Numeros 14:8

Ang Biblia 2011

Kon ang Ginoo nahimuot kanato, pasudlon gayod kita niya sa maong yuta ug kini ihatag niya kanato, usa ka yuta diin nag-agas ang gatas ug dugos.

Cross References

2 Samuel 22:20

Iya akong gidala ngadto sa usa ka lapad nga dapit; siya nagluwas kanako tungod kay nahimuot siya kanako.

1 Mga Hari 10:9

Bulahan ang Ginoo nga imong Dios, nga nalipay diha kanimo, sa pagbutang kanimo diha sa trono sa Israel, tungod kay gihigugma sa Ginoo ang Israel hangtod sa kahangtoran, gihimo niya ikaw nga hari aron ipahamtang nimo ang hustisya ug pagkamatarong.”

2 Mga Hari 18:32

hangtod nga ako moanhi ug magdala kaninyo ngadto sa usa ka yuta nga sama sa inyong kaugalingong yuta, usa ka yuta sa trigo ug sa bino, usa ka yuta sa pan ug mga kaparasan, usa ka yuta sa mga kahoy nga olibo ug dugos, aron kamo mangabuhi ug dili mangamatay. Ug ayaw kamo pagpamati kang Hesekias kon siya maglukmay kaninyo nga mag-ingon, Ang Ginoo magluwas kanato.

Salmo 22:8

“Itugyan ang imong kaugalingon sa Ginoo; ipaluwas siya niya; ipaluwas siya kaniya kay gikahimut-an man niya siya!”

Exodo 3:8

Busa nanaog ako sa pagluwas kanila gikan sa kamot sa mga Ehiptohanon, ug sa pagkuha kanila gikan niadtong yutaa ngadto sa usa ka maayo ug lapad nga yuta, sa yuta diin nag-agas ang gatas ug dugos, sa mga dapit sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Isaias 62:4

Dili na gayod ikaw tawgon nga Biniyaan, o ang imong yuta tawgon pa nga Kamingawan. Apan ikaw tawgon nga Ang Akong Kalipay Anaa Kaniya, ug ang imong yuta tawgon nga Minyo; kay ang Ginoo nahimuot kanimo, ug ang imong yuta maminyo.

Jeremias 32:41

Maglipay ako diha sa pagbuhat ug kaayohan kanila ug itanom nako sila niining yutaa diha sa pagkamatinumanon uban ang tibuok nakong kasingkasing ug ang tibuok nakong kalag.

Sofonias 3:17

Ang Ginoo, ang imong Dios, anaa sa imong taliwala, usa ka manggugubat nga maghatag ug kadaogan; siya magmaya tungod kanimo uban ang kalipay, siya magbag-o kanimo diha sa iyang gugma; siya magmalipayon tungod kanimo uban ang pag-awit,

Numeros 13:27

Ug gisuginlan nila siya, “Miabot kami sa yuta nga imong gipaadtoan kanamo, ang gatas ug dugos nag-agas diha niini ug kini mao ang bunga niini.

Numeros 16:14

Dugang pa niini, ikaw wala magdala kanamo ngadto sa yuta diin nag-agas ang gatas ug dugos o maghatag kanamo ug panulondon nga kaumahan ug kaparasan. Palugwaon ba nimo ang mga mata niining mga tawhana? Dili kami mangadto.”

Roma 8:31

Busa unsa may atong isulti mahitungod niini? Kon ang Dios dapig kanato, kinsa man ang mobatok kanato?

Deuteronomio 10:15

Apan ang Ginoo nahimuot sa imong katigulangan sa paghigugma kanila ug nagpili sa ilang kaliwatan gikan kanila, kaninyo gikan sa taliwala sa tanang mga katawhan, sama niining adlawa.

Josue 14:12

Busa karon, ihatag kanako kining kabungtoran nga gihisgotan sa Ginoo niadtong adlawa kay imong nadungog niadtong adlawa nga didto ang mga Anakihanon uban ang ilang mga dagkong siyudad nga kinutaan. Basin ug ang Ginoo mag-uban kanako ug papahawaon nako sila sumala sa gisulti sa Ginoo.”