Numeros 14:42

Ang Biblia 2011

Ayaw kamo pagtungas, kay ang Ginoo dili mag-uban kaninyo, aron dili kamo patyon sa atubangan sa inyong mga kaaway.

Cross References

2 Cronicas 15:2

Siya migula aron sa pagsugat kang Asa ug miingon kaniya, “Pamatia ako, Asa, ug tibuok nga Juda ug Benjamin: Ang Ginoo nag-uban kaninyo, samtang kamo uban pa kaniya. Kon pangitaon ninyo siya, inyo siyang makit-an, apan kon isalikway ninyo siya, iya kamong isalikway.

Salmo 89:43

Oo, gipasumbalik nimo ang sulab sa iyang espada, ug wala nimo siya patindoga sa gubat.

Numeros 14:43

Kay ang mga Amalekanhon ug ang mga Canaanhon anaa sa atubangan ninyo ug mangapukan kamo sa espada tungod kay mitalikod kamo gikan sa pagsunod sa Ginoo, busa ang Ginoo dili mag-uban kaninyo.”

Deuteronomio 1:42

Ug ang Ginoo miingon kanako, ‘Ingna sila: Ayaw kamo pagtungas o pakig-away kay wala ako sa inyong taliwala, kay tingali unya ug mabuntog kamo sa atubangan sa inyong mga kaaway.’

Deuteronomio 31:17

Unya ang akong kapungot mosilaob batok kanila nianang adlawa ug ako mobiya kanila, ug tagoon nako ang akong nawong gikan kanila ug mangalaglag sila. Ug daghang kadaotan ug mga kagul-anan ang moabot kanila nga tungod niana moingon sila nianang adlawa, ‘Dili ba nga miabot kanato kining kadaotan tungod kay ang atong Dios wala mag-uban kanato?’

Josue 7:12

Busa ang katawhan sa Israel dili makabarog sa atubangan sa ilang mga kaaway. Managan sila gikan sa ilang mga kaaway tungod kay sila nagahimo man nga laglagonon. Dili na ako mag-uban kaninyo gawas kon laglagon ninyo ang mga butang nga ginahin gikan sa inyong taliwala.

Josue 7:8

O Ginoo, unsa may akong ikasulti, karon nga ang Israel mitalikod sa iyang kaaway!

Mga Maghuhukom 16:20

Ug si Delaila miingon, “Samson, ang mga Filistihanon anaa na padulong kanimo.” Ug siya nakamata gikan sa iyang pagkatulog ug miingon, “Ako mogula sama sa unang panahon ug magluwas sa akong kaugalingon.” Apan siya wala mahibalo nga ang Ginoo mibiya kaniya.