Numeros 14:24

Ang Biblia 2011

Apan ang akong alagad nga si Caleb, kay siya adunay lahi nga espiritu ug sa hingpit nagsunod kanako, pasudlon nako ngadto sa yuta diin siya misulod, ug ang iyang kaliwatan manag-iya niini.

Cross References

1 Cronicas 29:18

O Ginoo, ang Dios ni Abraham, ni Isaac ug ni Israel, among katigulangan, bantayi hangtod sa kahangtoran kining mga katuyoan ug mga hunahuna sa kasingkasing sa imong katawhan, ug tultuli ang ilang kasingkasing nganha kanimo.

1 Cronicas 29:9

Unya ang katawhan nangalipay tungod kay nanghatag man sila nga kinabubut-on uban sa tibuok nga kasingkasing, nanghatag sila sa kinabubut-on ngadto sa Ginoo. Si David nga hari nalipay usab pag-ayo.

2 Cronicas 25:2

Siya nagbuhat sa matarong diha sa mga mata sa Ginoo, apan dili sa usa ka putli nga kasingkasing.

Salmo 119:145

Misangpit ako uban sa tibuok nakong kasingkasing, tubaga ako, O Ginoo; tumanon gayod nako ang imong mga lagda.

Salmo 119:80

Mahingpit unta ang akong kasingkasing diha sa imong mga lagda, aron ako dili maulawan.

Mga Panultihon 23:26

Anak ko, ihatag kanako ang imong kasingkasing, ug papaniira ang imong mga mata sa akong mga pamaagi.

Numeros 13:30

Apan gipahilom ni Caleb ang katawhan sa atubangan ni Moises ug siya miingon, “Manungas dayon kita ug panag-iyahon nato kini kay kita makahimo gayod sa pagbuntog niini.”

Numeros 14:30

dili gayod kamo makadangat ngadto sa yuta nga akong gipanumpa nga inyong puy-an, gawas kang Caleb nga anak ni Jefone ug kang Josue nga anak ni Nun.

Numeros 26:65

Kay ang Ginoo miingon mahitungod kanila, “Mangamatay sila diha sa kamingawan.” Ug walay bisan usa ka tawo nga nahibilin kanila gawas kang Caleb, nga anak ni Jefone ug kang Josue nga anak ni Nun.

Mga Buhat 11:23

Sa dihang miabot siya ug nakita ang grasya sa Dios, siya nalipay ug iyang gidasig ang tanan sa pagpabilin diha sa Ginoo uban sa kinasingkasing nga katuyoan

Mga Taga-Efeso 6:6

Ayaw nianang paagi nga linigoy sama niadtong mga magpahimuot sa mga tawo lamang, kondili ingon nga mga ulipon ni Cristo nga sa kinasingkasing magtuman sa kabubut-on sa Dios.

Deuteronomio 1:36

gawas kang Caleb nga anak ni Jefone. Siya makakita niini ug ngadto kaniya ug sa iyang mga anak ihatag nako ang yuta nga iyang nataakan kay siya hingpit nga misunod sa Ginoo!’

Deuteronomio 6:5

Ug higugmaa ang Ginoo nga inyong Dios sa tibuok ninyong kasingkasing, sa tibuok ninyong kalag ug sa tibuok ninyong kusog.

Mga Taga-Colosas 3:23

Bisan unsa ang inyong buluhaton, buhata kini sa kinasingkasing ingon nga alang sa Ginoo ug dili sa tawo,