Numeros 14:33

Ang Biblia 2011

Ug ang inyong mga anak mahimong mga tigbantay sa karnero sa kamingawan sulod sa 40 ka tuig ug mag-antos tungod sa inyong pagkadili matinud-anon hangtod nga ang inyong mga lawas nga patay magbuy-od diha sa kamingawan.

Cross References

Salmo 107:4

Naglatagaw sila sa kamingawan; wala sila makakaplag ug siyudad nga ilang kapuy-an;

Salmo 107:40

iyang gibubo ang pagtamay ibabaw sa mga pangulo, ug sila gipalatagaw didto sa kamingawan nga walay dalan;

Salmo 78:33

Busa giwagtang niya ang ilang mga adlaw sama sa gininhawa, ug ang ilang mga tuig diha sa kalisang.

Exodo 20:5

Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.

Ezequiel 23:35

Busa mao kini ang giingon sa Ginoong Dios: Tungod kay ikaw nalimot kanako, ug gisalikway nimo ako sa imong likod, busa antosa ang mga sangpotanan sa imong kalaw-ay ug pagkamakihilawason.”

Oseas 9:1

Ayaw pagmaya, O Israel! Ayaw paglipay sama sa mga katawhan; kay ikaw nagbaligya sa imong dungog, mibiya sa imong Dios. Ikaw nahigugma sa suhol sa usa ka babayeng nagbaligya sa iyang dungog diha sa tanang giokanan.

Numeros 32:13

Ug ang kaligutgot sa Ginoo misilaob batok sa Israel ug gihimo niya nga sila maglatagaw sa kamingawan sa 40 ka tuig hangtod nga ang tanang kaliwatan nga nagbuhat ug daotan sa panan-aw sa Ginoo mangahurot.

Numeros 33:38

Ug si Aaron nga pari mitungas sa Bukid sa Hor tungod sa sugo sa Ginoo ug siya namatay didto sa ika-40 nga tuig human ang katawhan sa Israel makagula gikan sa yuta sa Ehipto, sa ikalima nga bulan, sa unang adlaw sa bulan.

Numeros 5:31

Ug ang lalaki mahigawas sa kasal-anan, apan ang babaye magpas-an sa iyang kasal-anan.”

Mga Buhat 7:36

Iyang gipagula sila ug nagbuhat siya ug mga kahibulongan ug mga ilhanan didto sa Ehipto ug sa Dagat nga Pula ug sa kamingawan sulod sa 40 ka tuig.

Deuteronomio 1:3

Ug sa ika-40 nga tuig, sa unang adlaw sa ikanapulo ug usa nga bulan, si Moises misulti sa katawhan sa Israel sumala sa tanan nga gihatag sa Ginoo kaniya ingon nga kasugoan alang kanila,

Deuteronomio 2:14

Ug ang gidugayon sukad sa atong pagbiya sa Kades-barnea hangtod sa atong paglabang sa sapa sa Zered 38 ka tuig, hangtod nga ang tibuok kaliwatan nga mao ang mga tawo sa panggubatan nangahanaw gikan sa kampo sumala sa gipanumpa kanila sa Ginoo.

Deuteronomio 2:7

Kay ang Ginoo nga inyong Dios nagpanalangin kaninyo sa tanang buhat sa inyong mga kamot. Siya nahibalo sa inyong paglatas niining dakong kamingawan. Niining 40 ka tuig, ang Ginoo nga inyong Dios nag-uban kaninyo, walay bisan unsa nga nakulang kaninyo.’

Deuteronomio 29:5

Ug gidala ko kamo sulod sa 40 ka tuig didto sa kamingawan. Ang inyong mga bisti wala mangadaan diha kaninyo ug ang inyong mga sandalyas wala mangadaan sa inyong mga tiil.

Deuteronomio 8:2

Ug hinumdomi ninyo ang tanang dalan nga gidad-an kaninyo sa Ginoo nga inyong Dios sulod sa 40 ka tuig didto sa kamingawan, aron kamo himoon niya nga mapaubsanon, magsulay kaninyo aron sa pag-ila sa unsay anaa sa inyong kasingkasing, kon magtuman ba kamo sa iyang mga sugo o dili.

Deuteronomio 8:4

Ang inyong bisti wala gayod madaan diha kaninyo ug wala maghubag ang inyong tiil sulod sa 40 ka tuig.

Josue 14:10

Ug karon, tan-awa, ang Ginoo nagbuhi kanako, sumala sa iyang gisulti niining 45 ka tuig sukad sa panahon nga ang Ginoo misulti kang Moises niining mga pulonga samtang ang Israel naglakaw didto sa kamingawan. Ug karon, tan-awa, niining adlawa ako 85 na ka tuig ang panuigon.

Josue 5:6

Kay ang katawhan sa Israel nagpanaw sulod sa 40 ka tuig didto sa kamingawan hangtod nga ang tibuok nga nasod, ang mga tawo nga manggugubat nga nanggula sa Ehipto, nangamatay kay sila wala mamati sa tingog sa Ginoo. Kanila ang Ginoo nanumpa nga dili niya sila pakit-on sa yuta nga gipanumpa sa Ginoo ngadto sa ilang katigulangan nga iyang ihatag kanato, usa ka yuta diin nag-agas ang gatas ug dugos.