Numeros 14:43

Ang Biblia 2011

Kay ang mga Amalekanhon ug ang mga Canaanhon anaa sa atubangan ninyo ug mangapukan kamo sa espada tungod kay mitalikod kamo gikan sa pagsunod sa Ginoo, busa ang Ginoo dili mag-uban kaninyo.”

Cross References

1 Cronicas 28:9

“Ug ikaw, Solomon nga akong anak, ilha ang Dios sa imong amahan ug alagari siya uban ang tibuok nimong kasingkasing ug uban sa usa ka masinugtanon nga kasingkasing, kay ang Ginoo nagsusi sa tanang mga kasingkasing, ug nakasabot sa tanang mga laraw ug mga hunahuna. Kon imo siyang pangitaon, imo siyang makit-an, apan kon imo siyang biyaan, isalikway ikaw niya hangtod sa kahangtoran.

2 Cronicas 15:2

Siya migula aron sa pagsugat kang Asa ug miingon kaniya, “Pamatia ako, Asa, ug tibuok nga Juda ug Benjamin: Ang Ginoo nag-uban kaninyo, samtang kamo uban pa kaniya. Kon pangitaon ninyo siya, inyo siyang makit-an, apan kon isalikway ninyo siya, iya kamong isalikway.

Salmo 44:10

Gipasibog nimo kami gikan sa among kaaway, ug ang among mga kaaway manguha sa among mga butang.

Isaias 63:10

Apan sila misupil, ug nagpaguol sa iyang balaan nga Espiritu; busa siya nahimo nga ilang kaaway, ug siya gayod mao ang nakig-away batok kanila.

Oseas 9:12

Bisan ug sila nag-atiman ug mga bata, kuhaan nako sila hangtod nga walay mahibilin. Alaot sila sa diha nga ako mobiya kanila!

Levitico 26:17

Ipaatubang nako ang akong nawong batok kaninyo ug pukanon kamo sa inyong mga kaaway ug ang mga nagdumot kaninyo magmando ibabaw kaninyo ug mangagiw kamo bisan walay maggukod kaninyo.

Numeros 13:29

Ang mga Amalekanhon nagpuyo sa yuta sa Negeb, ug ang mga Hitihanon ug ang mga Jebusihanon ug ang mga Amorihanon nagpuyo diha sa kabungtoran, ug ang mga Canaanhon nagpuyo duol sa dagat ug sa daplin sa Jordan.”

Numeros 14:25

Karon, ang mga Amalekanhon ug ang mga Canaanhon nagpuyo diha sa mga walog, ugma balik kamo ug adto sa kamingawan agi sa dalan padulong sa Dagat nga Pula.”

Numeros 14:42

Ayaw kamo pagtungas, kay ang Ginoo dili mag-uban kaninyo, aron dili kamo patyon sa atubangan sa inyong mga kaaway.

Numeros 14:44

Apan sila mipadayon sa pagtungas ngadto sa kinatumyan sa kabukiran bisan ug ang sudlanan sa kasabotan sa Ginoo ug si Moises wala mobiya gikan sa kampo.

Deuteronomio 28:25

“Ipabuntog kamo sa Ginoo sa atubangan sa inyong mga kaaway. Manggula kamo batok kanila sa usa ka dalan ug gikan kanila mangagiw kamo sa pito ka dalan ug mahimo kamong kahadlokan sa tanang mga gingharian sa yuta.

Josue 22:15

Sila miabot ngadto sa mga Rubenhanon, sa mga Gadhaon ug sa katunga sa banay ni Manases didto sa yuta sa Gilead, ug sila miingon kanila,

Josue 7:12

Busa ang katawhan sa Israel dili makabarog sa atubangan sa ilang mga kaaway. Managan sila gikan sa ilang mga kaaway tungod kay sila nagahimo man nga laglagonon. Dili na ako mag-uban kaninyo gawas kon laglagon ninyo ang mga butang nga ginahin gikan sa inyong taliwala.

Mga Maghuhukom 16:20

Ug si Delaila miingon, “Samson, ang mga Filistihanon anaa na padulong kanimo.” Ug siya nakamata gikan sa iyang pagkatulog ug miingon, “Ako mogula sama sa unang panahon ug magluwas sa akong kaugalingon.” Apan siya wala mahibalo nga ang Ginoo mibiya kaniya.