Numeros 14:2

Ang Biblia 2011

Ug ang tanang katawhan sa Israel nagbagulbol batok kang Moises ug batok kang Aaron, ug ang tibuok nga katilingban miingon kanila, “Maayo pa unta ug nangamatay kami didto sa yuta sa Ehipto! O maayo pa unta ug nangamatay kami niining kamingawan!

Cross References

1 Mga Hari 19:4

Apan siya gayod mipanaw ug balig usa ka adlaw ngadto sa kamingawan, ug miadto ug milingkod sa ilalom sa usa ka kahoy nga enebro, ug siya nangayo nga siya mamatay unta ug miingon, “Igo na; karon, O Ginoo, kuhaa ang akong kinabuhi, kay ako dili man maayo kay sa akong katigulangan.”

Job 3:11

“Nganong wala man ako mamatay sa akong pagkahimugso, mogula gikan sa tagoangkan ug matapos?

Salmo 106:24

Unya gitamay nila ang maayong yuta kay wala man sila motuo sa iyang saad.

Salmo 106:25

Nagbagulbol sila diha sa ilang mga tolda, ug wala mamati sa tingog sa Ginoo.

Salmo 106:45

Nahinumdom siya sa iyang kasabotan tungod ug alang kanila, ug siya nagmaluluy-on sumala sa kadagaya sa iyang gugmang walay paglubad.

Exodo 14:11

Ug sila miingon kang Moises, “Tungod ba kay walay mga lubnganan sa Ehipto nga gikuha nimo kami aron mangamatay sa kamingawan? Unsa ba kining imong gibuhat kanamo sa imong pagdala kanamo gawas sa Ehipto?

Exodo 15:24

Ug ang katawhan nagbagulbol batok kang Moises nga nag-ingon, “Unsa may atong imnon?”

Exodo 17:3

Apan ang katawhan giuhaw ug tubig ug nagbagulbol sila batok kang Moises ug miingon, “Ngano bang gidala man kami nimo gikan sa Ehipto aron patyon sa kauhaw, kami ug ang among mga anak ug ang among kahayopan?”

Jonas 4:3

Busa karon, O Ginoo, naghangyo ako kanimo, kuhaa ang akong kinabuhi gikan kanako kay alang kanako maayo pa nga mamatay ako kay sa mabuhi.”

Jonas 4:8

Sa diha nga misidlak na ang adlaw, nag-andam ang Dios ug usa ka init nga hangin sa silangan ug ang adlaw miigo sa ulo ni Jonas nga tungod niana siya naluya ug naghangyo nga mamatay na lamang unta ug siya miingon, “Maayo pa alang kanako nga mamatay kay sa mabuhi.”

Numeros 11:1

Unya ang katawhan nagbagulbol diha sa pangdungog sa Ginoo mahitungod sa ilang kalisdanan. Ug sa dihang nadungog kini sa Ginoo, misilaob ang iyang kasuko ug midilaab batok kanila ang kalayo sa Ginoo ug milamoy sa mga daplin nga bahin sa kampo.

Numeros 11:15

Ug kon mao kini ang imong buhaton kanako, patya ako dayon, kon ako nakakaplag ug kahimuot sa imong panan-aw ug ayaw ako pakitaa sa akong pagkaalaot.”

Numeros 11:5

Nahinumdoman nato ang isda nga gikaon nato didto sa Ehipto nga walay bayad, ang mga pepino ug ang mga melon ug ang mga bawang ug ang mga sibuyas ug ang mga ahos.

Numeros 14:1

Unya ang tibuok nga katilingban mipatugbaw sa ilang tingog ug naninggit ug ang katawhan nanghilak niadtong gabhiona.

Numeros 14:22

kadtong tanang mga tawo nga nakakita sa akong himaya ug sa mga ilhanan nga akong gihimo didto sa Ehipto ug didto sa kamingawan nagsulay man kanako sa napulo na ka higayon ug wala mamati sa akong tingog,

Numeros 16:13

Gamay ba lamang kini nga butang nga gidala nimo kami gikan sa usa ka yuta diin nag-agas ang gatas ug dugos aron sa pagpatay kanamo dinhi sa kamingawan, nga ikaw maghimo pa gayod sa imong kaugalingon nga pangulo ibabaw kanamo?

Numeros 16:41

Apan sa pagkaugma ang tibuok nga katilingban sa katawhan sa Israel nagbagulbol batok kang Moises ug batok kang Aaron nga nag-ingon, “Gipatay ninyo ang katawhan sa Ginoo.”

Numeros 17:6

Ug si Moises misulti sa katawhan sa Israel ug ang tanan nilang mga pangulo mihatag kaniya ug mga sungkod, usa sa matag pangulo, sumala sa mga banay sa ilang katigulangan, napulo ug duha ka sungkod, ug ang sungkod ni Aaron diha uban sa ilang mga sungkod.

Numeros 20:2

Ug walay tubig alang sa katilingban, ug sila nagtigom pagtingob batok kang Moises ug batok kang Aaron.

Numeros 20:3

Ug ang katawhan nakiglalis kang Moises ug miingon, “Maayo pa unta ug nangamatay kami sa dihang nangamatay ang among kaigsoonan sa atubangan sa Ginoo!

Numeros 20:4

Ngano nga gidala man ninyo ang katilingban sa Ginoo niining kamingawan aron mangamatay kami dinhi, kami ug ang among mga kahayopan?

Numeros 21:5

Ug ang katawhan misulti batok sa Dios ug batok kang Moises, “Ngano man nga gipatungas ninyo kami gikan sa Ehipto aron mangamatay kami niining kamingawan? Kay walay pan ug walay tubig ug ang among kalag giluod niining pan nga hilabihan ka gaan.”

1 Mga Taga-Corinto 10:10

Ug dili kita magbagolbol, sama sa gibuhat sa uban kanila busa gilaglag sila sa tiglaglag.

Deuteronomio 1:27

Ug nagbagulbol kamo diha sa inyong mga tolda ug miingon, ‘Kay gidumtan man kita sa Ginoo, gikuha niya kita gikan sa yuta sa Ehipto aron itugyan kita ngadto sa kamot sa mga Amorihanon aron sa paglaglag kanato.

Deuteronomio 9:23

Ug sa dihang gisugo kamo sa Ginoo gikan sa Kades-barnea, nga nag-ingon, ‘Panungas kamo ug panag-iyaha ninyo ang yuta nga akong gihatag kaninyo,’ misupak usab kamo sa sugo sa Ginoo nga inyong Dios ug wala kamo motuo kaniya o motuman sa iyang tingog.

Mga Hebreo 3:16

Kinsa ba kadtong nakadungog apan misupil batok kaniya? Dili ba ang tanang migawas gikan sa Ehipto pinaagi kang Moises?

Judas 1:16

Kini sila mga bagulbolan, tigmulo, nagsunod sa ilang mga pangibog, ug ang ilang mga baba nagsulti ug mga hambog, nag-ulog-ulog sa mga tawo aron sa pagpamintaha.