Numeros 14:34

Ang Biblia 2011

Sumala sa gidaghanon sa mga adlaw sa inyong pagpaniid sa yuta: 40 ka adlaw, usa ka adlaw tumbas sa usa ka tuig, kamo magpas-an sa inyong pagkadaotan sulod sa 40 ka tuig, ug mailhan ninyo ang akong kapungot.’

Cross References

1 Mga Hari 8:56

“Dalaygon ang Ginoo nga naghatag ug pahulay sa iyang katawhan nga Israel, sumala sa tanan niyang gisaad. Walay nakawang nga usa ka pulong sa tanan niyang maayong saad, nga iyang gisulti pinaagi kang Moises nga iyang sulugoon.

2 Cronicas 36:21

aron sa pagtuman sa pulong sa Ginoo pinaagi sa baba ni Jeremias, hangtod nga ang yuta makapahimulos sa iyang mga adlaw nga igpapahulay. Sa tanang mga adlaw nga kini magpabilin nga biniyaan, kini nagtuman sa adlaw nga igpapahulay, sa pagtuman sa 70 ka tuig.

Salmo 105:42

Kay nahinumdom siya sa iyang balaan nga saad, ug kang Abraham nga iyang alagad.

Salmo 38:4

Kay ang akong kasal-anan milapaw sa akong ulo; sama sa bug-at nga palas-anon, hilabihan ra kini kabug-at alang kanako.

Salmo 77:8

Nawala na ba sa dayon ang iyang gugmang walay paglubad? Natapos na ba sa dayon ang iyang saad?

Salmo 95:10

Sulod sa 40 ka tuig naugtas ako niadtong kaliwatana ug miingon, “Sila katawhan nga nangasayop sa ilang kasingkasing, ug sila wala magtagad sa akong mga dalan.”

Ezequiel 14:10

Ug sila magpas-an sa ilang silot, ang silot sa propeta ug ang silot niadtong nagpakisayod kaniya managsama,

Ezequiel 23:35

Busa mao kini ang giingon sa Ginoong Dios: Tungod kay ikaw nalimot kanako, ug gisalikway nimo ako sa imong likod, busa antosa ang mga sangpotanan sa imong kalaw-ay ug pagkamakihilawason.”

Ezequiel 4:5

Kay ako nagtudlo alang kanimo ug gidaghanon sa mga adlaw, 390 ka adlaw, nga tukma sa gidaghanon sa mga tuig sa ilang silot. Mao usab kini ang gidugayon sa imong pagpas-an sa silot sa balay sa Israel.

Ezequiel 4:6

Sa diha nga ikaw makatuman na niini, ikaw mohigda sa ikaduhang higayon, apan sa tuo nga kilid, ug magpas-an ikaw sa silot sa balay sa Juda, 40 ka adlaw ang akong itakda alang kanimo, usa ka adlaw alang sa matag tuig.

Daniel 9:24

Ang gisugo mahitungod sa imong katawhan ug sa imong balaang siyudad, sa paghuman sa kalapasan ug sa pagtapos sa mga sala, ug sa paghimo sa pagtabon alang sa kasal-anan, ug sa pagdala sa walay kataposang pagkamatarong, ug sa pagmatuod sa panan-awon ug sa propeta, ug pagdihog sa labing balaan nga dapit, 70 ka pito ka tuig.

Oseas 9:12

Bisan ug sila nag-atiman ug mga bata, kuhaan nako sila hangtod nga walay mahibilin. Alaot sila sa diha nga ako mobiya kanila!

Levitico 20:19

Ayaw buksi ang pagkahubo sa igsoon nga babaye sa imong inahan, o sa igsoon nga babaye sa imong amahan kay kini pagpakaulaw sa imong kadugo, pas-anon nila ang ilang pagkasad-an.

Zacarias 11:10

Ug akong gikuha ang akong sungkod nga Grasya, ug gibali nako kini, gipapas ang kasabotan nga akong gihimo uban sa tanang mga katawhan.

Numeros 13:25

Human sa 40 ka adlaw namauli sila gikan sa pagpaniid sa yuta.

Numeros 18:23

Apan ang mga Levihanon magbuhat sa pag-alagad sa tolda nga tagboanan ug sila magdala sa ilang pagkadaotan. Kini mao ang walay kataposan nga balaod hangtod sa inyong mga kaliwatan, ug sila dili makaangkon ug panulundon diha sa katawhan sa Israel.

Numeros 32:13

Ug ang kaligutgot sa Ginoo misilaob batok sa Israel ug gihimo niya nga sila maglatagaw sa kamingawan sa 40 ka tuig hangtod nga ang tanang kaliwatan nga nagbuhat ug daotan sa panan-aw sa Ginoo mangahurot.

Mga Buhat 13:18

Ug sulod sa mga 40 ka tuig, giantos niya sila didto sa kamingawan.

Deuteronomio 2:7

Kay ang Ginoo nga inyong Dios nagpanalangin kaninyo sa tanang buhat sa inyong mga kamot. Siya nahibalo sa inyong paglatas niining dakong kamingawan. Niining 40 ka tuig, ang Ginoo nga inyong Dios nag-uban kaninyo, walay bisan unsa nga nakulang kaninyo.’

Mga Hebreo 4:1

Busa angay kitang mahadlok, samtang nagpadayon pa ang saad sa pagsulod ngadto sa iyang kapahulayan, tingali unya ug aduna kaninyoy maisip nga wala makakab-ot niini.

Josue 14:10

Ug karon, tan-awa, ang Ginoo nagbuhi kanako, sumala sa iyang gisulti niining 45 ka tuig sukad sa panahon nga ang Ginoo misulti kang Moises niining mga pulonga samtang ang Israel naglakaw didto sa kamingawan. Ug karon, tan-awa, niining adlawa ako 85 na ka tuig ang panuigon.

Gipadayag 11:3

Ug ang akong duha ka saksi nga nagsul-ob ug mga bisti nga sako, hatagan nako ug kagahom sa pagpropesiya sulod sa 1,260 ka adlaw.”

1 Samuel 2:30

Busa ang Ginoo, ang Dios sa Israel nagpahayag, ‘Akong gisaad nga ang imong panimalay ug ang panimalay sa imong amahan mosulod ug mogawas sa akong atubangan hangtod sa kahangtoran,’ apan karon ang Ginoo nagpahayag, ‘Ipalayo kana kanako, kay sila nga nagpasidungog kanako akong pasidunggan, ug sila nga nagtamay kanako tamayon.