Numeros 14:21

Ang Biblia 2011

Apan sa pagkatinuod gayod, ingon nga ako buhi, ug ingon nga ang himaya sa Ginoo nagpuno sa tibuok kayutaan,

Cross References

Salmo 57:6

Nag-andam sila ug pukot alang sa akong mga lakang; naguol ang akong kalag. Nagkalot sila ug usa ka gahong sa akong agianan, apan sila hinuon ang nangahulog diha niini. Selah

Salmo 72:19

Dalaygon ang iyang mahimayaong ngalan hangtod sa kahangtoran; mapuno unta sa iyang himaya ang tibuok nga yuta! Amen ug Amen!

Exodo 9:16

Apan gitugotan ko ikaw nga mabuhi alang niining maong tuyo, aron sa pagpakita kanimo sa akong gahom ug aron ang akong ngalan masangyaw sa tibuok kalibotan.

Isaias 49:18

Iyahat ang imong mga mata sa palibot ug tan-awa, kini silang tanan magtigom, manganha kanimo. Ingon nga ako buhi, nag-ingon ang Ginoo, ikaw magbutang kanila ingon nga usa ka dayandayan, ug magbakos kanila sama sa usa ka pangasaw-onon.

Isaias 6:3

Ug ang usa mitawag sa usa ug miingon, “Balaan, balaan, balaan ang Ginoo sa mga panon, ang tibuok nga yuta napuno sa iyang himaya.”

Jeremias 22:24

“Ingon nga ako buhi, nag-ingon ang Ginoo, bisan ug si Conias nga anak ni Jehoiakim nga hari sa Juda maoy singsing nga timaan nga ania sa akong tuong kamot, husloon ko ikaw;

Ezequiel 18:3

Ingon nga ako buhi, nag-ingon ang Ginoong Dios, kining panultihon dili na ninyo gamiton diha sa Israel.

Ezequiel 20:36

Ingon sa paghukom nako sa inyong mga amahan didto sa kamingawan sa yuta sa Ehipto, hukman usab kamo nako, nag-ingon ang Ginoong Dios.

Ezequiel 33:11

Ingna sila, ‘Ingon nga ako buhi, nag-ingon ang Ginoong Dios, ako walay kalipay sa kamatayon sa tawong daotan, apan nga unta motalikod ang daotan gikan sa iyang pamaagi ug mabuhi. Biya kamo, biya gikan sa inyong daotan nga mga pamaagi kay ngano man nga magpakamatay kamo, O balay sa Israel?’

Ezequiel 33:27

Isulti kini ngadto kanila, Mao kini ang giingon sa Ginoong Dios: Ingon nga ako buhi, kadtong atua sa mga kamingawan mangapukan gayod pinaagi sa espada, ug siya nga anaa sa hawan nga kapatagan ihatag nako sa mga mananap aron tukbon, ug sila nga anaa sa lig-ong mga salipdanan ug sa mga langob mangamatay sa mikaylap nga sakit.

Ezequiel 5:11

Tungod niini, ingon nga ako buhi, nag-ingon ang Ginoong Dios, sa pagkamatinuod, tungod kay gihugawan ninyo ang akong balaang dapit sa tanan ninyong makapaluod nga mga butang, ug sa tanan ninyong mga dulumtanan, busa pakunhoron ko kamo. Ang akong mata dili maglaktaw, ug ako dili maluoy.

Habacuc 2:14

Kay ang kalibotan mapuno sa kahibalo sa himaya sa Ginoo ingon nga ang katubigan nagtabon sa dagat.

Sofonias 2:9

Busa ingon nga ako buhi, nag-ingon ang Ginoo sa mga panon, ang Dios sa Israel, ang Moab mahimong sama sa Sodoma, ug ang mga Amonihanon sama sa Gomora, usa ka yuta nga malukop sa mga kadyapa ug sa mga gahong sa asin, biniyaan hangtod sa kahangtoran. Ang mahibilin sa akong katawhan manakmit kanila ug ang salin sa akong nasod manag-iya kanila.

Numeros 14:28

Sultihi sila, ‘Ingon nga ako buhi,’ nag-ingon ang Ginoo, ‘unsay inyong gisulti sa akong pangdungog, mao ang buhaton nako kaninyo:

Mateo 6:10

Moabot unta ang imong gingharian, matuman unta ang imong kabubut-on dinhi sa yuta maingon sa langit.

Deuteronomio 32:40

Kay bayawon nako ang akong kamot ngadto sa langit ug manumpa, Ingon nga ako buhi hangtod sa kahangtoran,