron sa pag-alagad diha sa dapit nga balaan aron dili sila magdala ug sala sa ilang kaugalingon, ug mangamatay. Kini mahimong walay kataposan nga tulumanon alang kaniya ug sa iyang kaliwatan sunod kaniya.

Levitico 24:22

Usa lamang ka balaod alang sa dumuduong ug alang sa lumad, kay ako mao ang Ginoo nga inyong Dios.”

Numeros 10:8

Ug ang mga anak ni Aaron, ang mga pari, maoy magpatingog sa mga trumpeta ug kini lagda nga walay kataposan alang sa inyong mga kaliwatan.

Numeros 15:14

Ug kon magpuyo uban kanimo ang usa ka langyaw o si bisan kinsa uban kaninyo ngadto sa inyong mga kaliwatan ug maghalad siya ug usa ka halad pinaagi sa kalayo ingon nga usa ka kahumot ngadto sa Ginoo, sama sa inyong buhaton, mao usab ang iyang buhaton.

Numeros 15:29

Kamo adunay usa lamang ka balaod alang kaniya nga nakabuhat ug bisan unsang kasaypanan nga wala tuyoa, alang sa lumad diha sa katawhan sa Israel ug alang sa langyaw nga nagpuyo uban kanila.

Numeros 18:8

Unya ang Ginoo miingon kang Aaron, “Ug tan-awa, akong gitugyan kanimo ang unsay mahibilin sa mga halad nga gihimo alang kanako, ang tanang mga butang nga gibalaan sa katawhan sa Israel, gihatag nako kini kanimo ingon nga imong bahin ug ngadto sa imong mga anak ingon nga bahin hangtod sa kahangtoran.

Numeros 9:14

Ug kon magpuyo sa taliwala ninyo ang usa ka langyaw ug magsaulog sa Pagsaylo alang sa Ginoo, buhaton niya kini sumala sa lagda sa Kasaulogan sa Pagsaylo ug sumala sa mga tulumanon niini. Usa lamang ang inyong lagda, alang sa langyaw ug alang sa lumad.”

Mga Taga-Galacia 3:28

Walay Judio o Grego, walay ulipon o gawasnon, walay lalaki o babaye, kay kamong tanan usa ra diha kang Cristo Jesus.

Mga Taga-Colosas 3:11

Diha niini walay Grego o Judio, tinuli o dili tinuli, barbaro, Skityanhon, ulipon o gawasnon, kondili si Cristo mao ang tanan ug anaa sa tanan.

Josue 8:33

Ug ang tibuok nga Israel, langyaw ug ingon sa mga lumad, uban sa ilang mga kadagkoan, sa ilang mga pangulo ug sa ilang mga maghuhukom, nanindog sa matag kilid sa sudlanan, sa atubangan sa mga pari nga mga Levihanon nga nagyayong sa sudlanan sa kasabotan sa Ginoo. Ang katunga nila sa atbang sa bukid sa Gerisim ug ang katunga sa atbang sa bukid sa Ebal sumala sa gisugo kaniadto ni Moises nga alagad sa Ginoo, nga kinahanglan ilang panalanginan ang katawhan sa Israel.

1 Samuel 30:25

Ug mao nga sukad niadtong adlawa, gihimo niya kini nga usa ka lagda ug usa ka tulumanon alang sa Israel hangtod karon.