Numeros 14:3

Ang Biblia 2011

Ug nganong gidala man kami sa Ginoo niining yutaa aron mangapukan pinaagi sa espada? Ang among mga asawa ug ang among kabataan mahimo nga tukbonon. Dili ba maayo pa kanamo nga mamalik sa Ehipto?”

Cross References

Nehemias 9:17

Nagdumili sila sa pagsugot, ug wala maghunahuna sa mga katingalahan nga imong gihimo taliwala kanila, apan gipatikig nila ang ilang liog ug nagtudlo ug usa ka pangulo aron sa pagbalik ngadto sa ilang pagkaulipon sa Ehipto. Apan ikaw usa ka Dios nga andam sa pagpasaylo, mapuangoron ug maluluy-on, hinay sa pagkasuko ug madagayaon sa gugmang walay paglubad ug wala mobiya kanila.

Salmo 78:40

Sa makadaghan sila misupil batok kaniya didto sa kamingawan, ug mipasubo kaniya didto sa kamingawan!

Exodo 16:3

Ug ang katawhan sa Israel miingon kanila, “Maayo pa ug nangamatay kami pinaagi sa kamot sa Ginoo didto sa Ehipto sa dihang naglingkod kami tupad sa mga kulon sa mga unod ug nagkaon ug pan hangtod sa mabusog. Kay kamo nagdala kanamo dinhi niining kamingawan aron sa pagpatay niining tibuok nga katilingban pinaagi sa gutom.”

Exodo 5:21

Ug ang mga kapatas miingon kanila, “Makita unta sa Ginoo ang inyong gibuhat ug hukman kamo kay gihimo ninyo kami nga dulumtanan sa mga mata sa Paraon ug sa mga mata sa iyang mga sulugoon ug nagbutang ug espada diha sa ilang mga kamot aron sa pagpatay kanamo.”

Jeremias 42:14

ug mag-ingon, ‘Dili, moadto hinuon kami sa yuta sa Ehipto, diin dili kami makakita ug gubat o makadungog ug tingog sa trumpeta o gutomon ug pan ug mopuyo kami didto,’

Jeremias 42:19

Ang Ginoo miingon kaninyo, O salin sa Juda, ‘Ayaw kamo pag-adto sa Ehipto.’ Hibaloi gayod ninyo nga ako nagpasidaan kaninyo niining adlawa

Jeremias 9:3

Ilang gibawog ang ilang mga dila sama sa pana; ang kabakakan ug dili ang kamatuoran maoy nalig-on diha sa yuta; kay sila nagpadulong gikan sa kadaotan ngadto sa kadaotan, ug sila wala makaila kanako, nag-ingon ang Ginoo.

Numeros 11:20

kondili sa usa ka bulan gayod hangtod nga kini manggula sa inyong mga ilong ug lud-on kamo niini tungod kay gisalikway ninyo ang Ginoo nga anaa sa taliwala ninyo ug nanghilak kamo sa atubangan niya nga nag-ingon, “Ngano man nga nanggula kita gikan sa Ehipto?” ’ ”

Numeros 16:13

Gamay ba lamang kini nga butang nga gidala nimo kami gikan sa usa ka yuta diin nag-agas ang gatas ug dugos aron sa pagpatay kanamo dinhi sa kamingawan, nga ikaw maghimo pa gayod sa imong kaugalingon nga pangulo ibabaw kanamo?

Numeros 20:3

Ug ang katawhan nakiglalis kang Moises ug miingon, “Maayo pa unta ug nangamatay kami sa dihang nangamatay ang among kaigsoonan sa atubangan sa Ginoo!

Numeros 21:5

Ug ang katawhan misulti batok sa Dios ug batok kang Moises, “Ngano man nga gipatungas ninyo kami gikan sa Ehipto aron mangamatay kami niining kamingawan? Kay walay pan ug walay tubig ug ang among kalag giluod niining pan nga hilabihan ka gaan.”

Mga Buhat 7:39

Ang atong mga katigulangan nagdumili sa pagtuman kaniya, hinuon ilang gisalikway siya, ug diha sa ilang mga kasingkasing sila namalik ngadto sa Ehipto,

Deuteronomio 1:39

Dugang pa, ang inyong mga gagmay nga matod ninyo mahimong tukbonon ug ang inyong mga anak nga karon walay kahibalo sa maayo o sa daotan makasulod didto, ug ngadto kanila ihatag nako kini ug sila makapanag-iya niini.